ماسکو: روس نے سماجی رابطے کی ویب سائٹ فیس بک کو خبردار کیا ہے کہ اگر مقامی صارفین کے ڈیٹا کو محفوظ کرنے کے حوالے سے قانون پر عملد درآمد نہیں کرایا گیا تو فیس بک کو 2018 تک بند کردیا جائے گا۔روس میں انٹرنیٹ کی نگرانی کرنے والی ٹیلی کام کمپنی کے سربراہ الیکزینڈر نے فیس بک انتظامیہ کو خبردار کرتے ہوئے کہا کہ اگر وہ مقامی صارفین کے ڈیٹا کو محفوظ کرنے کے حوالے سے قانون پر عملدرآمد کرانے میں ناکام ہوجاتا ہے تو فیس بک کو روس میں کام بند کرنا پڑے گا جیسا کہ بدقسمتی سے لنکڈ ان کو کرنا پڑا، اس حوالے سے کمپنی کو کوئی استشتا حاصل نہیں ہے کیوں کہ یہ قانون سازی انتہائی ضروری ہے اور ہم ہر صورت میں قانون حاصل کریں گے۔آئی ٹی کمپنی کے سربراہ کا کہنا تھا کہ ہمیں اس بات کا اندازہ ہے کہ روس میں فیس بک بہت اہمیت کا حامل ہے اور اس کے لاتعداد صارفین بھی یہاں موجود ہیں لیکن یہ کوئی منفرد سروس نہیں ہے ایسی اور بھی بہت سی سوشل سائٹس موجود ہیں۔روسی صارفین کے ذاتی ڈیٹا کو روس کے اندر محفوظ کرنے کے لیے غیر ملکی میسج سروس، سرچ انجن اور سماجی رابطے کی ویب سائٹ کی ضرورت تھی مگر اس حوالے سے 2014 میں ایک قانون پاس ہوا تھا جس میں کہا گیا تھا کہ روسی صارفین کا ڈیٹا صرف روس کے سروس پر ذخیرہ کیا جائے۔

ڈھاکہ‘ استنبول (این این آئی) ترکی کے صدر رجب طیب اردگان نے میانمار میں روہنگیا مسلمانوں کے قتل وعام کا ذمہ دار سکیورٹی فورسز کو قرار دیتے ہوئے کہا ہے کہ وہ روہنگیا مسلمان اقلیت کے خلاف ‘بدھ مت دہشت گردی’ کو ہوا دے رہی ہیں، میڈیا رپورٹس کے مطابق استنبول میں ایک تقریر کے دوران ترک صدر نے عالمی برادری کو میانمار کی حکومت کے خلاف پابندیاں نہ لگانے پر تنقید کا نشانہ بنایا۔ اردگان کا کہنا تھا کہ ‘وہاں مکمل طور پر نسل کشی ہو رہی ہے۔ میانمار کی نوبیل انعام یافتہ رہنما آنگ سان سوچی سے بھی ترک صدر نے بذریعہ فون رابطہ کیا تاہم ان کا موقف تھا کہ ‘بدھ مت ہمیشہ سے امن کے پیامبر کے طور پر پیش آتے ہیں۔ ترک صدر نے کہا کہ ‘اس وقت میانمار میں مکمل طور پر بدھ مت دہشت گردی ہے لیکن میں نہیں جانتا کہ اس کو یوگا سے کیسے تبدیل کیا جاسکتا، یہ ایک حقیقت ہے اور تمام انسانیت کو اس کے بارے میں جاننے کی ضرورت ہے۔ ترک صدر طیب اردگان نے عالمی برادری کو بھی تنقید کا نشانہ بناتے ہوئے کہا کہ دنیا ‘اسلامی دہشت گردی’ کی فوری مذمت کرتی ہے لیکن ‘مسیحی دہشت گردی’، یہودی دہشت گردی’ اور بدھ مت دہشت گردی’ پر خاموش ہوجاتی ہے۔ بنگلہ دیش کے ایک اسپتال میں روہنگیا مسلمان زیر علاج ہیں۔، ان کے گھر میانمار کی فوج نے حال ہی میں نذر آتش کر دیئے گئے، غیرملکی خبررساں ادارے کے مطابق جس وقت ان کے گھروں میں آگ لگائی گئی یہ افراد گھروں میں موجود تھے اور کوشش کے باوجود آگ سے نہیں بچ پائے جس کے سبب ان کے جسم بری طرح جھلس گئے۔ آگ میں جھلسنے سے ان کے جسموں پر لگے زخم تو شاید کچھ عرصے بعد مندومل ہوجائیں لیکن روح پر لگے زخم شاید کبھی نہ بھر سکیں۔

بیجنگ (این این آئی) چین کی حکمران جماعت کے رکن اور شہر تیانجن کے سابق میئر کو رشوت لینے کے جرم میں12 سال کیلئے جیل بھیج دیا گیا۔غیرملکی خبررساں ادارے کے مطابق چینی عدالت کا کہنا تھا کہ تیانجن کے سابق میئر ہوانگ زنگو نے اختیارات کا غلط استعمال کرتے ہوئے زمینوں کی منظوری کیلئے 6 ملین ڈالر سے زائد رشوت لی جس پر عدالت نے انہیں 12 سال کیلئے جیل کی سزا سنائی ہے۔
2008 میں میئر بننے والے ہوانگ زنگو تیانجن میں کمیونسٹ پارٹی کے موجودہ سربراہ بھی ہیں۔صدر ژی جن پنگ کے عہدہ سنبھالنے کے بعد سے اب تک درجنوں چینی حکام کو کرپشن پر جیل بھیجا گیا ہے۔