کامونکے(خصوصی رپورٹ) محنت کش کے گھر پیدا ہونے والے بچے کا دماغ کھوپڑی سے باہر ہے۔ ڈاکٹروں نے اپنی نوعیت کا پہلا کیس قرار دے دیا۔ بتایا گیا کہ محلہ شریف پورہ ڈیرہ بابا فتح محمد میں محنت کش محمد انور کے ہاں تین روز قبل بیٹے کی پیدائش ہوئی بچے کا دماغ سر سے باہر ہے اور گردن کے ساتھ لٹکا ہوا ہے۔ محمد انور اس کی بیوی نے بتایا ہے کہ وہ بچے کو لے کر لاہور چلڈرن ہسپتال گئے لیکن ڈاکٹروں نے اسے اپنی نوعیت کا پہلا کیس قرار دیتے ہوئے لاعلاج قرار دیدیا۔ بچے کے والدین نے وزیراعلی پنجاب سے اپیل کی کہ انکے بچے کا علاج بیرون ملک سے کروایا جائے۔ والدین نے بتایا کہ انکے پہلے پانچ بچے بالکل نارمل ہیں۔
