چندی گڑھ (خصوصی رپورٹ) بھارت میں23سالہ خاتون کو اجتماعی زیادتی کا نشانہ بنانے کے بعد قتل کردیا گیا۔ سنگ دل ملزمان نے خاتون کی لاش کو بری طرح مسخ کر کے پھینک دیا جہاں نعش کے بعض حصوں کو کتے کھا گئے۔ بھارتی میڈیا کے مطابق ریاست ہریانہ میں 23سالہ خاتون کے اغوا، اجتماعی عصمت ریزی اور لاش کو بری طرح مسخ کر کے پھینک دینے کا انتہائی افسوسناک واقعہ پیش آیا جہاں نعش کے بعض حصوں کو کتے کھا گئے۔ پولیس نے واقعہ کا پتہ چلتے ہی دو افراد کو گرفتار کرلیا۔ واقعہ پر صدر کانگریس سونیا گاندھی نے شدید برہمی کا اظہار کرتے ہوئے کہا کہ خواتین کی سلامتی کے ضمن میں مزید بہت کچھ اقدامات کرنے ہیں۔
