سید نورکا ندیم اورشبنم پر فلم ”آئینہ پارٹ ٹو“بنانے کا فیصلہ

کراچی(شوبز ڈیسک)ہدایتکار سید نور کا فلم آئینہ کا پارٹ ٹو بنانے کا فیصلہ ، مذکورہ فلم میں اہم کرداروں کیلئے شبنم اور ندیم کو کاسٹ کیا جائیگا ۔اس حوالے سے گزشتہ دنوں سید نور نے شبنم کو فلم میں کام کی آفر دی جس کے جواب میں شبنم نے فلم کا سکرپٹ جاندار ہونے کی شرط رکھی ہے۔سید نور نے ان کویقین دلایا کہ ماضی کی فلم آئینہ سے آئینہ 2 کی کہانی منفرد و جاندار ہوگی جس میں فنکاروں کے کردار بھی بالخصوص شبنم و ندیم کے یادگار ثابت ہونگے ۔شبنم کی خواہش ہے کہ ملکی فلم انڈسٹری ایک بار پھر سنہرے دور میں داخل ہوجائے کراچی کے دیگر فلمساز بھی شبنم کو کاسٹ کرنے میں دلچسپی لے رہے ہیں۔شبنم پاکستان میں فلمسازی کے بڑھتے ہوئے رجحان کو دیکھ کر خوش ہورہی ہیں ان کی کوشش ہے کہ اپنی عمر کے لحاظ سے کرداروں کا انتخاب کریں جس میں پرفارمنس کے مواقع بھی بھرپور ہوں اس کے لئے ان کو سینئر ساتھی اداکار بھی مشورے دے رہے ہیں اور وہ خود بھی اپنے سینئر ساتھی بالخصوص ندیم بیگ سے صلاح مشورے کررہی ہیں۔