پشاوہ (خصوصی رپورٹ) ٹریفک وارڈن نے سائیکل سوار کا چالان کر دیا۔ سائیکل سوار پشاور کی سڑکوں پر گھومتا پھرتا اپنا فون سننے میں مگن تھا کہ ٹریفک وارڈن نے اسے روک لیا، سائیکل سوار سمجھ ہی نہ سکا کہ اس کو روکنے کا مقصد کیا ہے مگر ٹریفک وارڈن نے اسے کہا کہ سائیکل چلاتے ہوئے فون سن رہے تھے اس لئے اب تمہارا چالان ہو گا۔ شہری نے پوچھا سائیکل پر فون سننے پر چالان کب سے ہونے لگا لیکن وارڈن نے سائیکل سوار کی ایک نہ سنی اور دو سو روپے کا چالان اسکے ہاتھ تھما دیا۔ ادھر ہری پور ٹریفک اہلکار نے ایک ریڑھی بان کو 2000 روپے کی چالان چٹ تھما دی، جس پر جرم دوران ڈرائیونگ موبائل فون کا استعمال لکھا ہوا ہے جبکہ غریب کی سائیکل بمع مولیوں کے تھانہ بند کرنے کے احکامات بھی جاری کر دیئے۔
