اسلام آباد(آئی این پی) شیخ رشید نے پانامہ کے حوالے سے مریم نواز کا نام لیا تو اس دوران مسلم لیگ ن کے رہنما کیپٹن (ر) صفدر نے شیخ رشید کو براہ راست دھمکی دے ڈالی، ان کی مراد سعید سے بھی تلخ کلامی ہوگئی، کیپٹن صفدر نے شیخ رشید کو انتباہ کیا کہ سابق وزیراعظم نوازشریف اور ان کے خاندان کی خواتین کا نام احترام سے نہیں لوگ تو پارلیمنٹ کے باہر تمہارے کپڑے اتاردونگا، انہوں نے سخٹ ریمارکس دیئے کہ شیخ رشید اپنے لیڈر کو کہیں کہ وہ اپنی بیٹی کو تسلیم کرے، اس پر پاکستان تحریک انصاف کے اراکین نے ایوان میں ہنگامہ آرائی شرع کردی، کیپٹن صفدر براہ راست تصادم کیلئے پاکستان تحریک انصاف کے اراکین کی طرف بڑھے تاہم خواجہ سعد رفیق ، شیخ آفتاب احمد اور دیگر نے بیچ بچاو¿ کرایا، شیخ رشید نے واضح کیا کہ ریکارڈ پر لانا چاہتا ہوں کہ میں مارا گیا تو نوازشریف، شہباز شریف اور اس کا خاندان ذمہ دار ہوگا، جماعت اسلامی پاکستان کے پارلیمانی رہنما اور وزارت عظمیٰ کے سابق امیدوار صاحبزادہ طارق اللہ عدلیہ سے مطالبہ کیا کہ احتساب کے حوالے سے کارروائی جاری رہنی چاہئے، ہم صرف نوازشریف کا احتساب نہیں چاہتے تھے بلکہ پانامہ پیپرز کے حوالے سے جن 450افراد کے نام آئے ہیں ان کے خلاف کارروائی شروع کی جائے، انہوں نے کہا کہ سوئس بنک میں موجود پاکستانی دولت کو واپس لایاجائے اور پاکستان کو لوٹنے والوں کا کڑا احتساب کیا جائے، کرپشن کے حوالے سے ملک کے سارے گند کو صاف کرنا ہوگا ورنہ ترقی نہیں کرسکیں گے، ملک میں بدامنی ہے، دہشتگردی ہے، خود کش حملے ہیں، ہمسایہ ممالک کے ساتھ تعلقات درست نہیں ہیں، افغانستان کیساتھ بھی تعلقات اچھے نہیں ہیں، مگر نو منتخب وزیراعظم نے خارجہ پالیسی کے حوالے سے اپنی ترجیحات کا کوئی ذکر نہیں کیا، وزیراعظم ٹیکس وصولی کے حوالے سے قدم آگے بڑھائیں ، جماعت اسلامی ساتھ دیگی، اگر یہ حکومت بھی کرپشن کو ختم نہ کر سکی تو شاہد خاقان عباسی کو بھی اتار دیا جائیگا۔
