سوال: آپ جماعت اسلامی کی رکن کب بنیں؟ اور اس کا کیا فائدہ ہوا؟
جواب: میری بہت ہی عزیز سہیلی زہرہ وحید‘ ثریا اسمائ‘ بیگم واصل اور بنت مجتبیٰ کے پرزور اصرار پر میں نے 84ءمیں رکنیت کا فارم فل کیا۔ اس کے علاوہ بیگم اسعد‘ بیگم مسعود خان‘ آپا صفیہ قرنی اور آپا بلقیس صوفی اور حلقہ ¿ خواتین کی دیگر ارکان میری عزیز سہیلیوں میں سے تھیں۔ میں سمجھتی ہوں کہ اجتماعیت اسلام کا اہم ترین تقاضا ہے اور مجھے جماعت کے ساتھ وابستہ ہونے کی وجہ سے اپنی اور اپنی اولاد کی بہترین تربیت کے مواقع ملے۔ جماعت اسلامی اس مادہ پرست تہذیب کے چنگل سے بچانے کے لئے حفاظت کی ڈھال ہے۔ میں یہ نہیں کہتی کہ سارے اچھے لوگ صرف جماعت اسلامی میں ہی ہیں‘ ہمیں کسی تعصب میں مبتلا نہیں ہونا چاہئے مگر اس دور میں یہ ہماری نئی نسل کے لئے غنیمت ہے۔
سوال:قاضی صاحب 22 سال امارت پر فائز رہے۔ آپ کے خیال میں انہوں نے جماعت کو کتنا فائدہ پہنچایا؟
جواب: میرا خیال ہے کہ آپ کو شاید اس سوال کا جواب ان لاکھوں لوگوں سے لینا چاہئے جو قاضی صاحب کی جدائی پر ایسے بے قرار ہیں جیسے وہ ہی سب سے زیادہ ان کے قریب تھے۔ ہمیں تو خود ان کی زندگی میں یہ اندازہ نہ تھا کہ وہ عزیز جہاں ہیں۔ اللہ ان کی کوششوں کو قبول کرکے وہاں بھی عزت و سرفرازی کے مقام پر رکھے۔
سوال: قاضی صاحب ایک متحرک انسان تھے۔ آپ کو ان کے طرز سیاست سے کبھی اختلاف ہوا؟
جواب: ان کی بہت متحرک طبیعت کی وجہ سے اگرچہ مجھے وہ کبھی کم وقت دے پاتے مگر وہ اتنا بھرپور وقت ہوتا اور اتنی محبت اور توجہ ملتی اور انہوں نے مجھے اتنے زیادہ حقوق عطا کئے کہ مجھے ان کے طرز سیاست سے اختلاف نہیں بلکہ اتفاق رہا۔ میں ان کی ہم سفربھی رہی اور ان کی کارکن بھی۔ جہاد افغانستان کے زمانے میں ایک دفعہ کیمپوں کے دورے سے واپسی پر مجھ سے پوچھا کہ کبھی ہم پر ایسا وقت آیا تو میرا ساتھ دو گی؟ میں نے جواب دیا کہ آزمائشوں سے اللہ کی پناہ مانگنی چاہئے مگر جب آزمائش آئے گی تو دل و جان سے آپ کے ساتھ ہوں گی۔ کبھی کسی بات پر اختلاف ہوتا تو اس کا اظہار بھی میں کر دیتی تھی۔ قاضی صاحب توجہ سے بات سنتے تھے اور اگر بات میں وزن ہوتا تو قبول کرلیتے تھے۔
سوال: اب تک تین امرائے جماعت اپنی ذمہ داریاں نبھا کر اپنے رب کے حضور حاضر ہوچکے ہیں‘ آپ کے خیال میں کس امیر جماعت کا دور سب سے بہترین رہا اور کس وجہ سے؟
جواب: سب امرائے جماعت نے اپنی اپنی جدوجہد کی اور اللہ کے حضور حاضر ہوگئے ہیں۔ اللہ ان سے راضی ہوجائے اور ان کی خدمات کو شرف قبولیت بخشے۔
سوال: امیر جماعت کی بیگم قاضی اور بغیر امارات کے بیگم قاضی میں کہاں کہاں اور کیسا کیسا فرق محسوس کیا آپ نے؟
جواب: الحمدللہ جماعت اسلامی کے کارکنان نے ہمیشہ اپنی محبت اور عزت سے نوازا۔ قاضی صاحب کے جانے کے بعد تو مجھے اندازہ ہوا کہ وہ مجھے کتنے پیارے لوگوں کے درمیان چھوڑ کر رخصت ہوئے ہیں۔ میرا اتنا بڑا غم تقسیم ہوکر کم ہوجاتا ہے۔
سوال: آپ دونوں کا پچاس برس کا ساتھ رہا‘ ذرا یہ بتایئے کہ قاضی صاحب کن باتوں پر زیادہ خوش ہوتے تھے اور کن پر رنجیدہ؟ آپ کو تحائف کب اور کیا دیا کرتے تھے؟
جواب: یہ نصف صدی کا قصہ ہے۔ ایک انٹرویو اور ایک سوال میں اس کا جواب دینا ناممکن ہے۔ الحمدللہ! بہت خوبصورت یادیں ہیں۔ انہوں نے اپنی زندگی میں مجھے ایک لفظ سے آشنا کرایا اور وہ ہے ”محبت کے ساتھ عزت و احترام۔“
اتنی زیادہ قدردانی اور اتنی زیادہ محبت اور سب سے بڑھ کر عزت افزائی کرنا جس نے ہمارے خاندان کی مضبوط بنیاد رکھی۔ بہت زیادہ تحفے تحائف دینے کا شوق رہا۔ میرے بچے بتاتے ہیں کہ سب سے خوبصورت چیز اور سب سے مہنگی چیز دیکھ کر کہتے تھے کہ یہ امی کے لئے ضرور لے لو۔ کبھی بیرونِ ملک جاتے تو واپسی پر بچوں کے لئے چھوٹی موٹی چیز تحفے میں لے آتے۔
سوال: قاضی صاحب کھانے میں کیا پسند کرتے تھے؟
جواب: بہت سادہ کھانا کھاتے تھے مگر بہت شوق سے کھاتے تھے۔ جو کچھ تیار ہوتا بڑے شوق سے کھا لیتے۔ کبھی کوئی شکایت نہیں کی۔
سوال: کن باتوں پر جلال میں آجاتے تھے؟
جواب: ان کی ذاتی زندگی میں جلال کے لمحات بہت کم آتے تھے۔ کوئی جھوٹ بولتا تو اس پر بہت ناراض ہوتے تھے۔ خیانت پر بہت غصہ کرتے تھے۔ البتہ قومی معاملات میں حکمرانوں کی خیانت پر وہ ضرور جلال میں آتے تھے۔
سوال: نفلی عبادات کا کیا عالم تھا؟ گھر کے اندر ان کے معمولات کیا تھے؟
جواب: قرآن وحدیث ان کی زندگی کا لازم حصہ تھا اور نفلی عبادات میں بہت اخفا کا خیال رکھتے تھے۔ اس لئے میں بھی اس پر بہت تبصرہ نہیں کروں گی‘ مگر وہ آج کے دور کے ولی تھے۔ جیسا ظاہر ویسا باطن۔ سفید لباس کی طرح کردار بھی اُجلا۔ اللہ ان سے راضی ہوجائے۔ سب سے بڑی عبادت انہیں اقامت دین کی جدوجہد نظر آتی تھی اور وہ قرآن کریم سے اس کے لئے ہدایات کو اپنی زندگی کا نصب العین سمجھتے تھے۔
سوال: بچوں میں سے کس سے سب سے زیادہ محبت تھی انہیں؟
جواب: بچوں میں اتنا زیادہ توازن رکھتے تھے کہ ہر ایک یہی سمجھتا ہے کہ وہ مجھ سے سب سے زیادہ قریب تھے۔ بس جس بچے کو زیادہ ضرورت ہوتی تھی‘ اسی کے زیادہ قریب ہوکر اس کا خیال رکھتے تھے۔ الحمدللہ چاروں بچے ان کے دست و بازو بنے رہے۔ وہ اس لحاظ سے خوش قسمت تھے کہ ان کی اولاد ان کی نظریاتی کارکن بھی ہے۔
سوال: قاضی صاحب کے ہوتے ہوئے آپ کی مصروفیات کیا تھیں؟ اب معمولات کیا ہیں؟
جواب: ان کی زندگی بھی بھرپور اور اب ان کی جدائی بھی اتنی مصروفیت کا باعث ہے کہ مہینے سے زیادہ ہوگیا ہے اور ایک تانتا بندھا رہتا ہے۔ ”تیرے بعد اب کہاں وفا کے ہنگامے!“
سوال: آپ نے یا کسی اور فرد نے انہیں وفات کے بعد خواب میں دیکھا؟
جواب: وہ خوابوں سے زیادہ عمل پر یقین رکھتے تھے۔ ہمیں کچھ لوگوں نے ان کے بارے میں اچھے خواب بتائے ہیں مگر میں ان کے لئے اپنے رحمٰن رب سے دعا گو ہوں کہ وہ انہیں خوش رکھے اور اپنی رحمتوں میں رکھے۔ انبیائ‘ صدیقین‘ شہداءاور صالحین کا ساتھ نصیب کرے۔
سوال: اپنے خاندان پر وہ شجر سایہ دار کی مانند تھے‘ کس وقت اور کس کس پر یہ سایہ کرتے رہے؟
جواب: اپنے خاندان اور اڑوس پڑوس کے سب لوگوں سے ان کا تعلق تو آپ آکر اب دیکھیں کہ لوگ ان کے بارے میں کیا رائے رکھتے ہیں۔ کیا رشتے دار‘ کیا یتیم‘ کیا ملازم‘ کیا ہمسائے اور کس کس کی بات اور کس کس کا قصہ سناﺅں! وہ صرف اپنے بچوں ہی کے آغا جان نہیں تھے بلکہ وسیع تر خاندان‘ احباب اور تحریکی رفقاءکے لئے بھی ایک شجر سایہ دار تھے۔
سوال: اپنی بہنوں اور بیٹیوں کے نام کوئی آپ کا کوئی پیغام؟
جواب: آپ سب سے درخواست ہے کہ ان کے لئے دعائے مغفرت کیا کریں اور مجھے بھی اور میرے بچوں کو بھی اپنی دعاﺅں میں یاد رکھیں کہ اللہ دنیا میں اپنی دین کی مزدوری کا کام لے اور آخرت میں ہم سے راضی ہوجائے۔ آمین
٭٭٭

اسلام کوٹ (پ ر) کونسل آف نیوزپیپر ایڈیٹرز ایڈیٹرز (سی پی این ای) کا 36 رکنی وفد تھرپارکر کا دورہ ختم کرکے واپس پہنچ گیا ہے۔ سی پی این ای نے امید ظاہر کی ہے کہ تھرکول پاکستان سے اندھیرے ختم کرنے میں کلیدی کردار ادا کرے گا، حکومت کو چاھیے کہ مقامی قدرتی وسائل کا زیادہ سے زیادہ استعمال کرتے ہوئے ملک میں سے توانائی کا بحران ختم کیا جائے۔ تاکہ پاکستان ترقی کی منزلیں طے کرسکے۔ تھرکول منصوبہ نہ صرف تھر میں خوشحالی لائے گا بلکہ پاکستان میں توانائی کی ضروریات کی لائیف لائین بن جائیگا۔ سی پی این ای کے وفد نے سندھ اینگرو کول مائیننگ کمپنی کی جانب سے زیر تعمیر پاکستان کی پہلی اوپن پٹ مائین، زیر تعمیربجلی گھر، ترقیاتی اسکیموں، مثالی گھر، انصاری گرین پارک، خوشحال تھر پروگرام کا بھی دورہ کیا. وفد کو بریفنگ دیتے ہوئے کمپنی کے سربراہ شمس الدین شیخ نے بتایا کہ ان کی جانب سے سماجی، ثقافتی سرگرمیوں اور تحفظ ماحولیات کے حوالے سے خصوصی اقدامات اٹھائے جارہے ہیں اورغیر معمولی سرمایہ کاری کی جارہی ہے۔ انہوں نے کہا کہ تھرکول منصوبہ کے ثمرات مقامی لوگوں تک نہ پہنچ سکے تو اس منصوبہ کو کامیاب قرار نہیں دیا جاسکتا۔ انہوں نے کہا کہ وہ میزبان برادریوں کو متاثرین نہیں بلکہ اپنا شراکت دار سمجھتے ہیں اورانہیں فیصلہ سازی کے عمل میں شریک رکھتے ہیں۔ سی پی این ای کے سیکریٹری جنرل اعجازالحق نے دورہ کو انتھائی مفید اور معلوماتی قرار دیتے ہوئے کہا کہ بلاشک تھرکول منصوبہ پاکستان کی توانائی کی ضروریات کو پورا کرنے میں کلیدی کردار ادا کرے گا۔ انہوں نے کہا کہ سی پی این ای کہ کوشش ہوگی کہ اس منصوبہ کے ثمرات کو عمومی طور پر پاکستان اور خصوصا تھر کے عوام تک پھچانے کیلئے رابطوں کی خلیج کو کم ازکم کرنے کی کوشش کریں گے۔ انہوں نے کہا کہ تھرکول منصوبہ سے ہمارے پسماندہ ترین علاقے تھرپارکر میں تبدیلی آنے جارہی ہے جس سے پاکستان بھی ترقی کے سفرکی جانب گامزن ہوگا۔ دورے کے آخر میں ایک ثقافتی تقریب کا بھی انعقاد کیا گیا جس میں سانول ماروی گروپ اور خوشبو لغاری نے سر بکھیرے اور حاضرین سے خوب داد وصول کی۔ تھر کا دورہ کرنے والے گروپ میں سینئر صحافی امتیاز عالم، شاہین قریشی، اعجازالحق، قاضی اسد عابد، عامر محمود، رحمت علی رازی، انور ساجدی، عرفان اطہر قاضی، غلام نبی چانڈیو، ڈاکٹر جبار خٹک، صدیق بلوچ، مشتاق احمد قریشی، کاظم خان، جاوید مہر شمسی، سید ممتاز شاہ، ڈاکٹر وقار یوسف عظیمی، طاہر نجمی، عبدالخالق علی، مقصود یوسفی، فاروق سومرو، عبدالرحمان منگریو، مبشر میر، سید تراب علی شاہ، ممتاز احمد صادق، بشیر احمد میمن، کاشف میمن، امتیاز قاضی، اقبال ملاح، جاوید میمن، سلمان قریشی، شیر محمد کھاوڑ، سید رضا شاہ، زاہدہ عباسی، بلقیس جہاں، حسینہ جتوئی اور تانیہ بلوچ شامل تھے۔

لاہور (مانیٹرنگ ڈیسک) چینل ۵ کے تجزیوں اور تبصروں پر مشتمل پروگرام ”ضیا شاہد کے ساتھ“ میں گفتگو کرتے ہوئے مسلم لیگ ن کے رہنما سنیٹر جنرل (ر) عبدالقیوم نے کہا ہے کہ پاکستان اپنی تمام دفاعی ضروریات خود پوری کر رہا ہے جس میں پاکستان آرڈیننس فیکٹری کا بڑا کردار ہے سول و ملٹری قیادت کی کاوشوں سے پاکستان نے یہ مقام حاصل کیا ہے۔ ہماری دفاعی تیاری کسی کے خلاف جارحیت کے لئے نہیں ہے۔ ہم سمجھتے ہیں کہ جنوبی ایشیا کے تمام ممالک کو دفاع پر کم از کم خرچ کرنا چاہئے اور تعلیم اور صحت پر اصل توجہ ہونی چاہئے تاہم ہماری مجبوری یہ ہے کہ ہمارا دشمن مختلف عزائم رکھتا ہے اس نے آج تک پاکستان کو دل سے تسلیم ہی نہیں کیا۔ کوئی بھی ملک اپنے بڑے سائز یا اسلحہ کے ڈھیر سے بڑا نہیں ہو جاتا۔ قومیں جذبہ کے تحت طاقت پکڑتی ہیں پاکستان اور بھارت اس کی بہترین مثال ہیں۔ بھارت ہم سے 5 گنا بڑا ہونے، بڑے وسائل کے باوجود پاکستان سے خوفزدہ نظر آتا ہے۔ بھارتی فلموں کی پاکستان میں نمائش سے بھارت کو کوئی خاص فائدہ نہیں ہو گا۔ پاکستان نے ہمیشہ بڑے دل کا مظاہرہ کیا ہے اور اقوام متحدہ کے قوانین کے تحت چلتا ہے۔ دفاعی انڈسٹری دنیا میں پیسہ بنانے کی انڈسٹری ہے، امریکہ روس، چین اور دیگر بڑے ممالک دفاعی ساز و سامان بیچ کر اربوں ڈالر کما رہے ہیں پاکستان میں جنوبی ایشیا اور مڈل ایسٹ میں دفاعی سامان فروخت کرتا ہے ہماری جی تھری رئفل دنیا میں بہترین مانی جاتی ہے۔ جرمنی کو سپیئرپارٹس بنا کر دیتے ہیں امریکہ بھی کئی چیزیں پاکستان سے منگواتا ہے۔ نمائندہ خبریں کراچی وحید جمال نے کہا کہ کراچی کی سیاست میں نئی سیاسی جماعت ابھرتی نظر آ رہی ہے۔ سابق صدر پرویز مشرف سے چودھری شجاعت اور پیر پگاڑا کی ملاقاتیں بڑی اہم ہیں، سابق گورنر عشرت العباد بھی اسی ہفتے پاکستان آ سکتے ہیں۔ مشرف نے بھی اشارہ دے دیا ہے کہ کسی وقت بھی وہ واپس آ سکتے ہیں اور سیاسی حوالے سے اہم کردارادا کر سکتے ہیں۔ سلیم شہزاد متحدہ کے پرانے اور اہم ترین رہنما ہیں ان کی آمد سے لگ رہا ہے کہ ان کے کیسز بھی چلائے جائیں گے اور پھر کوئی سہولت فراہم کی جائے گی تا کہ کیسز والا اعتراض بھی باقی نہ رہے۔ مائنس ون فارمولے پر عمل ہو رہا ہے۔ اگلے الیکشن سے قبل متحدہ کے دونوں گروپ ایک ہو جائیں گے۔ متحدہ لندن اس وقت تک ختم نہیں ہو سکتی جب تک الطاف حسین کندن میں بیٹھا ہے۔ ماضی گواہ ہے کہ پرویز مشرف اور متحدہ میں بڑی انڈرسٹینڈنگ رہی ہے۔ ”خبریں‘’ کے بیوروچیف امریکہ محسن ظہیر نے کہا کہ صدر ڈونلڈ ٹرمپ کا سیاسی بیک گراﺅنڈ نہیں ہے، ٹرمپ ری پبلکن پارٹی سے صدر منتخب ہوئے لیکن وہ کبھی پارٹی میں متحرک نہیں رہے نہ ہی انہیں پارٹی کا روایتی سیاستدان قرار دیا جا سکتا ہے۔ امریکی صدر اس وقت انتخابی مہم میں کئے گئے وعدے پورے کرنے کی کوشش کر رہے ہیں اس لئے ان کی شخصیت تنقید کی زد میں ہے۔ امریکی سیاست میں اس وقت ہلچل مچی ہے جس میں ری پبلکن کی آواز نمایاں ہے جو صدر کی مخالفت کر رہی ہے۔ ٹرمپ کا ابھی ہنی مون پیریڈ چل رہا ہے جس میں ان کی ترجیح ووٹروں سے کئے وعدے پورے کرنا ہے۔

لاہور (خصوصی رپورٹ) ایف آئی اے نے بچوں کے ساتھ نازیبا حرکات کرتے ہوئے فلمیں بنانے اور پھر انہیں بلیک میل کرنے اور تعلیمی اداروں میں منشیات فروخت کرنے والا ملزم گرفتار کرلیا، ملزم کے موبائل فون سے متعدد بچوں کی تصاویر اور ویڈیوز حاصل کرلی گئیں، ایف آئی اے کے سائبر کرائم ونگ کے مطابق شکایات موصول ہوئیں کہ سکول کے بچوں کی پورن فلمیں بنا کر انہیں فیس بک پر ڈالا گیا ہے جس پر حکام نے اٹک کے رہائشی ملزم نبیل کو دھوکے سے لاہور بلا کر گرفتار کرلیا، ایف آئی اے حکام کا کہنا ہے کہ ابتدائی تفتیش میں یہ بات سامنے آئی ہے کہ ملزم گزشتہ چار سال سے اس گھناﺅنے کاروبار میں ملوث ہے، ملزم سکول، کالجز میں منشیات فروشی کا کاروبار کرکے معصوم بچوں کو بلیک میل کرتا تھا، حکام کا کہنا تھا کہ ملزم کے موبائل فون ریکارڈ سے یہ بات بھی سامنے آئی کہ وہ بچوں کی پورنوگرافی کرکے اسے افغانستان اور دبئی میں فروخت کرتا تھا۔