ملتان (مانیٹرنگ ڈیسک، ایجنسیاں) پیپلز پارٹی کے شریک چیئرمین آصف زرداری کا کہنا ہے کہ ججز کے دل میں کیا ہے وہ نہیں جانتے لیکن یہ ضرور پتا ہے کہ نواز شریف کے خلاف کبھی فیصلہ نہیں آیا۔ملتان میں حامد سعید کاظمی کی رہائش گاہ پر میڈیا سے بات کرتے ہوئے آصف زرداری نے کہا کہ وہ حامد سعید کاظمی کو باعزت بری ہونے پر مبارکباد دیتے ہیں، اللہ نے حامد کاظمی کے ساتھ انصاف کیا ہے، حامد سعید کاظمی کے باعزت بری ہونے پر الزام لگانے والوں کو شرم آنی چاہیے، سابق چیف جسٹس افتخار چوہدری سیاسی جج تھے وہ صدر بننا چاہتے تھے، صدر بننے کے لیےا±س سابق جج نے سب کچھ کیا، جب میں صدر تھا تو ان کی سفارشیں لے کر آنے والوں کو خبردار کرتا تھا کہ ان کی نیت ٹھیک نہیں لیکن وہ نہیں مانتے تھے اور بعد میں اس جج نے سیاسی جماعت بنا کر میری بات ثابت کردی۔آصف زرداری نے کہا کہ انہیں غیب کی باتوں کی خبر نہیں، اس لئے وہ نہیں جانتے کہ پاناما پر ججوں کے دلوں میں کیا ہے، یہ ضرور پتا ہے کہ ہمارے حق میں کوئی فیصلہ نہیں آتا، میاں صاحب کے خلاف کبھی فیصلہ آیا نہیں، یہ بات بےنظیر بھٹو بھی کہا کرتی تھیں کہ پتہ نہیں کیوں ہمارے حق میں اور نواز شریف کے خلاف عدالت کا فیصلہ نہیں آتا۔ پنجاب حکومت ہمیں سیکیورٹی دے یا نہ دیں لیکن ہم نکلیں گے اور پنجاب میں جلسے کریں گے۔آئندہ انتخابات کے حوالے سے سابق صدر نے کہا کہ ہم ہمیشہ انتخابات کے لیے تیار رہتے ہیں، الیکشن کل ہو یا آج ہم تیار ہیں لیکن مسلم لیگ (ن) نہیں چاہتی کہ ملک میں قبل از وقت الیکشن ہوں، وہ چاہیں گے کہ پہلے سینیٹ میں اکثریت حاصل کرلیں پھر عام انتخابات کرائیں، آئندہ انتخابات میں پیپلزپارٹی کامیاب ہوگی اور ہم ن لیگ سے پورا پنجاب لیں گے کیونکہ پورا پنجاب ہمارا ہے اور یہاں کے عوام بھی پیپلز پارٹی کا ساتھ دیں گے۔ سابق صدر آصف علی زرداری نے کہا ہے کہ سیاسی جج خود صدر بننا چاہتا تھا سابق چیف جسٹس کے سیاست میں آنے کی بات درست ثابت ہوئی، میڈیا سے گفتگو کے دوران آصف زرداری نے کہا کہ بی بی نے کہا تھا میاں صاحب کے خلاف اور ہمارے حق میں کبھی فیصلہ نہیں آیا، حامد سعید کاظمی کو باعزت بری ہونے پر مبارک باد دیتا ہوں، ہمیں یہ ضرور پتہ ہے کہ نواز شریف کے خلاف کبھی فیصلہ نہیں آیا ایک سابق چیف جسٹس بارے کہا تھا وہ سیاست میں آنا چاہتے ہیں اور انہوں نے اپنی سیاسی پارٹی بنا کر میری بات درست ثابت کر دی، کل جسے عوام نے کہا تھا اپنی اوقات میں رہو اس چیف جسٹس سے کہوں گا کہ شرم کرو۔ سابق صدر آصف علی زرداری نے موجودہ حکمرانوں کو تنقید کا نشانہ بنانے ہوتے ہوئے کہا ہے کہ جو جتنا لچا وہ اتنا اونچا ہے،یہی پالیسی آج کل چل رہی ہے۔ملتان میں ایک پریس کانفرنس کے دوران سابق صدر آصف علی زرداری نے حکمرانوں کو آڑے ہاتھوں لیتے ہوئے کہا ہے کہ آج کے دور میں جو شخص جتنا لچا ہے اس کا مقام اتنا ہی اونچا ہے،انہوں نے وزیر اعظم نواز شریف پر تنقید کرتے ہوئے کہا کہ بی بی شہید مجھ سے اکثر کہا کرتی تھی کہ نواز شریف میں ایسی کیا چمک ہے کہ ججز نے کبھی اس کے خلاف فیصلہ نہیں دیا،سیاسی چیف جسٹس نے پیپلز پارٹی کو انتقام کا نشانہ بنا کر خود صدر پاکستان کا عہدہ حاصل کرنا چاہا،پاکستان پیپلز پارٹی کسے سے ڈرنے والی نہیں ہے آئندہ وزیر اعظم ہماری پارٹی کا ہوگا۔
