اسلام آباد (آئی این پی‘ مانیٹرنگ ڈیسک) اسلام آباد ہائیکورٹ نے وزیر داخلہ احسن اقبال کو توہین عدالت کا نوٹس جاری کردیا‘ جسٹس شوکت عزیز صدیقی نے کہا کہ وزیر داخلہ نے یقین دہانی کرائی تھی کہ 72 گھنٹوں میں معاملہ حل ہوجائے گا‘ سمجھ سے بالاتر ہے وزیراعظم یا وزیر عدالت کی حکم عدولی کیسے کرسکتے ہیں‘ عدالتی حکم کو نیچا دکھانے کی کوشش کی جارہی ہے‘ حکومت ابھی تک تو کچھ نہیں کررہی‘ عدالت سیدھی گولیاں مارنے کا لائسنس نہیں دیتی‘ بہت سے مریدین آنسو گیس کی شیلنگ سے ہی بھاگ جاتے ہیں‘ ختم نبوت صرف چند لوگوں کی نہیں پوری امت کی میراث ہے‘ ریاست کی رٹ برقرار رکھنے کے لئے تمام اقدامات کئے جائیں۔ جمعہ کو فیض آباد دھرنا کیس کی سماعت اسلام آباد ہائیکورٹ میں کی گئی۔ ڈی جی آئی بی اور آئی ایس آئی سیکٹر کمانڈر کو آئندہ سماعت پر طلب کرلیا گیا۔ عدالت نے استفسار کیا کہ وزارت داخلہ نے کس اتھارٹی کے تحت کارروائی سے روکا؟ سیکرٹری داخلہ اور چیف کمشنر توہین عدالت کے نوٹس پر عدالت میں پیش ہوگئے۔ چیف کمشنر نے کہا کہ ہمیں حکومت نے کارروائی کرنے سے روکا ہوا ہے وزیر داخلہ نے عدالت میں بھی بتایا تھا کہ انہوں نے روکا ہے۔ حکومت نے اس لئے روکا تاکہ مذاکرات جاری رہ سکیں۔ عدالت نے کہا کہ سمجھ سے بالاتر ہے وزیراعظم یا وزیر عدالت کی حکم عدولی کیسے کرسکتے ہیں۔ جسٹس شوکت صدیقی نے کہا ۔ اب 29کی بجائے 27 نومبر کو ظفر الحق کمیٹی رپورٹ پیش کریں۔ رپورٹ کو ابھی عام نہیں کرینگے رپورٹ میں جن کے نام ہوں گے وہ باہر نہیں جائیں گے۔ سیکرٹری داخلہ نے کہا کہ ضرورت سے زیادہ طاقت استعمال کی تو خون خرابہ ہوگا۔ کچھ چیزیں نہیں بتا سکتا۔ چیمبر بلائیں تو تحریری طور پر بتا دونگا۔ ریاست کے مفاد میں سب کچھ کررہے ہیں۔ جسٹس شوکت عزیز صدیقی نے کہا کہ ابھی تک تو کچھ بھی نہیں ہورہا معاملے کی نزاکت کے باعث سماعت 27 نومبر کو کریں گے اگلی سماعت تک رپورٹ عام نہ کی جائے۔ وزیر داخلہ احسن اقبال کو اگلی پیشی پر ذاتی حیثیت میں طلب کرلیا گیا ہے۔ عدالت نے کہا کہ ریاست کی رٹ برقرار رکھنے کے لئے تمام اقدامات کئے جائیں کیس کی مزید سماعت 27نومبر تک ملتوی کردی گئی۔

اسلام آباد(کرائم رپورٹر، مانیٹرنگ ڈیسک)وفاقی وزیر داخلہ احسن اقبال نے بالاخر تحریک لبیک پاکستان کے دھرنا مظاہرین سے نمٹنے کیلئے ضلعی انتظامیہ کو تمام معاملات سونپ دئیے آج علی الصبح آپریشن کا ممکنہ فیصلہ آپریشن میں پولیس کو ہتھیار استعمال نہ کرنے کی مکمل ہدایات ہیں د ھرنا مظاہرین کی طرف سے ہتھیار استعمال ہونے کی صورت میں پولیس 2014والی حکمت عملی اپنائے گی جہاں2014میں مظاہرین کی طرف سے پارلیمنٹ پر حملے کی صورت میں پولیس نے بیک اپ کیا تھا دوسری طرف تحریک لبیک دھرنے کے شرکا کو اسلام آباد کی ضلعی انتظامیہ کی جانب سے فیض آباد خالی کرنے کیلئے لکھا گیاہے جو انہیں موصول بھی ہو گیاہے۔ضلعی انتظامیہ کی جانب سے لکھے گئے خط میں کہاگیا ہے کہ فیض آباد پر دھرنے کی وجہ سے شہریوں کوشدید مشکلات کا سامناہے ،پہلے بھی 3وارننگ نوٹس جاری کیے جا چکے ہیں ۔ خط میں دھرنے کے شرکاءکوگذشتہ رات 12بجے تک فیض آباد خالی کر نے کا کہا گیا تھا ،ضلعی انتظامیہ نے وارننگ دیتے ہونے کہا کہ اسلام آباد میں دفعہ 144نافذ ہے۔دھرنے کے شرکا دو ہفتے سے غیر قانونی طورپر فیض آباد بیٹھے ہیں ، ہائیکورٹ کے حکم پر فیض آباد کے قریب پریڈ گراو¿نڈ جلسے جلوس کیلئے مختص ہے ، دھرنے کے شرکا دو ہفتے سے مسلسل قانون کی خلاف ورزی کررہے ہیں ، اگر رات 12بجے تک فیض آباد خالی نہ کیا تو ایکشن ہوگا ، آپریشن کی صورت میں تمام تر زمہ داری دھرنے کے قائدین اور شرکا پر ہوگی ۔حکومت نے دھرنے کے شرکاءکا کھانا پینا بند کر دیا ہے تھانہ نیو ٹاو¿ن پولیس نے چاول کی دیگوں اور دال روٹی کے پیکٹس پر مشتمل 6گاڑیوں کو تحویل میں لے لیا ہے۔لیکن ہم پتے اور کھجوریں کھا لیں گے مگر اپنے موقف سے دستبراد نہیں ہوں گے۔ فیض آباد میں تحریک لبیک کا دھرنا 18روز بھی جاری ہے۔ جبکہ وفاقی دارلحکومت کے داخلی راستے پر جاری دھرنے میں تخریب کاری کی بڑی کوشش کو ناکام بنادیا ہے وفاقی پولیس نے دھرنا مظاہرین کی طرف سے آپریشن کے دوران مزاحمت یا تخریب کاری کیلئے دھرنے میں کلہاڑیوں اور ڈنڈوں کے ساتھ شامل ہونے والے پیر سائیں سرکار کو گیارہ ساتھیوں سمیت گرفتار کر لیا گیا۔ پولیس نے 2گاڑیاں بھی قبضہ میں لے لیں۔ تمام مظاہرین کو آئی نائن تھانے منتقل کر دیا گیا۔ تفصیلات کے مطابق وفاقی پولیس نے مذہبی جماعتوں کی طرف سے دھرنے میں شرکت کیلئے آنے والے درجنوں افراد کو ڈنڈوں اورکلہاڑیوں سمیت گرفتار کر کے نیو ٹاﺅن اور آئی نائن تھانے منتقل کر دیا۔ ضلعی انتظامیہ کی جانب سے لکھے گئے خط میں کہاگیا ہے کہ فیض آباد پر دھرنے کی وجہ سے شہریوں کوشدید مشکلات کا سامناہے ،پہلے بھی 3وارننگ نوٹس جاری کیے جا چکے ہیں ،فیض آباد پر دو ہفتے سے غیر قانونی طور پر دھرنہ جاری ہے ۔ خط میں دھرنے کے شرکاءکوگذشتہ رات 12بجے تک فیض آباد خالی کر نے کا کہا گیا تھا ،ضلعی انتظامیہ نے وارننگ دیتے ہونے کہا کہ اسلام آباد میں دفعہ 144نافذ ہے۔ فیض آباد کے مقام پر مذہبی جماعت کے دھرنے کی مانیٹرنگ کرنے والے سی سی ٹی وی کیمروں کی کیبل کاٹ دی گئی ہیں، جس کے بعد وزیر داخلہ نے چیف کمشنر اسلام آباد کو تحقیقات کرنے کا حکم دے دیا۔ تحریک لبیک کی ناکہ بندی کے بعد شرکاء دن کو کھانا نہ کھا سکے جب کہ پانی نہ ہونے کی وجہ سے دھرنا شرکاءکی اکشریت نے تیمم کرکے نماز جمعہ پیر افضل قادری کی اقتدا میں ادا کی ۔ دوسری جانب تھانہ صادق آباد کی حدود میں پولیس نے دھرنے والوں کے لئیے جانے والا کھانا ضبط کر لیا ۔پکڑی جانے والی سوزوکی میں سالن اور نان موجود تھے ۔ دھرنے والوں کے لئے میڈیکل کیمپ لگانے والی ہلال احمر گاڑی کو بھی روک لیا۔ہلال احمر کے ترجمان کے مطابق انجمن کی جانب سے احتجاجی دھرنے کے مقام پر ہلال احمر نے کیمپ لگایا ۔ جس میں سینکڑوںاحتجاجی شرکاءنے اپنا معائنہ کریا ۔ چیک اپ کے نتیجے میں انہیں ادویات مفت تقسیم کی گئیں ۔

حافظ آباد (بیورو رپورٹ) پاکستان تحریک انصاف کے چیئرمین عمران خان نے کہا ہے کہ پاکستان کی سب سے بڑی بدقسمتی نواز اور زرداری ہیںِ انصاف نہ ہونے کی وجہ سے پاکستان عظیم ملک نہیں بن سکاِ بدقسمتی سے نواز اور زرداری جیسے لوگ اقتدار میں آتے رہے، مگر اب ہم نے مل کر کرپشن کا مقابلہ کرنا ہے ، خواجہ آصف نے اقامہ لیا ہوا ہے اور وہ دبئی میں16لاکھ روپے پر نوکری کررہے ہیں،اگلے ہفتے انکے اور بھی راز کھولیں گے، وزیر خزانہ اسحاق ڈار ملک سے باہر جاکرہسپتال میں ہیں وزیراعظم میں اتنی جرات نہیں کہ انہیں کہیں کہ تم استعفیٰ دے دو، نوازشریف وزیر خزانہ کو کبھی ”کیوں نکالا “نہیں ہونے دیں گے،کیونکہ اسکی وجہ یہ ہے اسحاق ڈار کو سب پتہ ہے کہ نوازشریف کے کتنے پیسے کدھر پڑے ہیں،وہ ملک کیسے ترقی کرسکتا ہے جس میں وزیراعظم، وزیراعلیٰ اور وزیر سب چوری کررہے ہیں، آئی بی میں بھی نواز شریف نے اپنا آدمی بٹھایا ہوا ہے جس کا نام آفتاب سلطان ہے، اس کا کام اپوزیشن کو ختم کرنے کا لگایا گیا ہے، پی ٹی وی کا سربراہ عطاءالحق قاسمی نواز شریف کے گھر کے جوتے پالش کرنے والا نوکر ہے،نواز شریف نے میڈیا کو تباہ کیا، میڈیا کے اندر اربوں روپے کے اشتہار دے کر میڈیا کو خریدا گیا،اقتدار کو ذاتی طور پر استعمال کرنا کرپشن ہے، ملک سے سالانہ ایک ہزار ارب روپے کی منی لانڈرنگ کی جا رہی ہے،نواز شریف نے اقتدار کو عوامی خدمت کی بجائے اپنے مفاد کےلئے استعمال کیا، عوام غریب ہو گئے اور شریف خاندان 30,30فیکٹریوں کے مالک بن گئے، نواز شریف خودچوری کرتا ہے تو وہ اسحاق ڈار،خواجہ آصف کو بھی کرپشن سے نہیں روک سکتا،برطانوی وزیراعظم ونسٹن چرچل نے کہا تھا کہ جب تک ملک کی عدالتیں انصاف کرتی رہیں اسے دنیا کی کوئی طاقت تباہ نہیں کرسکتی۔وہ جمعہ کو حافظ آباد میں عوامی اجتماع سے خطاب کر رہے تھے۔تحریک انصاف کے چیئرمین عمران خان نے کہا کہ دنیا آگے چلی گئی ہمارا ملک پیچھے رہ گیا، پاکستان کے نوجوانوں کا سب سے بڑامسئلہ بے روزگاری ہے، لوگ نوکری کےلئے پاکستان سے باہر جانے کی کوشش کرتے ہیں، کرپشن سے بے روزگاری اور مہنگائی جیسے مسائل جنم لیتے ہیں۔ انہوں نے کہا کہ کرپشن کا مطلب اقتدار میں آ کر پیسہ بنانا ہے، اقتدار کو ذاتی طور پر استعمال کرنا کرپشن ہے، نواز شریف نے اقتدار کو عوامی خدمت کی بجائے اپنے مفاد کےلئے استعمال کیا، عوام غریب ہو گئے اور شریف خاندان 30,30فیکٹریوں کے مالک بن گئے، نیب کے مطابق ہمیں ہر سال چار ہزار ارب روپے کا نقصان ہورہا ہے، اگر یہی پیسہ اپنے لوگوں پر خرچ کریں تو سڑکیں تعمیر ہو سکتی ہیں، ہسپتال کا نظام اور سکول بنائے جا سکتے ہیں، پینے کا صاف پانی فراہم کیا جا سکتا ہے۔ چیئرمین تحریک انصاف نے کہا کہ کسانوں کا استحصال کیا جا رہا ہے، محنت کرنے کے باوجود کسان غریب ہوتے جا رہے ہیں، ملک سے سالانہ ایک ہزار ارب روپے کی منی لانڈرنگ کی جا رہی ہے،یہی پیسہ اگر پاکستان میں خرچ ہو تو یہاں کارخانے بنیں اور لوگوں کو نوکریاں ملیں، لوگوں کو روزگار ملے اور عام آدمی خوشحال ہو، پیسہ باہر جانے سے روزگار باہر کے لوگوں کو ملتا ہے اور پاکستان کو آئی ایم ایف سے قرضے لینے پڑتے ہیں، ان قرضوں کی قسطیں دینے کےلئے عوام پر ٹیکس لگایا جاتا ہے۔ عمران خان نے کہا کہ نواز شریف نے کہا کہ نواز شریف ایک نظریے کا نام ہے مگر یہ نظریہ کرپشن کا ہے،وزیراعظم، وزیر اور سیکرٹریز سب چوری کرتے ہیں کوئی ان کو نہیں روک سکتا، چائنہ کی کہاوت ہے کہ مچھلی سر سے سڑتی ہے، پاکستان میں بڑے عہدوں پر کرپٹ لوگ ہیں۔ انہوں نے کہا کہ ایک طرف نواز شریف اور دوسری طرف آصف علی زرداری ہے، وہ آتا ہے تو وہ پیسہ بناتا ہے اور ملک کو لوٹتا ہے، نواز شریف کو اس لئے نکالا کیونکہ آپ اس ملک کا 300ارب روپے باہر لے کر گئے، مطلب 30ہزار کروڑ روپے ،عام عوام کا پیسہ چوری کیاگیا، جب نواز شریف خودچوری کرتا ہے تو وہ اسحاق ڈار،خواجہ آصف کو بھی کرپشن سے نہیں روک سکتا،پاکستان کا وزیر خارجہ دبئی میں16لاکھ روپے پر نوکری کررہاہے۔ عمران خان نے کہا کہ جب ہم بڑے ہورہے تھے تو پاکستان ہرطرح سے بہتر تھا، سکول ،اسپتال، بہتر تھے، پی آئی اے دنیا کی عظیم ائیر لائن تھی،مگر اب سب کچھ تباہ حال ہے کیونکہ یہاں بے انتہا کرپشن کی گئی ہے،وزیر خارجہ اقامہ لے کر بیٹھا ہے،اگلے ہفتے خواجہ آصف کے اور بھی راز کھولیں گے، وزیر خزانہ اسحاق ڈار پہلے کیا تھا اب اس کے بچے بھی اربوں پتی ہوگئے ،اسکی اربوں روپے کی عمارتیں ہیں باہر ، خدا کا عذاب دیکھیں اس ملک پر وزیرخزانہ پر منی لانڈرنگ کے چارجز ہیں، وہ ملک سے باہر جاکرہسپتال میں پڑا ہے لیکن وزیراعظم شاہد خاقان عباسی میں اتنی جرات نہیں کہ اسکو کہیں کہ تم استعفیٰ دے دو، الٹا اسکو چھٹیاں دے دی ہیں، دنیا میں کوئی تصور بھی نہیں کرسکتا کہ ایسا ہوِ وہ ملک چھوڑ کے بھاگا ہوا ہے،اور وزیراعظم میں اتنی جرات نہیں کے اسکو نکالے۔عمران خان نے کہاکہ نوازشریف وزیر خزانہ کو کبھی ”کیوں نکالا “نہیں ہونے دیں گے،کیونکہ اسکی وجہ یہ ہے اسحاق ڈار کو سب پتہ ہے کہ نوازشریفکے کتنے پیسے کدھر پڑے ہیں، اسحاق ڈار نے ایک مجسٹریٹ کے سامنے بیان دیا ہے کہ کہا ں کہاں شریف خاندان کا پیسہ پڑا ہے، 90کی دہائی میںیہ شریف خاندان کےلئے ڈیڑھ ارب روپے ملک سے باہر لے کر گیا۔ انہوںنے کہا کہ شہبازشریف کا نام ہے حدیبیہ پیپرزملز کیس میں، کیس آپ لوگوں کے سامنے عدالت میں چلے گا، مجھے بتائیں وہ ملک کیسے ترقی کرسکتا ہے جس میں وزیراعظم، وزیراعلیٰ اور وزیر سب چوری کررہے ہیں، آپ سب تیاری کرلیں ہم نے ملکر اس کرپشن مافیا کا خاتمہ کرنا ہے،چیئرمین پی ٹی آئی نے کہا کہ ملک اپنے ادارے مضبوط کرکے آگے بڑھتا ہے، یورپ آگے بڑھا کیونکہ وہاں ادارے مضبوط ہیں، برطانوی وزیراعظم ونسٹن چرچل نے کہا تھا کہ جب تک ملک کی عدالتیں انصاف کرتی رہیں اسے دنیا کی کوئی طاقت تباہ نہیں کرسکتی،معاشرے کے کمزور سے کمزور فرد کو عدالتیں تحفظ فراہم کرتی ہیں، تو وہ ملک اوربھی مضبو ط ہوتا ہے، جب ریاست اپنے اقلیتوں کو تحفظ دیتی ہے تو اسے کوئی گرا نہیں سکتا ،خداکا حکم ہے، میری زمین پر انصاف کا نظام قائم کرو، حضرت علی نے کہا تھا کہ کفر کا نظام چل جائےگا مگر ظلم اور ناانصافی کا نظام نہیں چل سکتا ، پاکستان میں انصاف کا دوہرا معیار قائم ہے، یہاں کمزور چوری کرے تو طاقتور ڈاکہ مارے تو اس کےلئے الگ قانون ہے، یہاں کمزور لوگ چوری کریں تو وہ جیلوں میں جاتے ہیں طاقتور ڈاکہ مارے تو وہ اسمبلیوں میں پہنچ جاتا ہے، ہم یہاں انصاف کا نظام قائم کریں گے، ملک کے اداروں کو مضبوط کریں گے۔عمران خان نے کہا کہ یہاں اداروں کے اوپر کرپٹ لوگوں کو بٹھایا گیا، پی ٹی وی عوام کے ٹیکسوں پر چلتا ہے، پی ٹی وی پر پروپیگنڈا کر رہا ہے کہ کے پی کے میں ایک ارب درخت نہیں اگائے گئے، پی ٹی وی کا سربراہ عطاءالحق قاسمی نواز شریف کے گھر کے جوتے پالش کرنے والا نوکر ہے۔ انہوں نے کہا کہ خفیہ ایجنسی آئی بی میں بھی نواز شریف نے اپنا آدمی بٹھایا ہوا ہے جس کا نام آفتاب سلطان ہے، اس کا کام اپوزیشن کو ختم کرنے کا لگایا گیا ہے وہ بھی نواز شریف کی خدمت میں لگا ہوا ہے۔ انہوں نے کہا کہ نواز شریف نے میڈیا کو تباہ کیا، میڈیا کے اندر اربوں روپے کے اشتہار دے کر میڈیا کو خریدا گیا،صحافی عوامی زیادتیوں پر آواز اٹھاتے ہیں مگر یہاں صحافی بکاﺅ مال بنا دیئے گئے ، میں بتاﺅں کہ نئے پاکستان میں ریاست اور طبقے، اقلیتوں اور نوجوانوں کے ساتھ کھڑی ہو گی۔عمران خان نے کہا کہ ہم کرپشن روکیں گے اور نوجوانوں کو روزگار مہیا کریں گے، ہم اپنے بچوں کے اوپر پیسہ لگائیں گے، اچھے سکول بنائیں گے، سرکاری سکولوں کو بہتر بنائیں گے، پاکستان کے مدرسوں میں 24لاکھ بچے پڑھتے ہیں، کسی حکومت نے ان کو اپنا نہیں سمجھا، میرا وعدہ ہے کہ ہم نے اپنے دینی مدارس پر بھی پیسہ لگانا ہے انہیں اوپر لائیں گے،8لاکھ بچے انگلش میڈیم میں پڑھ کے نوکریاں لیتے ہیں جبکہ 24لاکھ بچے مدرسوں میں پڑھ کے بے روزگار پڑھتے ہیں، میں وعدہ کرتا ہوں کہ اپنے ہر غریب طبقے کا ساتھ دوں گا۔ انہوں نے کہا کہ چار ارب روپے میں ماڈل ہسپتال بنتا ہے مگر یہ حکمران ہسپتال نہیں بناتے الٹا پیسہ چوری کر کے ملک سے باہر لے جاتے ہیں، ہم یہاں ماڈل ہسپتال بنائیں گے۔