کراچی(نیوزایجنسیاں) آل راو¿نڈر شاہد آفریدی ملک میں انٹرنیشنل کرکٹ کی واپسی میں کردار ادا کرنے بے چین ہیں۔ انھوں نے کہا کہ میری کوشش ہو گی کہ غیرملکی کرکٹرز کو پاکستان آنے پر آمادہ کروں، ملک میں اب حالات خاصے بہتر ہیں، اب ٹیموں کو ٹور کرنا چاہیے۔، انھوں نے مزید کہا کہ یونس خان اور مصباح الحق کی بڑی خدمات ہیں، انھیں ریٹائرمنٹ کا فیصلہ خود کرنا چاہیے۔ واضح رہے کہ ناقص کارکردگی کے سبب دونوں سینئر کرکٹرز پر ریٹائرمنٹ کے لیے دباو¿ بڑھ گیا ہے۔

نئی دہلی (آئی این پی)بھارتی سپریم کورٹ نے بھارتی کر کٹ بورڈ( بی سی سی آئی) کے صدر انوراگ ٹھاکر کو لودھا پینل کے احکامات نہ ماننے پر عہدہ سے برطرف کردیا۔بھارتی میڈ یا کے مطابق بورڈ آف کنٹرول فار کرکٹ ان انڈیا( بی سی سی آئی) کے صدر انو راگ ٹھاکر اور بی سی سی آئی سیکریٹری اجے شرکے کو ان کے عہدے سے ہٹادیا انہیں لودھا پینل کی سفارشات کی عدم تعمیل کے باعث ہٹایا گیا۔واضح رہے کہ بھارتی سپریم کورٹ میں دائر درخواستوں پر گزشتہ سال جسٹس آر ایم لودھا کی سربراہی میں ایک کمیشن کیا گیا تھا جس نے انڈین بورڈ میں بڑے آفیشلز کی عمر اور مدت ملازمت کی حد مقرر کرنے کے ساتھ ساتھ کسی بھی شخص کو کرکٹ بورڈ میں لگاتار دو مرتبہ ایک ہی عہدے پر منتخب کرنے کی پابندی عائد کرنے کی سفارشات کی تھیں۔لودھا کمیٹی کی جانب سے بھارتی سپریم کورٹ میں کئی تجاویز پیش کی گئی تھی جسے سپریم کورٹ نے قبول جبکہ بی سی سی آئی نے اسے ماننے سے انکار کردیا تھا۔ گزشتہ روز بھارتی سپریم کورٹ نے لودھا کمیٹی کی سفارشات پر عمل نہ کرنے پر بی سی سی آئی کے صدر اور سیکریٹری کو ان کے عہدے سے ہٹادیا۔واضح رہے کہ انوراگ ٹھاکر حکمران جماعت بھارتی جنتا پارٹی کے رکن پارلیمنٹ ہیں اور ان کے وزیر اعظم نریندر مودی سے قریبی تعلقات ہیں اور وہ بی سی سی آئی کے سابق صدر ششانک منوہر کے مستعفی ہونے کے بعد اس عہدے پر براجمان ہوئے تھے۔

سڈنی ( نیو ز ا یجنسیا ں ) لیگ اسپنر یاسر شاہ نے میلبورن میں باکسنگ ڈے ٹیسٹ میں خراب باو¿لنگ کی ذمہ داری قبول کرتے ہوئے کہا کہ انھوں نے غلط جگہ باولنگ کی اور اپنی باو¿لنگ میں فیلڈنگ کی تعیناتی کا فیصلہ میرا ذاتی تھا۔ابتدائی میچزمیں فیل ہوگیا،امید ہے سڈنی میں نتائج یکسرمختلف ہونگے۔یاسر شاہ نے آسٹریلیا کے خلاف باکسنگ ڈے ٹیسٹ میں ناقص کارکردگی کا مظاہرہ کرتے ہوئے ایک اننگز میں 207 رنز دیے تھے اور صرف تین وکٹیں حاصل کرسکے تھے۔کرک انفو کی رپورٹ کے مطابق یاسر شاہ نے غیرملکی نشریاتی ادارے کو ایک انٹرویو میں کہا کہ’یہ میری غلطی تھی اور بطور باو¿لر میں اپنی باو¿لنگ کے دوران فیلڈرز کی تعیناتی کی ذمہ داری قبول کرتا ہوں جو غلط فیصلہ تھا’۔ان کا کہنا تھا کہ ‘میرا خیال ہے میں نے بہت زیادہ فل ٹاس اور آسان گیندیں کیں تاہم میں نیٹ پر اپنے ایکشن کو بہتر کرنے اور باو¿لنگ کی سمت کو درست کرنے کے لیے کام کررہا ہوں’۔باکسنگ ڈے ٹیسٹ کے حوالے سے ان کا کہنا تھا کہ ‘میلبرن کرکٹ گراو¿نڈ میں بارش کے باعث کوئی خشکی نہیں تھی اور وکٹ بھی زیادہ خراب نہیں تھی’۔خیال رہے کہ یاسر شاہ 11 سال کے طویل عرصے بعد آئی سی سی کی درجہ بندی میں سرفہرست آنے والے پہلے لیگ اسپنر بن گئے تھے تاہم مسلسل ناقص کارکردگی کے باعث وہ اب 12 ویں پوزیشن پر موجود ہیں۔یاسر شاہ نے 2016 میں ٹیسٹ کرکٹ میں تیز ترین 100 وکٹیں مکمل کرنے والے دوسرے کھلاڑی کا ریکارڈ بھی برابر کردیا تھا۔آسٹریلیا کے سابق لیگ اسپنر شین وارن نے ماضی میں یاسر شاہ کو کئی مفید مشورے دیے جس کا وہ خود اعتراف کرچکے ہیں۔شین وارن کے مشوروں پر یاسر شاہ نے کہا کہ ‘وہ ہمیشہ مجھے تحمل کے ساتھ وکٹیں حاصل کرنے کا گر بتاتے ہیں اور یہ بھی بتایا کہ مجھے آسٹریلیا میں سلو باو¿لنگ کیسے کرنی ہے اور متحدہ عرب امارات میں 83-84 کی رفتار سے کس طرح باو¿لنگ کرسکتا ہوں’۔آسٹریلیا کے خلاف پہلے ٹیسٹ میچ میں دفاعی انداز اپنانے پر شین وارن نے یاسر شاہ کو تنقید کا نشانہ بنایا تھا۔پاکستان اور آسٹریلیا کے درمیان سیریز کا آخری ٹیسٹ سڈنی میں 3 جنوری کو شروع ہوگا جہاں یاسر کے ساتھ محمد اصغر کو بھی اضافی اسپنر کے طور پر حتمی ٹیم میں شامل کرنے کا عندیہ دیا جارہا ہے۔