اسلام آباد (این این آئی) چیف جسٹس ثاقب نثار نے کہا ہے کہ تشدد کا شکار ہونے والی طیبہ ہماری بچی ہے ¾اسے تلاش کرکے عدالت میں پیش کیا جائے ¾ ضرورت پڑی تو ڈی این اے ٹیسٹ بھی کرائیں گے ¾پولیس بدھ تک تفتیش مکمل کرکے عدالت کو آگاہ کرے ¾آئندہ سماعت میں بچی پیش کیا جائے ۔ جمعہ کو چیف جسٹس سپریم کورٹ جسٹس ثاقب نثار کی سربراہی میں 2 رکنی بینچ نے طیبہ تشدد ازخود کیس کی سماعت کی۔ ایڈووکیٹ جنرل اسلام آباد نے عدالت کو بتایا کہ متاثرہ بچی کو تلاش نہیں کیا جاسکا ¾ بچی کے طبی معائنے کے لیے پمز کے ڈاکٹرز پر مشتمل میڈیکل بورڈ تشکیل دیا گیا ہے۔چیف جسٹس نے ریمارکس دیئے کہ بچی کے بنیادی حقوق پر سمجھوتانہیں ہوسکتا ¾عدالت تمام حقائق جاننا چاہتی ہیں۔عدالت نے حکم دیا کہ پولیس بدھ تک تفتیش مکمل کرکے عدالت کو آگاہ کرے ¾جب بچی ہی نہیں تو اس کا طبی معائنہ کیسے ہوگا؟،بچی کو جلد تلاش کرکے طبی معائنہ کرایا جائے، ٹی وی اور اخبارات میں آنے والی بچی کی تصاویر کا فورنزک کرایا جائے ¾اگر ضرورت پڑی تو بچی کا ڈی این اے ٹیسٹ بھی کرائیں گے۔سماعت کے دوران فیصل آباد سے آنے والے بچی کے دعویدار والدین ظفر اور فرزانہ، جبکہ ماں ہونے کی ایک اور دعویدار کوثر بی بی بھی عدالت میں موجود تھی۔طیبہ کے دعویدار والدین کا کہنا تھا کہ انہوں نے اپنی بچی کو فیصل آباد میں ایک کوٹھی پر ملازم رکھوایا تھا، کوٹھی کے مالک نے طیبہ کو اسلام آباد بھیج دیا۔ایڈیشنل سیشن جج خرم علی خان کی اہلیہ اور طیبہ تشدد کیس کی مرکزی ملزمہ ماہین ظفر بھی عدالت میں پیش ہوئیں اورعدالت سے وکیل کرنے کےلئے مہلت مانگ لی۔انسانی حقوق کمیشن کی طرف سے ریٹائرڈجسٹس طارق محمود کی استدعا پر بچی کا بیان قلمبند کرنے والی اسسٹنٹ کمشنر کو بھی عدالت نے آئندہ سماعت پر پیش ہونے کا حکم دےدیا۔طیبہ کی ماں ہونے کا دعویٰ کرنے والی ایک اور خاتون کوثر بی بی نے کہا کہ طیبہ کا اصل نام ثناءہے اور اس نے ٹی وی پر دیکھ کر اپنی بچی کو پہچانا۔گزشتہ روز پولیس نے دعویٰ کیا تھا کہ انہوں نے طیبہ کا پتا لگا لیا تاہم وہ بچی کو عدالت میں پیش کرنے میں ناکام رہی ہے، جس پر چیف جسٹس ثاقب نثار نے سخت برہمی کا اظہار کیا، کیس کی مزید سماعت بدھ 11 جنوری کو ہوگی۔

لاہور ( این این آئی) پاکستان پیپلزپارٹی شہید بھٹو گروپ کی سربراہ غنویٰ بھٹو نے کہا ہے کہ عمران خان ، نواز شریف اور آصف علی زرداری ڈرامے باز سیاستدان ہیں، بلاول کو استعمال کیا جا رہا ہے ،پانامہ لیکس کو مستقبل کچھ نہیں ، سوشلزم کے بغیر ہمارے مسائل حل نہیں ہوسکتے ،کالا باغ ڈیم پر سیاست بند ہونی چاہیے ۔ان خیالات کا اظہار انہوں نے گزشتہ روز لاہور پریس کلب میں ”سوشلزم ہماری معیشت ہے“ کے عنوان پر منعقدہ سیمینار سے خطاب کے دوران کیا ۔اس موقع پر ڈاکٹر مہدی حسن،ابرار اعظم، راشد رحمان،ڈاکٹر لعل خان اور پروفیسر راشد احمد نے بھی خطاب کیا۔غنویٰ بھٹو نے کہا کہ پاکستان میں سرگرم سیاسی جماعتیں عوام کے مسائل کو نظر انداز کررہی ہیں، ہر پارٹی اپنے مفادات کی جنگ لڑ رہی ہے۔سرمایہ دارانہ نظام ناکام ہو چکا ہے ۔اب ہمیں اپنی ترجیحات بدلنا ہو ں گی ،عام آدمی کے مسائل کا حل سوشلزم میں ہے اور سوشلزم کا ذکر صرف بھٹو شہید پارٹی کے منشور میں ہے۔مسلم لیگ(ن) سمیت باقی سب پارٹیوں کے منشور میں اس کا کہی ذکر نہیں ،پی ٹی آئی بھی سوشلزم نہیں صرف سونامی ہے۔ انہوں نے کہا کہ کالا باغ ڈیم پر اب سیاست بند ہونی چاہیے ،کالا باغ ڈیم کا آر تھر امریکہ اور ورلڈ بینک ہیں اور امریکہ پاکستان اور بھارت کے نہیں اپنے فائدے کے لئے بات کرے گا ۔غنویٰ بھٹو نے کہا کہ بلاول ”بھٹو “نہیں بلکہ ”زرداری “ہے ۔مجھے اس بچے کے ساتھ ہمدردی ہے لیکن اس کو استعمال کیا جارہا ہے۔انہوں نے کہا کہ فریال تال پور سندھ کی سب سے بڑی چور ہے اس نے سندھیوں کا اربوں روپے ہضم کیا ہے۔اس کا بھی احتساب ہونا چاہیے۔میں کبھی الیکشن میں نہیں ہاری بلکہ مجھے ہرایا جاتا ہے ۔سندھ حکومت میرے خلاف فوج کا استعمال کرتی ہے۔ہماری کامیابی پر ہر بار ڈاکہ ڈالا جاتا ہے۔انہوں نے مزید کہا کہ پانامہ لیکس کو مستقبل کچھ نہیں ہے یہاں کسی سیاستدان کے اکاﺅئنٹ ملک سے باہر موجود ہیں ۔ہر کوئی جانتا ہے نواز شریف چور ہے۔عمران خان ،نواز اور آصف زرداری ڈرامے باز سیاستدان ہیں۔

اسلام آباد (مانیٹرنگ ڈیسک) کم سن ملازمہ طیبہ تشدد کیس میں نامزد سیشن جج کی اہلیہ جب سماعت کے بعد احاطہ عدالت سے باہر نکلیں تو لوگوں اور میڈیا نے انہیں گھیر لیا اور خوب تنقید کا نشانہ بنایا، سپریم کورٹ کے احاطے میں لوگوں نے جج کی اہلیہ کو ”مانو باجی“ کہہ کر پکارنا شروع کردیا۔ لوگوں اورصحافیوں نے سیشن جج کی اہلیہ اور بھائی سے سخت سوالات کیے اور انہیں انسانی ہمدردی کا واسطہ بھی دیا۔

شاہدرہ (بیورو رپورٹ)برائٹ وے سکول کے پرنسپل کی 8سالہ معصوم بچی سے زیادتی کی خبر شائع کرنے پر ایس ایچ او فیکٹری ایریا کی بیورو چیف ”خبریں“کو سنگین نتائج اور جھوٹے مقدمات قائم کرنے کی دھمکیا ں،قانون کا رکھوالا نوٹو ں کی چمک سے مثاثر ہو کر با اثر ملزمان سے مل گیا،بچی کا میڈیکل کرانے اور ملزم کیخلاف کارروائی کرنے سے انکار ، والدین انصاف کیلئے رل گئے ، بااثر پرنسپل اس قبل بھی اسی خاندان کی ایک بچی سے زیادتی کر چکا ہے ،متاثرہ بچی کے رشتہ داروں کا انکشاف ، بچی کے والدین اور اہل علاقہ کی پولیس سے مایوس ہوکر خادم اعلیٰ پنجاب سے داد رسی کی اپیل ، تفصیلات کے مطابق برائٹ وے سکول کی طالبہ 8سالہ شہر بانوسے پرنسپل صغیر کی زیادتی کی خبر شائع کرنے پر ایس ایچ او فیکٹر ی ایریا رانا اقبال بپھر گیا ۔بیورو چیف ”خبریں“تنویر جٹ کو معصوم بچی اور متاثرہ خاندان کا ساتھ دینے پر سنگین نتائج کی دھمکیاں دیںاور کہا کہ اگر تم اس واقعہ کی خبریں شائع کرنے سے باز نہ آ ئے تو میں تم پر کئی جھوٹے مقدمات قائم کرکے حوالات میں بند کر دوں گا ۔ایس ایچ او نے دھمکیاں دیتے ہوئے کہا کہ مجھے کسی کا کوئی ڈر نہیں جس پر چاہوں جھوٹے مقدمات قائم کر سکتا ہوں میں تھانے میں کپڑے اتار کر بیٹھا ہوں میڈیا نے میرا جو بگاڑنا ہے بگاڑ لے ۔متاثرہ بچی شہر بانو کے والد ظفر، والدہ رقیہ بی بی ،چچا مظہر ، دادی اکبری اور دیگر رشتہ داروں نے بتایا کہ برائٹ وے سکول کا پرنسپل صغیر اس سے قبل بھی ان کے خاندان کی ایک بچی سے زیادتی کا مرتکب ہو چکا ہے لیکن ہم لوگ اپنی بدنامی کے ڈر سے خاموش رہے جس پر ملزم نے دوسر ی بچی سے بھی زیادتی کر ڈالی ۔انہوں نے بتایا کہ بچی سے زیادتی کے فوری بعد ہم نے تھانہ فیکٹری ایریا میں ملزم کے خلاف کارروائی کیلئے درخواست دی مگر ایس ایچ او رانا اقبال ہمیں انصاف فراہم کرنے کی بجائے بھاری رشوت لے کر ملزم سے مل گیا ۔ایس ایچ او نے متاثرہ بچی کا میڈیکل کرانے سے بھی انکار کردیا بلکہ ہمیں سنگین نتا ئج کی دھمکیاں دیتے ہوئے تھانے سے نکال باہر کیا ۔متاثرہ خاندان کا کہنا ہے کہ ہمیں پولیس سے انصاف کی کوئی امید نہیںکیونکہ ملزم انتہائی بااثر ہے اور پولیس رشوت لیکر اس کے ساتھ مل چکی ہے ۔انہوں نے خادم اعلیٰ پنجاب سے داد رسی کی اپیل کرتے ہوئے کہا خادم اعلیٰ نوٹس لیکر ہمیں انصاف مہیا کریں اور ملزموں کا ساتھ دینے پر کر پٹ ایس ایچ او رانا اقبال کو فوری بر طرف کرکے کسی ایماندار اور فرض شناس پولیس آفیسر کو تھانہ فیکٹر ی ایریا میں ایس ایچ او تعینات کیا جائے ۔