اینٹیگا(اے پی پی) ویسٹ انڈیز نے چوتھے ون ڈے انٹرنیشنل میں بھارت کو 11 رنز سے شکست دے دی۔ بھارتی ٹیم 190 رنز کا ہدف حاصل کرنے میں ناکام رہی۔ جیسن ہولڈر کو 5 وکٹیں حاصل کرنے پرمیچ کا بہترین پلیئر قرار دیا گیا۔ اینٹیگا میں کھیلے گئے میچ میں ویسٹ انڈیز نے پہلے بیٹنگ کرتے ہوئے مقررہ 50 اوورز میں 9 وکٹوں کے نقصان پر 189 رنز بنائے۔ ایون لوئس اور کائل ہوپ 35 ، 35 جبکہ شے ہوپ 25 اور روسٹن چیز 24 رنز کے ساتھ نمایاں رہے۔ امیش یادیو اور ہارڈیک پانڈیا نے تین، تین وکٹیں حاصل کیں۔ بھارت کی ٹیم مطلوبہ ہدف حاصل کرنے میں ناکام رہی اور پوری ٹیم 49.4 اوورز میں 178 رنز بناکر آﺅٹ ہوگئی۔ اجنکیا راہانے 60 اور ایم ایس دھونی نے 54 رنز بنائے۔ جیسن ہولڈر نے تباہ کن باﺅلنگ کی اور 27 رنز کے عوض 5 کھلاڑیوں کو آﺅٹ کیا۔ انہیں میچ کا بہترین پلیئر قرار دیا گیا۔
