کراچی (مانیٹرنگ ڈیسک) سابق گورنر سندھ عشرت العباد نے بانی متحدہ کو پاگل قرار دیدیا۔ ڈاکٹر عشرت العباد نے نجی ٹی وی سے گفتگو کرتے ہوئے کہا کہ متحدہ بانی کی ذہنی حالت درست نہیں رہی، ایم کیو ایم لندن مخدوش ہو چکی ہے۔ متحدہ پاکستان میں لیڈر زیادہ اور کارکن کم ہیں۔ کراچی میں سیاسی خلا پیدا ہو چکا ہے۔ ایسی صورتحال انتہا پسندی اور عدم استحکام کو جنم دیتی ہے جس سے دشمن ملک بشمول بھارت فائدہ اٹھائیں گے۔ فاروق ستار میں حقیقی لیڈروں والی کوئی بات نہیں ہے۔ الطاف حسین سے اختلاف اور پھڈوں کی وجہ سے پاکستان چھوڑنا پڑا۔
