اسلام آباد(صباح نیوز) سینئر سیاستدان مخدوم جاوید ہاشمی نے کہا ہے کہ عمران خان نے میرے سامنے راولپنڈی کے ایک پٹواری کو ٹکٹ کے عوض تین کروڑ روپے دینے کا اعتراف کیا تھا۔ ان خیالات کا اظہار انہوں نے پیر کو ایک نجی ٹی وی پروگرام میں اظہار خیال کرتے ہوئے کیا نجی ٹی وی پروگرام جب پاکستان تحریک انصاف کے رکن قومی اسمبلی مراد سعید کی طرف سے کہا گیا کہ جاوید ہاشمی پر پارٹی ٹکٹ بیچنے کا الزام ہے تو جاوید ہاشمی نے کہا کہ عمران خان پر بھی پارٹی ٹکٹ بیچنے کے الزام لگے کہ انہوں نے راولپنڈی کے ایک پٹواری کو تین کروڑ روپے میں پارٹی ٹکٹ بیچا جب میں نے اس معاملے کا ذکر عمران خان سے کیا تو انہوں نے مجھے کہا کہ انتخابات لڑنے کے لیے اخراجات بھی تو کہیں سے لانا تھے۔

لاہور، اسلام آباد (مانیٹرنگ ڈیسک، نیوز ایجنسیاں) رواں ہفتے کے دوران ملک کے بالائی علاقوں میں بارش اور برفباری کا امکان ہے،محکمہ موسمیات کے مطابق منگل سے مغربی ہواﺅں کا سلسلہ ملک کے بالائی علاقوں میں داخل ہوگا،منگل سے ہفتہ کے دوران بالائی علاقوں میں گرج چمک کے ساتھ بارش ،پہاڑوں پر برفباری کاامکان ہے جبکہ اسلام آباد،خیبرپختونخوا،فاٹا،بالائی پنجاب،گلگت بلتستان اور کشمیر میں کہیں کہیں بارش کا امکان ہے،راولپنڈی،گوجرانوالہ ،سرگودھا،لاہور ڈویژن میں بھی بارش کا امکان ہے،محکمہ موسمیات کے مطابق کوئٹہ کے ژوب ڈویژن میں چند مقامات پر ہلکی بارش اور پہاڑوں پر ہلکی برفباری کا امکان ہے جبکہ مالاکنڈ ہزارہ ڈویژن،گلیات،گلگت بلتستان اور کشمیر میں برفبار ی کا بھی امکان ہے،بارشوں کے باعث خیبرپختونخوا ،گلگت بلتستان اور کشمیر کے پہاڑی علاقوں میں لینڈ سلائیدنگ کا خدشہ ہے۔ محکمہ موسمیات کے ڈائریکٹر جنرل ڈاکٹر غلام رسول نے بتا یا ہے کہ بارشیں خوشخبری لے کر آرہی ہیں اور آج سے شمالی علاقہ جات سے بارشوں کا آغاز ہو گا ،پہلی بارش چترال میں ہو گی جس کے بعد اگلے چار پانچ روز تک وقفے وقفے سے بارشوں کا سلسلہ جاری رہنے کاامکان ہے اور خیبر پختونخواہ اور پنجاب میں بھی ہلکی ہلکی بارش ہو گی۔انہوں نے کہاکہ پنجاب اور خیبر پختونخواہ کے وسطی علاقوں میں ہلکی بارش کا امکان ہے۔انہوں نے کہا کہ گلگت بلتستان ،دروش ،آزاد کشمیر،مری اور گلیات میں برف باری ہو گی جبکہ پانچ اور چھ جنوری کو ڑوب اور کوئٹہ میںبارشیں اور پہاڑوں پر برفباری ہو گی۔ ڈی جی میٹ نے کہا کہ خشک موسم سے متاثرہ فصلوں میں بارش سے جان پڑ جائے گی۔انہوں نے کہا کہ بارشوں کے سلسلے کے بعد ٹھنڈی ہوائیں کراچی کا رخ کریں گی جس سے کراچی میں 8سے 10روز بعد درجہ حرارت کم ہو گا۔ان کا کہنا تھا کہ کراچی میں اس بار بہت زیادہ سردی پڑنے کا امکان نہیں ہے۔ڈی جی میٹ نے مزید کہا کہ بارشوں کے دوران دھند کا سلسلہ کم ہو گا۔واضح رہے کہ ملک بھر میں دسمبر کے مہینے میں بھی بارشیں نہ برسیں جس کے باعث خشک اور سرد موسم سے مختلف قسم کی وبائی بیماریاں پھوٹیں اور فصلوں کو بھی نقصان پہنچا ،ایوان صدر اور فیصل مسجد سمیت ملک بھر کی مساجد میں بارشوں کے لیے نماز استسقاءادا کی گئی اور دعائیں بھی کی گئیں جو رنگ لے آئیں۔

اسلام آباد(مانیٹرنگ ڈیسک)چیئرمین تحریک انصاف عمران خان نے کہا ہے کہ آج کی پریس کانفرنس میں جو ثبوت پیش کرونگا اس سے موٹو گینگ کے منہ بندہوجائیںگے،موٹو گینگ ہمارے ہی ٹیکسوں سے شریف حکومت بچا رہے ہیں۔جبکہ پانامہ کیس صرف میرا نہیں بلکہ ہر پاکستانی کا ہے۔ نجی ٹی وی کے پروگرام میں گفتگو کرتے ہوئے پی ٹی آئی کے چیئرمین عمران خان کہنا تھا کہ ہم ثابت کریں گے کہ قطری شہزادے کا خط فراڈ ہے، پہلے اسمبلی میں جھوٹ بولا گیا اور پھر سپریم کورٹ میں جھوٹ کا سہارا لیاگیا، ہر قدم پر ن لیگ نے جھوٹ کے پیچھے چھپ کر جان بچانے کی کوشش کی ہے لیکن ان کو پتہ ہے یہ پانامہ کیس میں پکڑے گئے ہیں۔انہوں نے کہا کہ میں کل ایک پریس کانفرنس کر رہا ہوں جس میں ثبوتوں کیساتھ بتاوں گا اصل کہانی کیا ہے،جبکہ شریف فیملی کادفاع کرنیوالے وزرا کہتے ہیں کہ ہمارا کام تفتیش کرنا نہیں ہے آپ ثبوت پیش کریں، آپ کی جانب سے ثبوت پیش نہیں کئے گئے، لیکن آج جو ثبوت پیش کررہا ہوں اس سے شرفاگینگ کا منہ بند ہوجائے گا۔ عمران خان نے وزیراعظم نواز شریف کو آڑے ہاتھوں لیتے ہوئے کہا کہ مجھے کسی نے کہا تھا کہ نواز شریف پانامہ کیس میں باعزت بری ہوجائیں گے جس پر میں نے جواب دیا کہ وہ بری تو ہو جائیں گے لیکن باعزت بری نہیں ہونگے۔ کیونکہ عوام کے سامنے ان کا پول کھل چکا ہے۔ٹی او آرز سے متعلق سوال کا جواب دیتے ہوئے ان کا کہنا تھا کہ ہم سب سے نے ملکر اعتزاز احسن کے گھر میں ٹی او آرز بنائے تھے اور آج بھی ان ٹی او آرز پرمتفق ہیں لیکن کیس کا فیصلہ طے کرے گا کہ پاکستان کا مستقبل کیسا ہوگا؟۔اگر روزانہ کی بنیاد پر سماعت ہوتو کیس2 ہفتوں میں نمٹ سکتا ہے۔چیئرمین پی ٹی آئی نے کہا کہ ڈیوڈ کیمرون پر پانامہ لیکس کا الزام عائد ہوا لیکن انہوں نے ایک دن میں پیش ہوکر صفائی بیان کر دی تھی۔ مگر یہاں تو طوطا مینا کی کہانی سنائی جارہی ہے اور ہر سماعت پر کوئی نہ کوئی نیا موقف سننے کو ملتا ہے۔ پیپلزپارٹی سے متعلق سوال پر اظہار خیال کرتے ہوئے انہوںنے موقف اختیار کیا کہ پی پی کہتی ہے سیاسی لانگ مارچ کرنے جا رہے لیکن سیاسی لانگ مارچ کیا ہوتا ہے؟مجھے نہیں پتا۔ہمارے اور پی پی کے نظریے میں بہت فرق ہے،ہمارا پورا فوکس پانامہ کیس پر ہے ، پی پی کو تو حکومت نے اتنا ڈرا دیا تھا کہ یہ لوگ 27دسمبر کے بعد باہر نکل رہے ہیں۔جبکہ پی ٹی آئی نے پانامہ کیس کو زندہ رکھنے کیلئے سڑکوں پر ہر مشکل کاسامنا کیاہے۔اگر ہم لوگ سڑکوں پر نہ نکلتے تو پانامہ کیس ڈیڈ ہوچکا تھا لیکن ہم نے ایسا نہیں ہونے دیا۔انہوں نے کہا کہ پانامہ کیس میں ایک دن میں 12 ارب روپے کی کرپشن ہوتی رہی لیکن کسی کو کانوں کان خبر تک نہ ہوئی اور جب ہم نے معاملہ اٹھا یا تو خواجہ آصف نے کہا لوگ بھول جاتے ہیں۔ عمران خان کاآ خر میں اپنی شادی سے متعلق سوال پر جواب دیتے ہوئے کہنا تھا کہ میرا شادی کا کوئی پلان نہیں ہے۔میری تمام تر توجہ سپریم کورٹ کی جانب مرکوز ہے ۔شادی کرنا سنت رسول ہے سب کو کرنی چاہیے لیکن فی الحال میرے حالات ایسے نہیں ہیں کہ میں شادی کرلوں۔

راولپنڈی (بیورو رپورٹ) آرمی چیف قمر جاوید باجوہ سے بحرین کے نیشنل گارڈ کمانڈر نے ملاقات کی ہے، پاک فوج کی کمانڈ سنبھالنے پر شیخ محمد بن لاس نے مبارکباد دی۔ آئی ایس پی آر کے مطابق آرمی چیف قمر جاوید باجوہ سے بحرین کے نیشنل گارڈ کمانڈر نے ملاقات کی ہے، پاک فوج کی کمانڈ سنبھالنے پر شیخ محمد بن لاس نے مبارکباد دی، ملاقات میں باہمی دلچسپی کے امور پر تفصیلی بات چیت کی گئی، اس موقع پر بحرین کے نیشنل گارڈ کمانڈر شیخ محمد بن لاس کا کہنا تھا کہ پاک فوج کی محنت سے خطے میں سیکیورٹی کی صورتحال میں بہتری آئی ہے۔

لاہور(اپنے سٹاف رپورٹر سے)وزےراعلیٰ پنجاب محمد شہبازشرےف نے کہا ہے کہ غےر معےاری اور مضرصحت دودھ تےار اورفروخت کرنےوالوں کےخلاف بلاامتےاز کارروائی جاری رکھی جائے ۔مضرصحت دودھ تےارےا فروخت کرنا اےک سنگےن جرم ہے ۔اےسا گھناو¿نا کاروبار رنے والے عناصر کسی رعاےت کے مستحق نہےں-وزیر اعلی شہباز شریف نے صوبائی انتظامیہ کو ہدایات جاری کرتے ہوئے کہا کہ غیر معیاری ، ناقص اورمضر صحت دودھ تیار اور فروخت کرنے کے کاروبار کو صوبے بھر میں بند کرانے کیلئے موثر اقدامات تسلسل کے ساتھ جاری رکھے جائیںکیونکہ دودھ میںمضرصحت اجزاءشامل کرنے والے عناصر انسانیت کے دشمن ہیں۔دودھ مےں ملاوٹ کرنے والا مافےاکڑی سے کڑی سزا کا حقدار ہے لہذا متعلقہ اداروں کی ذمہ داری ہے کہ ان عناصر سے سختی سے نمٹا جائے- انہوںنے کہا کہ دودھ میں ملاوٹ کرنے والے مافیا کو آہنی ہاتھوں سے کچلیں گے اوران عناصرکو صرف جرمانے ہی نہےں ہوں گے بلکہ انہےں قانون کے تحت جےلوں مےں ڈالےں گے۔انہوںنے کہا کہ اس گھناو¿نے کاروبار کاخاتمہ کروںگا اوردودھ کا دودھ اورپانی کا پانی ہوگا۔ مضرصحت کھلا دودھ ہوےاڈبے والا،کسی کو چند کوڑےوں کی خاطراپنے بچوںکی زندگےوںسے کھےلنے کی اجازت نہےں دےں گے۔انہوں نے کہا کہ ان عناصر کےخلاف ایسی کارروائی کی جائےگی کہ ان کی آئندہ نسلیں بھی اس قبیح دھندے کا سوچ بھی نہ سکیں گی۔ ڈبے ےا کھلے دودھ مےںمضرصحت اجزاءملانے والے مافےاسے کوئی رو رعایت نہیں ہوگی۔ گھناو¿نے کاروبار مےں ملوث مافیا کا مکمل خاتمہ کر کے دم لےں گے۔ انہوں نے کہا کہ عوام کو دودھ جےسی بنےادی ضرورت کے نام پر زہر کھلانے والے معاشرے کا ناسورہےں۔ غیرمعیاری،ناقص اور مضر صحت دودھ سپلائی کرنے والے ذرائع بھی بند کرےں گے۔ وزیر اعلی نے کہا کہ صوبے کے عوام مجھے اپنی جان سے زےادہ عزےز ہےںاورمےں کسی کو دودھ کے نام پر زہر بےچنے کی اجازت نہےںدوں گا۔وزیر اعلی پنجاب محمد شہباز شریف نے جناح ہسپتال میں قصور کی رہائشی ایک مریضہ کے جاں بحق ہونے کے واقعہ کی تحقیقات کیلئے انکوائری کمیٹی تشکیل دے دی ہے -تین رکنی انکوائری کمیٹی 24 گھنٹے میں واقعہ کی تحقیقات کر کے وزیر اعلی شہباز شریف کو رپورٹ پیش کرے گی-انکوائری کمیٹی کے سربراہ وائس چانسلرکنگ ایڈورڈ میڈیکل یونیورسٹی ڈاکٹر فیصل مسعود ہوں گے جبکہ وائس چانسلر فاطمہ جناح میڈیکل یونیورسٹی ڈاکٹر سردار فخر امام اور ایڈیشنل سیکرٹری ٹیکنیکل محکمہ صحت انکوائری کمیٹی کے ممبران ہوں گے-کمیٹی اس واقعہ کی ہر پہلو سے تحقیقات 24 گھنٹے میںمکمل کر ے گی-وزیراعلیٰ پنجاب محمد شہبازشریف سے وفاقی وزیر ریلویز خواجہ سعد رفیق نے ملاقات کی۔ وزیراعلیٰ محمد شہبازشریف نے اس موقع پر گفتگو کرتے ہوئے کہا کہ وزیراعظم محمدنوازشریف کی قیادت میں پاکستان ترقی اور خوشحالی کے سفر پر چل پڑا ہے۔ سی پیک کے منصوبوں نے پاکستان کی ترقی و خوشحالی کی مضبوط بنیاد رکھ دی ہے اور سی پیک حقیقی معنوں میں ایک گیم چینجر ثابت ہو رہا ہے۔ انہوں نے کہا کہ پاکستان مسلم لیگ (ن) کی حکومت کے ترقیاتی منصوبے شفافیت، معیار اور رفتار کا شاہکار ہیں۔ اربوں روپے کے منصوبوں میں شفافیت کو یقینی بنایا گیا ہے اور کوئی دشمن بھی ہمارے منصوبو ںکی شفافیت پر انگلی نہیں اٹھا سکتا۔ انہوں نے کہا کہ مسلم لیگ (ن) نے ہمیشہ اقدار کی سیاست کو فروغ دیا ہے۔الزام تراشی اور جھوٹ پرمبنی منفی سیاست کرنے والے عناصر کو عوام مسترد کر چکے ہیں۔دھرنوں اور لاک ڈاﺅن کے ذریعے پاکستان کی ترقی کے خلاف سازش کی گئی اور باشعور عوام نے لاتعلق رہ کر اس سازش کو ناکام بنایا۔ انہوں نے کہا کہ ملک کو لاک ڈاﺅن کرنے کا تماشا لگانے والو ںکی سیاست خود ”لاک ڈاﺅن“ ہو چکی ہے۔ملک دھرنوں یا احتجاج کے ذریعے نہیں بلکہ محنت، خدمت اور دیانت سے آگے بڑھتے ہیں۔وزیراعلیٰ پنجاب محمد شہبازشریف کی زیرصدارت گریٹر اقبال پراجیکٹ کے امو رکا جائزہ لینے سے متعلق اعلیٰ سطح کا اجلاس منعقدہوا،جس میں شاہی قلعہ کو رات کے وقت لائٹس سے روشن کرنے کا فیصلہ کےا گےا۔وزےراعلیٰ شہبازشرےف نے اجلاس سے خطاب کرتے ہوئے کہا ہے کہ شاہی قلعہ کو رات کے وقت خوبصورت لائٹس کے ساتھ روشن کرنے کیلئے فی الفور کام شروع کیا جائے اورشاہی قلعہ کو روشن کرنے کا کام مقررہ مدت میں مکمل کیا جائے۔اس اقدام سے جہاںرات کے وقت قلعہ کی دلکشی میں اضافہ ہوگا وہاں سیاحوں کی آمدبھی بڑھے گی ۔ وزےراعلیٰ نے گریٹر اقبال پراجیکٹ ،شاہی قلعہ، حضوری باغ، بادشاہی مسجد اور وہاں موجود دیگر تاریخی مقامات کیلئے علیحدہ اتھارٹی کے قیام کا جائزہ لینے کیلئے کمیٹی تشکیل دینے کی ہدایت کرتے ہوئے کہا کہ ےہ کمیٹی اتھارٹی کے قیام کے حوالے سے جلد حتمی سفارشات پیش کرے گی اوراتھارٹی کے قانونی و انتظامی ڈھانچے کی تشکیل کیلئے اقدامات تجویز کرے گی۔انہوںنے کہا کہ گریٹر اقبال پارک اور دیگر تاریخی مقامات کو خوب سے خوب تر بنانے کیلئے تسلسل کے ساتھ اقدامات کئے جائیں۔گریٹر اقبال پارک میں فوڈ کورٹس اور کنٹینزکو آﺅٹ سورس کرنے کا کام جلد مکمل کیا جائے اورگریٹر اقبال پارک کی سکیورٹی پر خصوصی توجہ دی جائے۔وزیراعلیٰ پنجاب محمد شہبازشریف نے شیخوپورہ کے قریب خانقاہ ڈوگراں میں ٹریفک حادثے میں قیمتی انسانی جانوں کے ضیاع پر دکھ اور افسوس کا اظہار کیا ہے۔ وزیراعلیٰ نے جاں بحق ہونے والے افراد کے لواحقین سے ہمدردی اور تعزیت کا اظہار کےا ہے اورانتظامےہ کو ہداےت کی ہے کہ حادثے مےں زخمی ہونے والے افراد کوبہترین طبی سہولتیں فراہم کی جائیں۔ وزیراعلیٰ نے حادثے کے بارے میں رپورٹ طلب کر لی ہے۔

اسلام آباد (آن لائن، این این آئی) سپریم کورٹ میں اورنج لائن ٹرین منصوبے کیخلاف کیس کی سماعت کرنے والا بینچ ٹوٹ گیا۔ جسٹس امیر ہانی مسلم نے مقدمہ سننے سے معذرت کرتے ہوئے سماعت غیر معینہ مدت کیلئے ملتوی کردی۔ سپریم کورٹ میں اورنج لائن ٹرین منصوبے کیخلاف مقدمے کی سماعت شروع ہوئی تو جسٹس امیر ہانی مسلم نے سماعت سے معذرت کر لی۔ ان کا کہنا تھا کہ ذاتی وجوہات کی بنائ پر یہ کیس نہیں سن سکتا۔ پنجاب ماس ٹرانزٹ اتھارٹی کے وکیل نے استدعا کی کہ اس کیس کو دوبارہ جلد سماعت کیلئے لگایا جائے جس پر جسٹس امیر ہانی مسلم نے کہا کہ جب میں کیس سن ہی نہیں رہا تو تاریخ کیسے دے سکتا ہوں۔ بینچ ٹوٹنے کے باعث اورنج لائن ٹرین منصوبے سے متعلق کیس کی سماعت غیر معینہ مدت کیلئے ملتوی کرتے ہوئے نیا لارجر بینچ تشکیل دینے کے لیے معاملہ چیف جسٹس کو بھجوادیا ہے۔واضح رہے کہ پنجاب حکومت نے اورنج لائن ٹرین منصوبے سے متعلق لاہور ہائی کورٹ کا فیصلہ سپریم کورٹ سے رجوع کررکھا ہے۔ سپریم کورٹ آف پاکستان کے چیف جسٹس مسٹر جسٹس ثاقب نثار نے کہا ہے کہ اب سپریم کورٹ میں مقدمہ ملتوی کرنے کی درخواستیں نہیں سنیں گے۔ پیر کو چیف جسٹس آف پاکستان جسٹس میاں ثاقب نثار کی سربراہی میں سپریم کورٹ کے3 رکنی بینچ نے اراضی اسکینڈل کیس کی سماعت کی، سماعت کے دوران ایک فریق کی جانب سے سماعت ملتوی کرنے کی درخواست پر فاضل جج صاحبان برہم ہوگئے۔ جسٹس اعجاز افضل کا اپنے ریمارکس میں کہنا تھا کہ کیا ججز مقدمات ملتوی کرنے عدالت آتے ہیں۔ جسٹس دوست محمد خان نے ریمارکس دیتے ہوئے کہا کہ ججز رات دیر تک مقدمات کی فائل پڑھ کرعدالت آتے ہیں لیکن صبح عدالت آکر پتہ چلتا ہے وکیل پیش نہیں ہوگا لہذا کسی وکیل کو پیش نہیں ہو نا تو پہلے بتا دیا کریں، پہلے بتا دیا جائے تو ججز توجہ دیگر مقدمات پر مرکوز رکھیں۔چیف جسٹس نے ریمارکس دیئے کہ عدالت عظمی کیس ملتوی کرنے کی درخواستیں سننے کےلئے نہیں سماعت کے دور ان بتایاگیا کہ وکیل کو ٹھنڈ لگ گئی ہے جس پر چیف جسٹس نے کہاکہ ٹھنڈ اور نزلہ زکام ہمیں بھی ہوتا ہے تاہم معمولی بات پر کیس ملتوی کرنے کی بجائے وکیل پیش ہوں۔ انہوںنے کہاکہ مقدمہ لگانے کے لیے عدالت کے عملے کو بہت کام کرنا پڑتا ہے اس لیے بڑے پیار سے کہتا ہوں مقدمہ ملتوی کرنے کی درخواستیں نہ دیں۔ سپریم کورٹ کے حکم پرقائم کئے گئے فراہمی نکاسی و آب کے کمیشن نے پیرکو کارروائی کا باقاعدہ آغاز کردیا ہے۔ کمیشن نے عوام الناس کی آگاہی کیلئے تین بڑے اخبارات میں اشتہارات شائع کرانے کا حکم دیا ہے۔

لاہور (ایجوکیشن رپورٹر، خبر نگار) نیب بغیر کسی دباﺅ کے مقدمات کو دیکھ رہا ہے اور میرٹ پر فیصلے کررہا ہے۔ واویلا صرف وہ لوگ کررہے ہیں جن کو حقائق کا علم نہیں یا ان کا کوئی ذاتی مفاد وابستہ ہے۔ دہشتگردی ختم ہو چکی‘ کرپشن سب سے بڑا مسئلہ ہے۔ ان خیالات کا اظہار چیئرمین نیب قمر زمان چوہدری نے کونسل آف پاکستان نیوز پیپر ایڈیٹرز کے پروگرام میٹ دی ایڈیٹر میں اظہار خیال کرتے ہوئے کیا۔ انہوں نے کہاکہ عوام میںبلوچستان میگا کرپشن کے بارے یہ تاثر پایا جاتا ہے کہ نیب کی وجہ سے اس کیس سے 40 ارب روپے کا نقصان ہوا ہے جب کہ اصل میں یہ رقم 2.2 ارب روپے ہے، جس کو 40 ارب روپے ظاہر کیا گیا ہے۔ اُنہوں نے کہا کہ صدر سی پی این ای ضیاءشاہد ایک کمیٹی بنائیں اور اس کرپشن سکینڈل کی خودسے انکوائری کروا کر دیکھ لیں تمام معاملات آپ کے سامنے آجائیں گے، سی پی این ای ہماری رہنمائی کرے تاکہ ہم بہتر طریقہ سے عوام اور حکومت کی خدمت کر سکیں۔ نیب میں موجود پلی بارگین کے قانون کو بہت زیادہ تنقید کا نشانہ بنایا جا رہا ہے، ابھی حالیہ دنوں میں اس قانون کے بارے میں اخبارات میں بہت کچھ شائع کیا گیا ہے، مگر ایک بات سمجھنے کی بہت اشد ضرورت ہے کہ اس قانون کے تحت 285ارب روپے قومی خزانے میں جمع کروائے اور اربوں روپے عوام کو بھی واپس دلوائے گئے ہیں یہ کام آج تک پاکستان میں کسی ادارے نے نہیں کیا۔ چیئرمین نیب نے کہا کہ آج مجھے بے حد خوشی ہورہی ہے کہ میں ایک ایسے پلیٹ فارم سے عوام الناس سے بات کر رہا ہوں جو ایک معتبر ادارہ ہے جس پر میں سی پی این ای کے ممبران کا مشکور ہوں مجھے خوشی ہورہی ہے کہ کچھ ایسے معاملات جو ہمارے ادارے نیب سے منسلک ہیں کو کلیر کرنے کا موقعہ ملا ہے۔ نیب پاکستان کاایک معتبر ادارہ ہے اس کا کام کرپشن ختم کرانا ہے اوراس کے مرتکب لوگوں کو قانون کے دھارے میں لانا ہے یہ ادارہ 16سال سے اپنے فرائض سرانجام دے رہا ہے ہمیں اپنے کام اور زمہ داریوں کا حساس ہے لیکن لوگ اس کو ایک زاویے سے دیکھ رہے ہیں کہ نیب کچھ نہیں کررہا نیب کو کچھ کرنا چاہیے یہ ادارہ کچھ کرنے کی بجائے ہیجانی صورت حال پیدا کرتا ہے موجودہ نظام میں خلل پیدا کررہا ہے جو کہ بلکل غلط ہے ۔کرپشن پر تو تنقید کی جاتی ہے لیکن اس کو ختم کرنے کے لیے کوئی تیار نہیں سوال سب کرتے ہیں پر اس کو ختم کرانے کے لیے کوئی اگے نہیں بڑھتا ۔نیب جب کچھ کرنے لگتا ہے تو اس کے سربراہ کو بدل دیا جاتا پچھلے سیاسی ادوار کو دیکھ لیں جس میں چار چیئرمین نیب تبدیل کئے گئے بلکہ اس دور میں دس ماہ تک اس ادارے کا سربراہ بھی تعینات نہیں کیا گیا اس ادارے کو کام نہیں کرنے دیا گیا ۔اب یہ سویلین دور شروع ہو ااس میں اس ادارہ نیب کو کچھ کرنے کا موقع ملا ہے ۔پلی بارگین کے حوالے سے گفتگو کرتے ہوئے چیرمین نیب (ر) میجر قمرالزمان چوہدری نے کہا کہ پلی بارگین کی شق قانون میں موجود ہے اس شق پر عمل کیا گیا ہے ہم اپنی طرف سے کچھ نہیں کرتے نیب نے قومی خزانے میں285ارب روپے جمع کروائے ہیں اور اربوں روپے ریکور کر اکر ان کے مالکان تک واپس کروائے ہیں اگر یہ نہ ہو تو پھر مجرم تو عدالت میں جائے گا اس کو سزا ہوگی جو کہ 14سال سزا ہے جو دن رات ملا کر سات سال بنتی ہے مجرم ایک سال گزار کر جیل سے باہر آجاتا ہے ۔چیرمین نیب نے ایک نقطہ اٹھاتے ہوئے کہا میں اس بڑے پلیٹ فارم سے ایک بات کلیر کرنا چاہتا ہوں بلوچستان کے حوالے سے ایک خبر میڈیا پر شائع کی گئی ہے کہ40ارب روپے کی کرپشن تھی جو کہ غلط ہے یہ 2.2ارب تھی جو ریکور کی گئی ہے میرے خیال میںغیر ذمہ دارانہ رپورٹنگ کی گئی ہے جس کے باعث عوام حقائق سے بے خبر ہے انہوں نے مزید کہا کہ سی پی این ای اس کی انکوائری کر لے اس انکوائری میں خود حاضر ہونے کے لیے تیا رہوں حقیقت بیان کی جائے تاکہ اس ادارے کی ساکھ متاثر نہ ہو انہوں نے ڈبل شاہ کا ذکر کرتے ہوئے کہا کہ نیب نے اس سے 4ارب روپے ریکور کر کے غریب لوگوں کو واپس کروائے اور اس کو سزابھی کروائی اگر نیب بھی صرف مجرم کو پکڑ کر چالان کر کے جیل بھیج دیں اور اس کو 14سال سزا ہوجائے اور متاثرہ شخص کو کچھ نہ ملے تو وہ متاثرہ شخص کیا سوچے گا ۔پلی بارگین کے قانون کے حوالے سے گفتگو کرتے ہوئے کہا کہ یہ قانون صرف پاکستان میں نہیں بلکہ امریکہ سمیت ساری دنیا میں موجود ہے ایک سوال کے جواب پر انہوں نے کہا کہ 179بڑے کرپشن کیس نیب کے پاس ہیں جن میں کافی کیس عدالت میں ہیں جن کا فیصلہ عدالت نے کرنا ہے ہماری طرف سے انکوائری مکمل ہے بعض کیسزز ایسے بھی تھے جو عدم ثبوت کی وجہ سے ختم کر دئیے گئے جیسے اسحاق ڈار کا کیس تھا۔ڈاکٹر عاصم کے حوالے سے عارف نظامی کے سوال پر چیئرمین نیب نے کہا کہ ڈکٹر عاصم کے کیس کی ہم نے انکوائری مکمل کر لی ہے اب یہ کیس عدالت میں ہے اب عدالت نے اس کا فیصلہ کرنا ہے۔ مجیب الرحمن شامی کے سوال پر انہوں نے کہا کہ خا لد لانگھوکیس ختم نہیں ہوا بلکہ اس پرتحقیقات ہورہی ہیں یہ کیس عدالت میں جائے گا اس کو ہم ہر زاوئیے سے دیکھ رہے ہیں اس بارے جب عدالت بلائے گی تو ہمارے پاس تمام ثبوت موجود ہیں ۔سلیمان غنی کے سوال پر چیئرمین نیب نے کہا کہ کامران کیانی پر انٹر پول کے ذریعے ہم نے کاروائی نہیں کرنی یہ کیس عدالت میں ہے عدالت نے ایف آئی اے کو کہنا ہے جس کے بعد ایف آئی اے کیانی کو انٹرپول کے ذریعے گرفتار کرے گی ۔میٹ دی ایڈیٹر سمینار میں صدر سی پی این ای نے چئیرمین نیب کی توجہ مختلف ہاو¿سنگ سوسائٹیز میں ہونے والے فراڈ پر دلائی اور کہا کہ آج یہ بیرون اور اندرون ملک پاکستانیوں کا بہت بڑا مسئلہ ہے اس پر نیب کیا کر رہی ہے جس پر چیرمین نیب نے کہا کہ ہمارہ ادارہ نیب اس پر کام کر رہا ہے ہم اس پرکنٹرول کرنے کی پوری کوشش کررہے ہیں اور وقتا فوقتا ہم ان سوسائٹیز کے حوالے سے اخبارات اور چینلز پر اشتہارات کے ذریعے نشاندہی کرتے رہتے ہیں اور اپنے نمائندوں کے نمبرز بھی شائع کرتے ہیں تاکہ ایسی کسی بھی صورتحال پر عوام ہم سے رابطہ کرسکیں سیمنار کے اختتام پر صدر سی پی این ای نے چیئرمین کا شکریہ ادا کرتے ہوئے کہا کہ ہم بلوچستان کرپشن کیس میں غلط اعدادو شمار کے حوالے سے انکوائری کمیٹی تشکیل دیں گے جو سارے معاملے کی تحقیق کرے گی۔ اس موقع پر صدر سی پی این ای چیف ایڈیٹر خبریں ضیا شاہد، جنرل سیکرٹری اعجاز الحق، مجیب الراحمن شامی، عارف نظامی، جمیل اطہر قاضی، ممتاز شاہ، توصیف صافی، ممتاز طاہر، اویس روف، ایاز خان، سیلمان غنی اور عرفان اطہر قاضی سمیت دیگر ایڈیٹر ز نے شرکت کی۔