پنڈی بھٹیاں (نمائندہ خصوصی) سکھیکی میں شوہر سے جھگڑے پر سنگدل ماں نے تیز دھار آلے سے دو سے سات سال کی عمرکے تین بچوں کو ذبح کرکے نہر میں پھینک دیا اور خود بھی خودکشی کی ناکام کوشش کے بعد زخمی ہوکر ہسپتال پہنچ گئی۔ تفصیلات کے مطابق پنڈی بھٹیاں کے نواحی گاﺅں سکھیکی میں شوہر سے جھگڑے پر زینب بی بی نامی خاتون نے تیز دھار آلے سے دو سالہ بیٹی زہرا فاطمہ سمیت چھ سالہ بیٹا احمد رضا ا ور پانچ سالہ بیٹا محمد فیضان کو قتل کرکے نہر میں پھینک دیا اور خود بھی خود کشی کی کوشش کی جس کے نتیجے میں معمولی زخمی ہوئی اور محلے داروں نے طبی امداد فراہم کرنے کیلئے ڈسٹرکٹ ہسپتال پہنچا دیا واقع کی اطلاع ملتے ہی پولیس نے زینب بی بی کیخلاف مقدمہ درج کرکے خون سے آلود بچوں کے کپڑے اور تیز دھار آلہ قبضے میں لے لیا اور ریسکیو ٹیموں کے غوطہ خوروں نے بچوں کی لاشیں نہر میں ڈھونڈنے کا کام شروع کردیا ہے ۔
