رینجر ز کی بڑی کاروائی ،ایم کیو ایم لندن کا مکروہ چہرہ بے نقاب

کراچی (ویب ڈیسک) رینجرزسندھ نے متحدہ رہنماءمحمد یوسف عرف ٹھیلے والے کومیڈیاکے سامنے پیش کردیا،جبکہ متحدہ لندن نے یوسف کی 7اگست کوہلاکت کی خبرشائع کی اور قل خوانی بھی کروائی۔ ترجمان رینجرزسندھ میجرقمبررضا نے واضح کیاہے کہ متحدہ لندن کی قیادت گمراہ کن پروپیگنڈاکررہی ہے،زندہ کارکن کوہلاک ظاہرکیاگیا۔ میڈیا رپورٹس کے مطابق رینجرزسندھ کی جانب سے میڈیاکے سامنے پیش ہوکرمتحدہ لندن کے کارکن یوسف عرف ٹھیلے والے اعتراف کیاکہ وہ ایم کیوایم لندن کاکارندہ ہے۔گلشن بہارکی کنسٹرکشن کمپنی میں کام کرتاہوں۔27جولائی کوسادہ کپڑوں میں ملبوس اہلکاروں نے گرفتاری کیلئے چھاپہ ماراتودورسے دیکھ کرفرارہوگیا۔میں میرپوخاص میں اپنے دوست کے گھرمیں روپوش ہوگیا۔وہ بھی مجھ سے تنگ آگئے کہ ہم پناہ دینے پر پکڑے نہ جائیں۔7اگست کومتحدہ لندن کے رہنمائ ندیم نصرت کی خبرپڑھی کہ یوسف عرف ٹھیلے والے کوہلاک کردیاگیاہے۔متحدہ لندن نے قل خوانی بھی کروائی۔صورتحال سے تنگ آکرقانون نافذکرنے والے اداروں کے حوالے کردیا۔اس موقع پرترجمان رینجرزسندھ میجرقمبررضانے بتایاکہ متحدہ لندن کے زیادہ تردہشتگردبیرون ملک فرارہوچکے ہیں۔متحدہ لندن کی قیادت گمراہ کن پروپیگنڈاکررہی ہے۔ایک زندہ کارکن کوہلاک ظاہرکردیاگیا۔ انہوں نے کہاکہ رینجرزسندھ امن وامان کی فضا برقراررکھنے کیلئے پرعزم ہے ۔