Yearly Archives: 2017

کھیل

آسٹریلیا نے پورے سال کے مطابق سکور کر لیا

سڈنی(ویب ڈیسک) پاکستان اور آسٹریلیا کے درمیان جاری ٹیسٹ میچز کی سیریز کے تیسرے اور آخری میچ میں میزبان ٹیم نے پہلے دن کے کھیل کے اختتام پر 3 وکٹوں کے نقصان پر 365 رنز بنالئے ہیں۔سڈنی ٹیسٹ میں پہلے روزکھیل کے اختتام پر آسٹریلیا نے 3 وکٹ پر 365 رنز بنا لئے۔ ڈیوڈ وارنر نے 113 رنز کی دھواں دھار اننگز کھیلی جبکہ میٹ رنشا 167 رنز پرناقابل شکست ہیں۔ سڈنی ٹیسٹ کے پہلے روز آسٹریلیا نے ٹاس جیت کر بیٹنگ کا فیصلہ کیا، اوپنرز ڈیوڈ وارنر اور میٹ رنشا نے ٹیم کو 151 رنز کا آغاز فراہم کیا، وارنر وہاب ریاض کی گیند پروکٹ کیپر سرفراز کا کیچ بنے، انہوں نے 95 گیندوں پر 113 رنز کی دھواں دھار اننگز کھیلی، 203 کے مجموعی سکورپرآسٹریلیا کی دوسری وکٹ گری جب عثمان خواجہ (13) بھی وہاب ریاض کا شکار بن گئے، آسٹریلوی کپتان اسٹیون اسمتھ 24 رنز بنا کر آو¿ٹ یاسر شاہ کی گیند پر آو¿ٹ ہوئے، تینوں بیٹسمین وکٹ کیپر سرفراز کے ہاتھوں کیچ آو¿ٹ ہوئے، پہلے روز کے کھیل کے اختتام پر آسٹریلیا نے 3 وکٹ کے نقصان پر 365 رنز بنا لئے ہیں۔اوپنر میٹ رنشا 167 رنز کے ساتھ ناٹ آو¿ٹ ہیں جبکہ ان کے ساتھ پیٹرہینڈز کومب 40 رنز پر موجود ہیں۔ وہاب ریاض نے 2 جبکہ یاسر شاہ نے ایک وکٹ حاصل کی ہے۔ یاد رہے کہ سڈنی ٹیسٹ کیلئے پاکستان نے سکواڈ میں 2 تبدیلیاں کی ہیں، سمیع اسلم کی جگہ جارح مزاج اوپنر شرجیل خان کو ڈیبیو کا موقع دیا گیا جبکہ سہیل خان کو ڈراپ کرکے عمران خان کو شامل کیا گیا۔واضح رہے کہ آسٹریلیا 3 ٹیسٹ میچوں کی سیریز پہلے ہی 2-0 سے اپنے نام کرچکا ہے،میزبان ٹیم نے پہلے ٹیسٹ میں پاکستان کو 39 رنز سے شکست دی اور پھر میلبرن ٹیسٹ میں اننگز اور 18 رنز سے آسٹریلیا نے کامیابی حاصل کی۔

اہم خبریں, پاکستان

وزیر اعظم کو عمران خان نے اربوں روپے کمانے کا طریقہ بتا دیا

اسلام آباد(ویب ڈیسک)پاکستان تحریک انصاف کے سربراہ عمران خان نے پاناما لیکس معاملے پر پریس کانفرنس کے دوران وزیر اعظم نواز شریف کو اربوں روپے کمانے کا ایک طریقہ بھی بتادیا ، ان کا کہنا تھا کہ اگرپاناما لیکس کا انکشاف کرنے والی صحافتی تنظیم (آئی سی آئی جے )کی دستاویزات غلط ہیں تو نوازشریف صحافتی تنظیم کے خلاف مقدمہ درج کرےں جس سے نوازشریف کو اربوں روپے مل سکتے ہیں،

اہم خبریں, پاکستان

عمران خان پر منشیات استعمال کرنے کا الزام ….تہلکہ خیز انکشاف

اسلام آباد(ویب ڈیسک)پاکستان تحریک انصاف کے سربراہ عمران خان منشیات استعمال کرنے کے الزام بارے پوچھے گئے سوال کا جواب نہ دے سکے، منگل کومقامی ہوٹل میں منعقدہ پریس کانفرنس کے دوران ایک صحافی نے سوال کیا کہ آپ پر (ایڈیکشن )نشہ کرنے کا بھی الزام ہے اس بارے آپ کا کیا موقف ہے، انہوں نے صحافی کے دیگر سوالات کا جواب تو دیا لیکن منشیات استعمال کرنے کے الزام بارے پوچھے گئے سوال کا جواب گول کرگئے، اس موقع پر عمران خان سے مخدوم جاوید ہاشمی کے بیان بارے سوال کیا گیا تو ان کا کہنا تھا کہ پہلی بار جوڈیشل مارشل لا کا لفظ سنا ہے۔انہوں نے کہا کہ اس موقع پر غیر سنجیدہ سوالات نہ کئے جائیں۔

پاکستان

شیخ رشید کی پیشن گوئی …. پاکستان کا فیصلہ کون کرے گا؟

لاہور (ویب ڈیسک) عوامی مسلم لیگ کے سربراہ شیخ رشید نے کہا ہے کہ پاناما کیس پاکستان کی قسمت کا فیصلہ کریگا ،جنوری ملکی سیاست کے لیے انتہائی اہم ہے ،کیس جیتیں یا ہاریں اعلی عدلیہ کا ہر فیصلہ قبول کرینگے۔لاہور میں پریس کانفرنس کرتے ہوئے شیخ رشید احمد نے کہا کہ عدلیہ میں نا قابل تردید ثبوت پیش کر چکے ہیں کہ مریم نوازٹرسٹی نہیں بلکہ بینیفیشل اونر ہیں ، اس حوالے سے چار جنوری کو سپریم کورٹ میں مزید ثبوت بھی پیش کرینگے ۔انہوں نے کہا کہ پاناما کیس نے ثابت کردیا ہے کہ یہ لوگ ملکی دولت چوری کرکے بیرون ملک منتقل کرتے رہے ہیں، پاناما کیس کا فیصلہ ملکی قسمت کا فیصلہ ہے اگر عدلیہ نے انصاف پر مبنی فیصلہ دیدیا تو طالع آزماں کے راستے بند ہو جائیں گے اور قوم بیرکوں کے بجائے عدلیہ کی جانب دیکھے گی ۔شیخ رشید نے کہا کہ نواز شریف کو دو ہزار اٹھارہ میں وزیر اعظم نہیں دیکھ رہا ان لوگوں کا کرپشن اور لوٹ مار کے حوالے سے پورا شجرہ نسب ہے ۔انہوں نے کہا کہ عمران خان کو چاہیے تھا کہ وہ جاوید ہاشمی کی باتوں کا نوٹس ہی نہ لیتے، دھرنے میں میرے سامنے ما رشل لا کی کوئی سازش نہیں ہوئی۔اپوزیشن کے گرینڈ الائنس کے بارے میں شیخ رشید نے کہاکہ پیپلز پارٹی عملی طور پر ثابت کرے کہ وہ واقعی اپوزیشن جماعتوں کے ساتھ ہے، اعلی عدلیہ پاناما کیس کا جو بھی فیصلہ کریگی اسے قبول کرینگے تاہم سڑکوں پر آنے کا حق محفوظ رکھتے ہیں

انٹر نیشنل

وزیراعظم کی گرفتاری …. اہم خبر سے ہلچل

کولکتہ (ویب ڈیسک) بھارتی ریاست مغربی بنگال کی وزیراعلیٰ ممتا بینرجی نے کہا ہے کہ ملک میں ہنگامی حالات ہے سیاسی جماعتیں خوفزدہ ہیں لیکن بولتی نہیں۔ نریندر مودی کو بھارتی سیاست کی سمجھ نہیں ہے۔ بھارتی میڈیا کے مطابق بھارت کے صوبے مغربی بنگال کی وزیراعلیٰ ممتا بینرجی نے ایک بار پھر بھارتی وزیراعظم نریندر مودی کو تنقید کا نشانہ بناتے ہوئے کہا ہے کہ اگر یہ سمجھتے ہیں کہ گرفتاریوں سے ہمیں روک لیں گے تو یہ انکی بھول ہے۔ عوام مودی کو سبق سکھائے گی۔ انہوں نے کہا ہے کہ ولگوں کو نوٹوں کی بندی کے خلاف سڑکوں پر آنا چاہیئے۔ نریندر مودی کو بھارتی سیاست کی سمجھ نہیں ہے۔ ملک اس وقت ہنگامی حالات میں ہے۔ سیاسی جماعتیں خوفزدہ نہیں لیکن بولتی نہیں ہے۔ انہوں نے مزید کہا ہے کہ وزیراعظم نریندر مودی کو گرفتار ہونا چاہیئے۔

پاکستان

بھارتی مظالم کے خلاف اہم اقدام

اسلام آباد(ویب ڈیسک)کشمیر انفارمشن اینڈ ریسرچ سنٹر( KIRC)اور کشمیر سنٹر راولپنڈی کے زیر اہتمام مورخہ 5 جنوری 2017 یوم حق خود ارادیت کے موقع پر کشمیر سنٹر چاندنی چوک راولپنڈی کے ہال میں مقبوضہ کشمیر میں بھارتی مظالم پر مبنی تصویر ی نمائش ہو گی اور اقوام متحدہ کے سیکر ٹری جنرل کو ای میل بھی کی جائےگی۔ تصویری نمائش صبح 10 بجے سے شام 4 بجے تک جاری رہے گی۔ تمام احباب کو تصویری نمائش کی دورے کی دعوت دی جاتی ہے ۔

پاکستان

تحریک انصاف کیلئے سندھ سے بڑی خبر

بدین(ویب ڈیسک) تحریک انصاف کیلئے سندھ سے بڑی خبر آگئی ہے اور سابق صوبائی وزیر داخلہ ذوالفقار مرزا نے اپنی اہلیہ اور سابق اسپیکر قو می اسمبلی فہمیدہ سمیت پی ٹی آئی میں شمولیت کیلئے آمادگی ظاہر کردی ہے اور مزید دو سے تین دنوں میں معاملات واضح ہوجائیں گے۔ ذرائع کے مطابق عمران خان کے حالیہ دور کراچی کے دوران نبیل گبول اور اور ممتاز بھٹو کی پارٹی میں شمولیت کی افواہیں تھیں لیکن حقیقت اس کے برعکس نکلی اور انتہائی مناسب امیدوار کا پی ٹی آئی میں شمولیت کے اعلانات روشن ہوگئے ، ذوالفقار مرزا اور فہمیدہ مرزا نے عمران خان سے ملاقات کی اور دلچسپی کا اظہار کیا گیا جبکہ فرویقین نے آمادگی کا اظہار بھی کردیا ہے ۔ ذرائع کے مطابق عمران خان نے سینئر رہنماﺅں کی کمیٹی تشکیل دیدی ہے جو معاملات کو آگے بڑھائے گی ، ذوالفقار مرزا اور فہمیدہ مرزا کی پارٹی کے کسی حلقے میں مخالفت نہیں اور تمام جماعت کیلئے قابل قبول ہیں ۔

شوبز

حق مہر میں اداکارہ کا ایسا مطالبہ کہ آ پ بھی سبحان اﷲ کہہ اُٹھیں

لاہور(آن لائن)پاکستان کی معروف34 سالہ اداکارہ یاسرہ رضوی نے24 سالہ ڈرامہ پرروڈیوسر عبد ل ہادی سے گزشتہ ہفتے شادی کر کے زندگی کے نئے سفر کا آغاز کر دیا ،حق مہر میں اپنے شوہر سے صبح کی نماز پڑھنے کا مطالبہ کر دیا ،سوشل میڈیا پر یاسرہ رضوی کے اس اقدام پر انہیں سراہا، وہیں ایسے بھی بہت سے لوگ ہیں، جنہوں نے ان پر تنقید کی۔جب یاسرہ رضوی نے اپنے شوہر عبدل ہادی کے ساتھ فیس بک پر اپنی تصاویر شیئر کیں تو ان پر نعمان قریشی نامی ایک صارف نے تنقید کرتے ہوئے کہا ‘شرم نہیں آئی بچے سے شادی کرتے ہوئے،جس پر اداکارہ نے اپنے فیس بک اکاونٹ پر ایک ویڈیو شیئر کی، جس میں انہوں نے ان تمام افراد کو کرارا جواب دے ڈالا جو ان کی عمر کے فرق اور حق مہر پر سوال اٹھا رہے ہیں۔یاسرہ رضوی کا اس ویڈیو میں کہنا تھا میں ایک ایسی انسان ہوں، جسے چند لوگ جانتے ہیں یا چند مجھ سے متاثر ہیں، تو اگر میں نے ایسی مثال قائم کرنا چاہی کہ میں نے کم خرچ میں شادی کی اور نمازِ فجر کو اپنا حق مہر رکھا تو مجھے اس بات پر حیرانی ہے کہ یہ نہ کسی کا بھی مسئلہ نہیں ہے تو کیا ہم لوگ صرف اور صرف تنقید کرنا جانتے ہیں؟واضح رہے کہ یاسرہ رضوی نے پاکستان کے کئی نامور ڈراموں میں اداکاری کے جوہر دکھائے جن میں ‘داغ’، ‘من کے موتی’ اور ‘مجازی خدا’ وغیرہ شامل ہیں،انہوں نے کامیاب پاکستانی فلم ‘منٹو’ میں بھی کام کیا۔
شوبز

ماورہ حسین بھی بھارتی زبان بولنے لگیں

لاہور(ویب ڈیسک)ٹاپ ماڈل و اداکارہ ماورہ حسین نے کہا کہ مےں ویسا ہی کام کر رہی ہوں جیسا شائقین پسند کرتے ہیں بھارت جا کر فلموں میں کام کرنا کوئی برائی نہیں۔ اپنے اےک انٹر وےو مےں ماورہ حسین نے کہا کہ مجھے خوشی ہے کہ میرے کام کو صرف پاکستان نہیں بلکہ بھارت میں بھی پسند کیا جا تاہے جس کی بنیادی وجہ میرے کام کا منفرد انداز ہے۔ انہوں نے کہا کہ میں نے کبھی بھی فحاشی اور عریانی کا سہارا نہیں لیا بلکہ ہمیشہ سے ویسا کام کر رہی ہوں جیسا شائقین پسند کرتے ہیں‘ میں لاتعدادکام کرچکی ہوں میں تو اتنا جانتی ہوں کہ فنکار کو سازش سے نہیں بلکہ اپنے کام سے دوسروں کو ہرانا چاہیے۔
شوبز

ایسا کیا ہو ا کہ شاہ رخ اور سلما ن بے اختیار رو پڑے

ممبئی(ویب ڈیسک) بالی ووڈ سپر اسٹارز سلمان خان اور شاہ رخ خان ایوارڈ تقریب میں فلم”کرن ارجن“ کے جذباتی مناظر دیکھ کر آبدیدہ ہوگئے۔بھارت کے فلم سٹی ممبئی میں گزشتہ دنوں ”اسٹار اسکرین ایوارڈ “ کی تقریب منعقد ہوئی۔جس میں نامی گرامی فلمی ستاروں نے شرکت کی جبکہ تقریب میں فلم نگری کے خانز شاہ رخ اور سلمان ایک ساتھ اسٹیج پر پرفارمنس کے لیے آئے اور اپنی دوستی کو لازوال قراردیتے ہوئے سب کے سامنے کئی عہدوپیماں کیے اور ایک دوسرے کو بھائی قرار دیا۔بالی ووڈ اسٹار شاہ رخ اور سلمان خان کی موجودگی میں 1995 میں ریلیز ہونے والی فلم”کرن ارجن“ کے کئی جذباتی مناظر دکھائے گئے جسے دیکھ کر دونوں خانز آبدیدہ ہوگئے جبکہ اس موقع پر کنگ خان سلو میاں کے آنسو صاف کرتے دکھائی دیئے۔جس پر پورا ہال تالیوں سے گونج اٹھا۔واضح رہے کہ سلمان خان اور شاہ رخ خان ماضی میں حریف رہے ہیں لیکن اب دونوں کی دوستی ایک بار پھر مضبوط رشتے میں بندھ چکی ہے۔