تاندلیانوالہ ، فیصل آباد (نمائندگان خبریں ) پنچائیت ہی درندہ بن گئی معصوم 18 سالہ لڑکی سے پنچائتی ارکان باری باری زیادتی کرتے رہے، تفصیل کے مطابق چک نمبر 429 گ ب کی رہائشی (ر)نے پریس کانفرنس کرتے ہوئے بتایا کہ و ہ پسند کی شادی کرکے اپنے شوہر کے ساتھ گاو¿ں میں رہائش پذیر تھی ،(ر) کے والد نے گاو¿ں کی پنچائیت سے استدعا کی کہ میں اپنی بیٹی کی با عزت رخصتی چاہتا ہوں لہذا میری بیٹی میرے ساتھ روانہ کی جائے۔ پنچائیت 3 افراد پر مشتمل تھی جن میں سیف ولد میر محمد ،ناصر ولد میر محمد اور اعجاز ولد مختار شامل تھے، گاو¿ں کے رسم و رواج کے مطابق پنچائیت نے فیصلہ کے بعد 18 سالہ(ر) کو اپنے پاس رکھ لیا بعد ازاں پنچائیت کے تینوں افراد بدنیت ہوگئے اور لڑکی سے 35 دن تک زیادتی کرتے رہے(ر) شور مچاتی رہی ،اللہ کے واسطے دیتی رہی لیکن ظالموں کو ترس نہ آیا اور تینوں درندے اس کی عزت پامال کرتے رہے،متاثرہ لڑکی نے بتایا کہ تھانہ سٹی میں درخواست دینے کے باوجود ایس ایچ او افضل جٹ نے کاروائی کرنے سے انکار کردیا،لڑکی نے الزام لگایا ہے کہ ایس ایچ او مبینہ طور پر ملزمان سے رشوت وصول کر چکاہے،متاثرہ لڑکی نے پریس کانفرنس کے دوران کہا کہ اگر میری دادرسی نہ کی گئی تو میں CPO آفس کے سامنے خود کو آگ لگا لوں گی ،(ر)نے اعلیٰ حکام سے اپیل کی ہے کہ ملزمان کو گرفتار کرکے کیفر کردار تک پہنچایا جائے،ایس پی صدر نے موقف دیتے ہوئے کہا کہ ایک ملزم کو گرفتار کرلیا گیا ہے جبکہ دیگر کی گرفتاری کے لئے چھاپے مارے جارہے ہیں۔

اسلام آباد (صباح نیوز) ڈاکٹر مفتاح اسماعیل کو خزانہ اور اقتصادی امور کے لئے وزیر اعظم کا مشیر مقرر کردیا گیا۔ بدھ کو عہدے کا چارج سنبھال لیا۔ ان کا درجہ وفاقی وزیر کے برابر ہوگا۔ صدر نے وزیراعظم کی ایڈوائس پر تقرر کیا۔ ڈاکٹر مفتاح اسماعیل نے پاکستان کو معاشی طور پر مضبوط بنانے سے متعلق پارٹی کی پالیسی کو آگے چلنے کے عزم کا اظہار کیا ہے۔ انہوں نے کہا ہے کہ بجٹ خسارے میں کمی اور زرمبادلہ ذخائر میں اضافے کیلئے ہرممکن کوشش کی جائے گی۔

بھائی پھیرو (حاجی محمدرمضان سے ) خبریں میں نواحی گاﺅں جلیکی کے آٹھ سالہ طالبعلم کی آنکھ ضائع ہونے کی خبر نمایاں طور پر شائع ہوتے ہی محکمہ تعلیم،محکمہ صحت اور محکمہ پولیس میں کھلبلی مچ گئی۔ملزمان کے خلاف ایف آئی آر درج ،ایک ملزم گرفتار دوسرے ملزمان کی گرتاری کیلیے چھاپے ،ہیڈ مسٹریس معطل۔مار نہیں پیار کی دھجیاں اڑانے والی استانیوں کی گرفتاری کیلیے چھاپے۔محکمہ تعلیم نے بھی انکوائری کیلیے افسر مقرر کر دیے ،۔با اثر اساتزہ کو بچانے کیلیے مقامی سیاستدان بھی غریب باپ پر دباﺅ ڈالنے لگے۔جب تک ملزمان کی آنکھیں نہیں نکالی جاتی وہ چین سے نہیں بیٹھے گا ،مظلوم ماں باپ کی فریاد۔مظلوم خاندان اور سماجی رہنماﺅں کا خبریں اور ضیا شاہد کو خراج تحسین۔تفصیلات کے مطابق گزشتہ روز خبریں میں اساتذہ کے بے رحمانہ تشدد سے آٹھ سالہ جماعت اول کے طالبعلم طلحہ کی آنکھ ضائع ہونے کی خبریں نمایاں طور پر شائع ہوتے ہی محکمہ تعلیم اور محکمہ پولیس میں کھلبلی مچ گئی ۔فوری طور پر ملزمان آسیہ بی بی،حمیرہ بی بی ،اور رسولاں بی بی کے خلاف تھانہ بھائی پھیرو صدر میں مقدمہ نمبر 543/2017 بجرم 334 ت پ درج کر لیا گیااور ایک ملزم گرفتار کر لیا گیا جبکہ ایس او ادریس چدھڑ نے بتایا کہ جلد ہی دوسرے ملزم گرفتار کر لیے جائیں گے اور انصاف کے تقاضے پورے کیے جائیں گے،با وثوق ذرائع سے معلوم ہوا ہے کہ اعلی پولیس حکام نے مقامی ایس ایچ او سب انسپکٹر محمد ادریس چدھڑ کو تمام ملزمان کی فوری گرفتاری کا حکم دے دیا ہے اور مقامی پولیس ملزمان کی گرفتاری کیلیے حرکت میں آچکی ہے ۔دوسری طرف محکمہ تعلیم نے اس واقع کا نوٹس لیکر ایک گزیٹیٹد آفیسر کو اس واقعہ کی انکوائیری کرنے کا حکم دے دے دیا ہے ۔ضلع قصور کے محکمہ تعلیم کے افسر ذوالفقار میاں کے مطابق انہوں نے ہیڈ مسٹریس کو معطل کر دیا ہے اور دوسری استانیوں کے خلاف انکوائری شروع کر دی گئی ہے۔یہ امر قابل ذکر ہے کہ اس واقع کو پندرہ روز گزر چکے ہیں مگر محکمہ تعلیم کے کسی افسر کے کان پر جوں تک نہ رینگی ۔دوسری طرف با اثر ملزمان کو گرفتاری سے بچانے کیلیے یہاں کے مقامی سیاستدانوں نے غریب محنت کش مظلوم باپ رانا واجد پر صلح کیلیے دباﺅ ڈالنا شروع کر دیا ہے ۔رانا واجد نے نمائندہ خبریں کو بتایا کہ پندرہ دن تک وہ انصاف کیلیے در بدر رہا مگر کسی نے اسے پوچھا تک نہیںمگر جب پولیس نے مقدمہ درج کرکے ملزمان کی گرفتاری کیلیے چھاپے مارنے شروع کیے تو کئی سیاستدان ملزمان کو بچانے کیلیے میدان میں آگئے اور اس پر دباﺅ ڈالنے لگے ۔رانا واجد نے روتے ہوئے کہاکہ جب تک ملزمان کی آنکھ نہیں نکالی جاتی وہ چین سے نہیں بیٹھے گا،اس نے خادم اعلی پنجاب ،وزیر تعلیم پنجاب اور آئی جی پنجاب سے اپیل کی وہ اسکے معصوم بیٹے کی دنیا اندھیرکرنے والے ملزمان کے خلاف سخت ترین کاروائی کریں ،اس نے مزید کہا کہ وہ اتنا غریب ہے کہ اپنے لخت جگر کا علاج بھی نہیں کروا سکتا اسے علاج کیلیے مالی امداد دی جائے۔ ادھر علاقے کے سماجی رہنماﺅں زین العابدین ،مشتاق احمد ،نور احمد اور درجنوں لوگوں نے انصاف دلانے پر جہاں ظلم وہاں خبریں کی انسپکشن ٹیم ،چیف ایڈیٹر خبریں ضیا شاہد ،ایڈیٹر امتنان شاہدکو خراج تحسین پیش کیا ہے کہ خبریں ہی وہ اخبار ہے جو مظلوم عوام کی آواز ہے اور اس اخبار نے ہر دور میں بھائی پھیرو کے مطلوم عوام کو انصاف دلانے کیلیےے نمایاںکردار ادا کیا ہے۔یاد رہے کہ آج سے پندرہ روز قبل گورنمنٹ پرائمری سکول جلیکی کی سنگدل ٹیچرزآسیہ بی بی،حمیرہ بی بی اور رسولاں بی بی نے غریب محنت کش رانا واجدکے بیٹے پر وحشیانہ تشددکیا تھا جس سے اسکی آنکھ ضائع ہو گئی تھی ۔مظلوم پندرہ دن تک انصاف کیلیے محکمہ تعلیم،محکمہ صحت اور محکمہ پولیس کے درمیاں فٹ بال بنا رہا بالآخر گزشتہ روز خبریں کی مداخلت پر ملزمان کے خلاف مقدمہ درج ہوا اور محکمہ تعلیم کے اعلی افسران نے بھی استانیوں کے خلاف کاروائی شروع کر دی۔

لندن (خصوصی رپورٹ) جماعت اسلامی نے آئندہ الیکشن میں پاکستان تحریک انصاف کے ساتھ انتخابی اتحاد سے انکار کر دیا۔ مذہبی اور نظریاتی جماعتوں کے اتحاد کے ساتھ آئندہ الیکشن میں حصہ لینے کا فیصلہ۔ تفصیلات کے مطابق امیر جماعت اسلامی سراج الحق کا گزشتہ روز لندن میں میڈیا سے گفتگو کرتے ہوئے کہنا تھا کہ آئندہ الیکشن میں تحریک انصاف سے انتخابی اتحاد نہیں کریں گے بلکہ مذہبی اور نظریاتی جماعتوں کے اتحاد کے ساتھ الیکشن میں حصہ لیں گے۔ ایم ایم اے کو دوبارہ فعال کرنے میں کسی خفیہ ہاتھ کا عمل نہیں تھا۔ انہوں نے کہا کہ ماڈل ٹاﺅن انسانیت سوز واقعہ تھا اور اس معاملے میں ہم طاہرالقادری کے ساتھ ہیں۔ پاکستان میں قیادت کا فقدان ہے۔ حقیقی جمہوری پسند حکومت کی ضرورت ہے۔ انہوں نے کہا کہ ہم بروقت انتخابات اور احتساب کے حامی ہیں کیونکہ احتساب کے بغیر نظام کی تبدیلی ممکن نہیں ہے۔ افراد کی تبدیلی کا تماشا بہت ہو چکا‘ اب نظام کی تبدیلی ضروری ہے۔ 31دسمبر تک فاٹا کا انضمام نہ ہوا تو پھر اگلا لائحہ عمل اختیار کرتے ہوئے دوبارہ اسلام آباد کا رخ کریں گے کیونکہ دھرنے کے بغیر حکومت کے کانوں پر جوں تک نہیں رینگتی ہے۔
جماعت اسلامی انکار