لاہور (مانیٹرنگ ڈیسک) چینل فائیو کے پروگرام ٹی ایٹ فائیو میں میزبان آمنہ ملک سے معروف گلوکار طارق طافو سے گفتگو کرتے ہوئے بتایا کہ آواز ایک خداداد صلاحیت ہوتی ہے اور گلوکاری ہر کسی کا کام نہیں۔ انہوں نے کہا وہ دنیا کے بہت سے ممالک میں پرفارم کر چکے ہیں۔ فنکار ورسٹائل ہوتا ہے۔ میں سمجھتا ہوں ہم انسانوں کے اندر صلاحیت ہوتی ہے لیکن تلاش کرنے کی ضرورت ہوتی ہے۔ انسان کو اپنا راستہ خود ہی ڈھونڈنا پڑتا ہے۔ میں نے غلام علی خان سے بہت سیکھا ہے میرے لیے وہ ایک یونیورسٹی کا درجہ رکھتے ہیں۔ میڈم نور جہاں اور استاد نصرت فتح علی خان سے بے حد متاثر ہوں۔ انہوں نے بتایا کہ گلوکاری میں ہمارے خاندان کا ایک اور مقام ہے۔ پروگرام کے دوران انہوں نے اپنا گانا اور مقام پروگرام کے دوران انہوں نے اپنا گانا ”لاہور لاہور اے“ گا کر سنایا۔ انہوں نے بتایا میرا بیٹا تابش بھی گلوکاری کرتا ہے اس میں بہت ٹیلنٹ ہے وہ بڑا ہو کر خوب نام کمائے گا۔ ماڈل واداکا دیا علی نے کہا کہ ماڈلنگ کے ساتھ ساتھ میں بطور اداکارہ بھی کام کرتی ہوں میں نے بہت سے سیریلز بھی کیے ہیں۔ انہوں نے کہا کہ میں سمجھتی ہوں دنیا میں کہیں بھی پرفارم کروں اپنے وطن کا نام روشن کریں جب میں بیرون ملک پرفارم کرنے گئی تو اتنی زیادہ لڑکیاں تھیں پہلے تو میں کنفیوز ہو گئی لیکن پھر میں نے ہمت کی اور خود کو اچھی امید دلائی۔ پاکستان میں بے پناہ ٹیلنٹ ہے اور اگر سپورٹ کیا جائے تو ہم پوری دنیا میں ملک کا نام روشن کر سکتے ہیں۔ مجھے میڈیا کی بہت سپورٹ ملی۔ میری پہلی ترجیح ہے کہ دوسرے ممالک میں پاکستان کی نمائندگی کروں میں پاکستانی ہوں مجھے اپنے ملک سے پیار ہے۔
