ثانیہ مرزا کا کہنا ہے کہ پی ایس ایل کے میچز سے خوب لطف اندوز ہو رہی ہوں۔ تفصیلات کے مطابق دبئی میں پاکستان سپر لیگ کے دلچسپ اور سنسنی خیز میچز کا سلسلہ جاری ہے۔ اس دوران بھارت کی ٹینس سٹار اور شعیب ملک کی اہلیہ ثانیہ مرزا بھی میچز دیکھنے کیلئے اسٹیڈیم میں تشریف لاتی ہیں۔ ثانیہ مرزا کا کہنا ہے وہ پی ایس ایل کے میچز سے خوب لطف اندوز ہو رہی ہیں۔ وہ شعیب ملک کے میچز دیکھنے کیلئے خصوصی طور پر اسٹیڈیم آتی ہیں۔ جبکہ دبئی میں جاری ٹینس ٹورنامنٹ میں ان کے میچز دیکھنے کیلئے شعیب ملک بھی باقاعدگی سے جاتے ہیں۔ ثانیہ مرزا نے پی ایس ایل کو ایک بہترین کرکٹ لیگ قرار دیا ہے۔
