بھارت کے بعد ایک اور ملک کا پاکستانی سرحد پر حملہ

اسلام آباد(ویب ڈیسک)  پاک ایران سرحد کے قریب ایرانی فورسز کی فائرنگ سے ایک پاکستانی شہری جاں بحق اور ایک زخمی ہوگیا۔بدھ کو نجی ٹی وی کی رپورٹ کے مطابق لیویز ذرائع کا کہنا ہے کہ تربت میں پاکستان اور ایران کے سرحدی علاقے شیری کور میں ایرانی فورسز نے فائرنگ کی۔فائرنگ سے ایک پاکستانی شہری جاں بحق جبکہ دوسرا زخمی ہوگیا۔ذرائع کے مطابق جاں بحق شخص کی شناخت منہاج کے نام سے ہوئی ہے،جو اپنے ساتھی کے ہمراہ گاڑی میں اپنے آبائی گاؤں جا رہا تھا کہ ایرانی فورسز نے فائرنگ کردی جس کی زد میں آ کر وہ جاں بحق جبکہ اس کا ساتھی احسان شدید زخمی ہوگیا۔زخمی شخص کو تشویشناک حالت میں ڈسٹرکٹ ہسپتال تربت منتقل کردیا گیا۔اس سے پہلے بھارت کی ایل او سی پر نکیال سیکٹر پر سیز فائر معاہدے کی خلاف ورزی کرتے ہوئے بلا اشتعال فائرنگ، ایک شہری شہید۔ تفصیلات کے مطابق بھارتی افواج کی جانب سے آزادکشمیر کے ضلع کوٹلی کے علاقے نکیال سیکٹر میں سیز فائرہ معاہدہ کی خلاف ورزی کرتے ہوئے بلا اشتعال فائرنگ سے بالاکوٹ کا رہائشی شہری شہید ہو گیا جبکہ 4افراد شدید زخمی ہو گئے ہیں۔ زخمیوں کو طبی امداد کیلئے ہسپتال منتقل کر دیا گیا ہے۔ پاک فوج کی جانب سے بھارتی فائرنگ کا موثر جواب دیا جا رہا ہے۔ واضح رہے کہ پاکستان اور بھارت کے درمیان 2003میں ایل او سی پر سیز فائر معاہدہ طے پایا تھا جس کی بھارت کی جانب سے اب تک ہزاروں بار خلاف ورزی کی جا چکی ہے ،بھارتی بزدل افواج ایل او سی پر آزادکشمیر کے سول آبادی کے علاقوں کو نشانہ بناتا رہتا ہے جس میں حالیہ دنوں میں شدت آچکی ہے۔ گزشتہ ہفتے بھی بھارتی فائرنگ سے 7شہری شہید جبکہ درجن سے زائد افراد زخمی ہو چکے ہیں جن میں خواتین بھی شامل ہیں۔ دوسری جانب ورکنگ بائونڈر پر بھی پاکستانی علاقوں پر بھارتی گولہ باری کے واقعات سامنے آرہے ہیں۔