لاہور (عامر رانا) واسا حکام کی عدم توجہی، شہر کے 40 فیصد علاقوں میں مہلک زہر آرسنگ کی موجودگی کے شواہد ملنے کے باوجود صاف پانی کی دستیابی کیلئے نئے منصوبوں پر عمل شروع نہ ہوسکا ،گیسٹرو سمیت موذی امراض پھیلنے کے خدشات پیدا ہونے لگے ،سال 015-16 کے منصوبوں میں شفافیت نہ ہونے پر کسی بھی کارروائی سے بچنے کیلئے واسا افسران محکمانہ کارروائیوں کیلئے پالیسی ہی تبدیل کرنی شروع کردی ہے، عوام کیلئے رکھے منصوبوں کی مد میں 25 کروڑ سے زائد کی مالی بدعنوانی کو افسران نے دبادیا ،عزیز بھٹی ٹاﺅن ،داتا گنج بخش ٹاﺅن اور نشتر ٹاﺅن ،راوی ٹاﺅن اور علامہ اقبال ٹاﺅن پینے کے پانی میں مہلک زہر آرسینک کی موجودگی کو بھی پوشیدہ رکھا جارہا ہے ۔تفصیلات کے مطابق سابقہ سال2013-14 میں پانی کی ترسیل کے دوران واسا حکام کی جانب سے پانی نمونوں کی ٹیسٹ لیبارٹری میں ملتان روڈ ،فیروز پور روڈ اور جی ٹی روڈ سمیت لوئر مال ،شادباغ ،مصری شاہ ،کچا راوی روڈ ،کچا جیل روڈ ،گلشن راوی ،ساندہ ،سمن آبادسمیت 1 سو 22 علاقوں میں آرسینک کی موجودگی ہونے پر گیسٹرو کیسز سامنے آئے جس پر مذکورہ علاقوں میں پینے کی پائپ لائن اور سیوریج سسٹم کو علیحدہ علیحدہ کرنے کی پالیسی پر کروڑوں روپے کا فنڈز رکھا گیا اس ضمن میں پینے کے پانی میں مہلک زہر آرسینک کی موجودگی پر صوبائی حکومت کی جانب سے ہنگامی اقدامات میں صوبائی وزراءاور رکن قومی و صوبائی اسمبلبز نے کروڑوں روپے کی گرانٹ دیتے ہوئے واٹر فلٹریشن پلانٹ کی تنصیب کا کام کرایا جبکہ سابق گورنر کی جانب سے بھی کئی علاقوں میں واٹر فلٹریشن پلانٹ کی لگوائے گئے اس ضمن میں واسا حکام کی جانب سے پینے کے صاف پانی کی پائپ لائنوں کو کاغذی کارروائیوں تک محدود رکھتے ہوئے گذشتہ 4 سالوں سے سروے ہی نہ کرایا گیا جہاں گذشتہ سال تک پانی کے نمونے لیبارٹریوں میں نہ بھجوانے سے پینے کے پانی میں آرسینک کی موجودگی کو چھپاتے ہوئے40 فیصد ٹیوب ویلوں میں موجود زنگ قائی اوردیگر زہریلے مادے صاف نہ ہونے کے باعث شہری زہریلا پانی پینے پر موجود ہیں جبکہ بیشتر علاقوں میں ساندہ ،اچھرہ ،رحمان پورہ ،مسلم ٹاﺅن ،گارڈن ٹاﺅن ،گلبرگ ،اسلام پورہ ،سنت نگر ،سبزہ زار ،ہنجروال ،اقبال ٹاﺅن ،بادامی باغ ،گجر پورہ ،شاہدرہ ،لکشمی چوک اور اندرون شہر میں پینے کے پانی میں سیوریج کا گندا پانی پینے کی بوسیدہ پائپ لائنوں میں شامل ہو کر شہریوں کو یرقان اور گیسٹرو جیسے امراض میں مبتلا کر رہا ہے جبکہ ریونیو افسران سمیت پانی کی سپلائی دینے والے شعبے بوسیدہ پائپ لائنوں کی تبدیلی کی آڑ میں 4 سالوں کے دوران 25 کروڑ روپے کی رقم کا خوردبرد کر گئے ہیں جس میں واسا ایکسئین ،ایس ڈی اوز اور اورسیز کی جانب سے اپنے من پسند ٹھیکیداروں کو نوازتے ہوئے شہریوں کو صاف پانی کی دستیابی میں رکاوٹ پیدا کرتے ہوئے مختلف بیماریوں میں مبتلا کرنا شروع کردیا ہے جبکہ واسا حکام کی جانب سے افسران کو بچاﺅ کیلئے ایک پالیسی متعارف کرادی گئی ہے جس میں واسا کے ایکسئین، ایس ڈی اوز اور اوسیز کے خلاف کسی بھی قسم کی خاموش شکایت پر کارروائی کی بجائے انہیں بچانے کیلئے افسران تادیبی کارروائی نہ کریں گے اور واسا کی ریکوری سمیت خزانے کو نقصان پہنچان والے افسران کی خفیہ انکوائری بھی نہ ہوسکے گی۔

لاہور (خصوصی رپورٹ) پاکستان کی تاریخ کا شرمناک ترین مقدمہ عدالت پہنچ گیا ، مبینہ طور پر ناجائز تعلقات کے نتیجے میں پیدا ہونے والے بچے کی حوالگی کیلئے دوخواتین اور ایک مرد کے دلائل سننے کے بعد فیصلہ محفوظ کرلیا۔ سب سے حیران کن بات یہ ہے کہ اس بچے کو کوڑے کے ڈھیر پر پھینک دیاگیاتھاجہاں سے اٹھا کر ایدھی ہوم منتقل کیاگیا۔ایکسپریس ٹربیون کے مطابق ایک خاتون اپنے شوہر کیخلاف عدالت پہنچ گئی اور نومولود بچے کی حوالگی کی استدعا کردی۔ یہ بچہ مبینہ طورپر مرد کے اپنی بھانجی کیساتھ ناجائز تعلقات کے نتیجے میں پید اہواتھا جوناجائزتعلقات کے الزامات کے بعد ایدھی فانڈیشن کے حوالے کردیاگیاتھا۔ درخواست گزار کے وکیل نے مو¿قف اپنایاکہ سہیل بیگ اپنی بھانجی کو بچوں کی دیکھ بھال کیلئے اپنے گھر لایالیکن بعد میں ناجائز تعلقات استوار کرلیے ، درخواست گزار خاتون کو یہ انکشاف اس وقت ہوا جب لڑکی حاملہ ہوگئی جس کے بعد لڑکی کو خاتون خانہ نے اپنے والدین کے گھر بھجوادیا جہاں اس نے ایک بچے کو جنم دیاجو ایدھی سنٹر کے سپرد کردیاگیا۔ وکیل نے مو¿قف اپنایاکہ نومولود رضاعی بچہ ہے لہٰذا وہ حقیقی ماں کے سپرد کیا جاناچاہیے ۔دوسری طرف ملزم اور اس کی بھانجی نے بھی نومولود کی حوالگی کی استدعا کردی۔ سہیل کے وکیل نے عدالت میں الزامات کی تردید کرتے ہوئے کہاکہ فیملی کے علم میں آئے بغیر سالوں ناجائز تعلقات رکھنا ممکن ہی نہیں ، یہ کہانی محض اس کے موکل کی توہین اور بلیک میلنگ کیلئے گھڑی گئی۔ درخواست گزار خاتون کے وکیل نے کہا کہ بچے کو جنم دینے والی ماں بچے کی حوالگی کا حق نہیں رکھتی کیونکہ اس نے تو اپنا بچہ کوڑے دان میں پھینک دیا تھا تاہم بچے کو باپ کے حوالے کیا جا سکتا ہے۔ بچہ جنم دینے والی خاتون کے وکیل نے کہا کہ نومولود کی پیدائش کے قانونی یا غیرقانونی ہونے کا ابھی فیصلہ نہیں ہوا اور بچے کو ان کی موکلہ کے حوالے کرنا چاہیے۔ سہیل کے وکیل کا کہنا تھا کہ نومولود کی پیدائش کے قانونی ہونے سے متعلق فاضل عدالت مناسب فورم نہیں اور یہ صرف بچے کی حوالگی کا فیصلہ کرسکتی ہے۔ درخواست گزار خاتون کے وکیل کا کہنا تھا کہ اگر بچہ جائز تھا تو عدالت میں نکاح نامہ پیش کردیں جس سے ثابت ہوجائے کہ اس کی موکلہ واقعی سہیل کی بیوی تھیں۔ جب عدالت نے ایدھی رضاکار سے استفسار کیا کہ بچے کو عدالت میں پیش کیوں نہیں کیا گیا تو اس نے بتایا کہ بچہ بیمارہے اور عدالت میں پیش نہیں کیا جا سکا۔ فریقین کے دلائل سننے کے بعد عدالت نے فیصلہ محفوظ کرلیا۔ بعدازاں سہیل کی اہلیہ نے بتایا کہ وہ نومولود کی حوالگی کیلئے اپنے خاوند کو عدالت لائی ہے اور بھولنا چاہتی ہے کہ اس کے خاوند نے اپنی بھانجی کے ساتھ کیا کیا۔ ساری صورتحال کا علم اس وقت ہوا جب بچہ ضائع نہیں ہو سکتاتھا، جوکچھ بھی ہواوہ غلط تھا لیکن ہم نومولود کو سزا کیوں دے رہے ہیں، وہ خود بچے کی پرورش کرنا چاہتی ہے۔ سہیل نے بتایا کہ انہوں نے ریپ نہیں کیا بلکہ شادی کی اور اس کا علم لڑکی کے خاندان کو بھی ہے۔ بچہ ملنے پر وہ اس کی دیکھ بھال کرے گا۔ بچے کو جنم دینے والی لڑکی کا وکیل ڈٹا رہا اور کہاکہ سہیل نے اس کی موکلہ کو بدفعلی کا نشانہ بنایا اور انصاف کے حصول کیلئے ہر فورم پر اپنا مقدمہ لڑیں گے۔

اسلام آباد(کرائم رپورٹر ) تشدد کی شکار طیبہ کے والدین ہونے کے دعوے دار پانچ خاندان سامنے آ گئے بچی کے اصل والدین کون ہیں؟ یہ جاننے کے لیے تمام فیملیز کے ڈی این اے ٹیسٹ پمزہسپتال میں کیے جا رہے ہیں، طیبہ کے والدین ہونے کے دعویدار اعظم، نصرت اور بھائی زین کے ڈی این اے ٹیسٹ کیلئے خون کے نمونے بھی لیے گئے ،تفصیلات کے مطابق طیبہ پر تشدد ہوا، کیس چلا ایک خاندان سامنے آیا جس نے دعوی کیا کہ طیبہ ان کی بیٹی ہے والدین کی جانب سے ایک بیان حلفی عدالت میں جمع کرایا گیا جس کے بعد معزز جج صاحب کی اہلیہ جس نے بچی پر تشدد کیا، اس کی ضمانت ہو گئی کیس میں نیا موڑ اس وقت آیا جب سپریم کورٹ نے سوموٹو ایکشن لیا اور تشدد کا شکار ہونے والی بچی کا دوبارہ میڈیکل کرانے کا حکم جاری کیا اور اس کے بعد طیبہ لاپتہ ہو گئی طیبہ کس کی بیٹی ہے؟ دعوے دار پانچ والدین سامنے آ گئے کوثر بی بی نے دعوی کیا کہ طیبہ ان کی بیٹی ہے، اسے بازیاب کرایا جائے کیس میں ایک نئی کہانی اس وقت سامنے آئی جب فرزانہ نے بھی دعوی کر دیا کہ بچی کی اصل والدہ وہ ہیںپھر طیبہ کی ایک دادی بھی سامنے آگئی طیبہ کو گزشتہ رات پولیس نے بازیاب کرایا تو دو نئی فیملی سامنے آگئیں انھوں نے میڈیا کو بتایا کہ ڈیڑھ سال ہو گیا، بچی سے کوئی رابطہ نہ ہوا ریاض احمد نے میڈیا کو بتایا کہ اس کی طیبہ اس کی بچی ہے، میڈیا پر خبر چلنے کے بعد وہ اپنی بچی کو لینے اسلام آباد پہنچے طیبہ کے اصل والدین کون ہیں؟ اس حوالے سے پمز ہسپتال میں تمام دعوے داروں کے ڈی این ٹیسٹ کیے جارہے ہیں۔