اسلام آباد(مانیٹرنگ ڈیسک)نواز شریف اسلام آبا د سے براستہ جی ٹی روڈ لاہور کیلئے روانہ ہو چکے ہیں۔ ایسے میں مسلم لیگ ن اور نواز شریف کے چاہنے والے کارکن حضرات اپنے قائد کے استقبال کی تیاریوں میں مصروف ہیں۔ جہلم سے تعلق رکھنے والے ایک صارف محمد عمیر عظمت نے اپنے قائد نواز شریف سے والہانا محبت کا اظہار کرتے ہوئے ٹویٹ کیا ہے کہ نواز شریف کی ریلی کےشرکاءکو میاں جی ریسٹورنٹ کی جانب سے مفت میں کھانا فراہم کیا جائے گا۔ واضح رہے کہ میاں جی ریسٹورنٹ اپنی دیسی دال اور پراٹھے کی وجہ سے مشہور ہے۔۔ سابق وزیراعظم نواز شریف کی صاحبزادی مریم نواز نے قائد ن لیگ سے محبت کے اس اظہار پر محمد عمیر عظمت جو کہ میاں جی ریسٹورنٹ کے مالک ہیں کی ٹویٹ کو اپنے ٹویٹر پیغام میں شیئر کرتے ہوئے ان کے جذبے کو سراہا ہے۔
