ابرار الحق کا نام امریکی ویزا کی بلیک لسٹ میں شامل

لاہور(کلچرل رپورٹر)پاکستانی گلوکار اور سماجی کارکن ابرار الحق کا نام امریکی ویزا کی بلیک لسٹ میں ڈال دیا گیا جس کے بعد وہ امریکہ کے سفر پر اس وقت تک روانہ نہیں ہو سکتے جب تک ان کا نام لسٹ میں سے خارج نہیں ہوتا۔میڈیا رپورٹس کے مطابق ان کا نام غلط ویزاکیٹیگری پر امریکی شہروں میں کنسرٹ کرنے پر بلیک لسٹ کیا گیا۔ اس کے علاوہ انہوں نے ان کنسرٹس سے ہونے والی آمدنی پرٹیکس بھی نہیں دیا جس کے بعد امریکہ حکومت نے یہ قدم اٹھایا۔ذرائع کے مطابق B1/B2ایک ایسی ویزاکیٹیگری ہے جس میں آپ صرف سیر کرنے یا کسی کانفرنس میں شرکت کیلئے جاسکتے ہیں اور اس کے علاوہ کوئی کام نہیں کیا جاسکتا۔گلوکار یا اداکار کو PیاOویزالینا پڑتا ہے ۔