اسلام آباد (آن لائن) وزیر خارجہ خواجہ آصف3روزہ دورے پر امریکا چلے گئے وہ امریکی وزیر خارجہ ریکس ٹلرسن سے (آج) بدھ کو ملاقات کریں گے۔ میڈیا رپورٹس کے مطابق وزیر خارجہ خواجہ آصف 3روزہ دورے پر امریکا چلے گئے جہاں وہ (آج) امریکی وزیر خارجہ ریکس ٹلرسن اور (کل) جمعرات امریکی قومی سلامتی کے مشیر مک ماسٹر سے ملاقات کریں گے، ملاقاتوں میں کشمیر، افغانستان میں قیام امن اور باہمی تعلقات پر بات چیت ہوگی جبکہ جنوبی ایشیا سے متعلق پالیسی پر بھی تبادلہ خیال کیا جائے گا۔ پاک امریکا سفارتی دوروں کا شیڈول وزیراعظم اور امریکی نائب صدرکی ملاقات کے دوران طے پایا تھا، رواں ماہ امریکی وفد بھی پاکستان کادورہ کرے گا، ملاقاتوں میں جنوبی ایشیا سے متعلق پالیسی پر بھی تبادلہ خیال کیا جائے گا۔
