اسلام آباد (ویب ڈیسک)  نجی ٹی وی چینل کو انٹرویو دیتے ہوئے سابق وفاقی وزیر داخلہ چودھری نثار علی خان نے کہا کہ میں ووٹ کے تقدس کے حوالے سے نواز شریف صاحب کے ساتھ ہوں لیکن میں طریقہ کار سے متفق نہیں ہوں ۔ ووٹ کے تقدس کی بحالی صرف ایک طریقے سے ہو سکتی ہے اور وہ طریقہ گڈ گورننس ہے ۔ پاکستان میں تمام تر رکاوٹوں کے باوجود سیاستدانوں کو چاہئیے کہ وہ گڈ گورننس کو یقینی بنائیں۔کوئی ہمیں پلیٹ میں رکھ کر کچھ نہیں دے گا۔ آپ کو چاہئیے کہ آپ اپنی کارکردگی کی بنیاد پر اپنی ملک کی عوام سے ایک ایسا رشتہ قائم کرلیں تو اللہ تعالیٰ کے بعد سب سے بڑے محافظ کسی بھی ملک کے عوام ہیں۔ تُرکی میں فوج کے ٹینک باہر نکل آئے تھے لیکن جمہوریت کا دفاع کسی آئین یا قانون نے نہیں بلکہ عوام نے کیا ۔ ترکی کے صدر طیب اردگان نے اپنی عوام سے کارکردگی کی بنیاد پر ایک رشتہ قائم کیا۔ جس کے بعد عوام ان کے سب سے بڑے معاون اور محافظ بن گئے ۔ لہٰذا گُڈ گورننس کارکردگی سے ہو سکتی ہے محاذ آرائی سے نہیں۔ میں اسے سے اتفاق نہیں کرتا کہ سپریم کورٹ ، فوج یا کسی اور ادارے سے لڑائی کی جائے۔ انہوں نے مزید کیا کہا آپ بھی دیکھیں:

لاہور (اپنے سٹاف رپورٹر سے) مسلم لےگ (ن) کے قائد مےاں نوازشر یف کی صاحبزادی مر ےم نواز نے کہا ہے کہ عوام نے نوازشریف کی نااہلی کا عدالتی فیصلہ مسترد کر دیا ہے‘نواز شریف کا نہ ہی پاناما پیپرز میں نام تھا اور نہ ہی کرپشن کا کوئی الزام تھا، ایک مقدمہ میں 4 بار فیصلہ آیا اور اب پانچویں مرتبہ فیصلہ آئے گا‘میڈیا ٹرائل کرکے ہمارے خلاف مہم چلائی گئی جو انسانی حقوق کی خلاف ورزی ہے، نواز شریف پاکستان کی ترقی کی بات کرتے ہیں اس لیے ان کے خلاف فیصلہ آیا جب کہ پاکستان کی تاریخ میں عوام نے فیصلے پر فوری رد عمل دیا۔حلقہ این اے 120 میں انتخابی مہم کے دوران ماڈل ٹاﺅن میں وکلا سے خطاب کرتے ہوئے مریم نواز نے کہا کہ لاہور وکلا کنونشن تاریخ ساز تھا جس پر شرکا اور منتظمین کو مبارکباد دیتی ہوں، وکلا کنونشن سے پوری دنیا اور باالخصوص مخالفین کو مضبوط پیغام گیا جب کہ کنونشن میں وکلا کی بڑی تعداد کی شرکت نے ہمیں حوصلہ دیا۔انہوں نے کہا کہ کنونشن اتنا بھرپور تھا کہ مخالفین کو کہنا پڑا کہ لیگی ورکرز کو کالے کوٹ پہنچائے گئے جب کہ عوام کی بڑی تعداد نے نوازشریف کی نااہلی کا عدالتی فیصلہ مسترد کر دیا ہے۔ مسلم لیگ (ن) کی مرکزی رہنما مریم نواز نے کہا ہے کہ نیب کے جتنے کیسز میں ہم سرخرو ہوئے ان کودوبارہ نئے طریقے سے کھولا گیا ،قوم دیکھ رہی ہے این اے 120کے عوام نواز شریف کے ساتھ کھڑے ہیں، نواز شریف اگر اتنے ہی کرپٹ تھے تو الزامات کو ثابت کیا جاتا اقامے پر نااہلی کا مطلب ہے نواز شریف کے خلاف کچھ نہیں تھا ،جے آئی ٹی کے ہیرے بھی ایک پائی کی کرپشن نہیں نکال سکے۔ ان خیالات کا اظہا ر انہوں نے 17ستمبر کو وکلا ءباہر نکلیں اور (ن) لیگ کو کامیاب کروائیں ۔ مریم نواز نے این اے 120 کے ضمنی انتخاب کے سلسلے میں تاجر کنونشن سے خطاب کرتے ہوئے کہا کہ عزت افزائی پر دل کی گہرائیوں سے شکریہ ادا کرتی ہوں۔ ساری دنیا دیکھے گی 17 ستمبر کو شیر کیسے دھاڑتا ہے۔ مریم نواز نے کہا کہ میں تاجر برادری کی عدالت میں نواز شریف کی ریویو پٹیشن لائی ہوں، نواز شریف کی نظر ثانی کی اپیل کا فیصلہ عوام 17 ستمبر کو کرے گی۔انہواں نے کہاکہ جب عوام نواز شریف کو ووٹ دیکر لاتی ہے تو جلا وطن کیا جاتا ہے یا جیلوں میں ڈالا جاتا ہے، نواز شریف کو ٹوٹا پھوٹا پاکستان دیتے ہیں اور نواز شریف ایک ابھرتا اور ترقی کرتا پاکستان دیکر جاتا ہے۔

بہاول پور(خصوصی رپورٹ)بھارتی بدنام زمانہ خفیہ ایجنسی ”را“ کے جماعت الدعوة کے امیر کی ٹارگٹ کلنگ کے منصوبے کا انکشاف ہوا ہے۔ ٹارگٹ کلرز کے ساتھ 8 لاکھ ڈالرز کا معاہدہ طے پا گیا، 3 خودکش بمباروں کی ٹریننگ افغانستان میں شروع کردی گئی ہے۔ تفصیلات کے مطابق صوبہ بھر کے آر پی اوز، ڈی پی اوز کو جاری کردہ تھریٹ الرٹ 558 میں انکشاف کیا گیا ہے کہ ”را“ نے حافظ محمد سعید کی ٹارگٹ کلنگ کا منصوبہ بنا لیا ہے۔ ذرائع کے مطابق جلال آباد میں ایک خفیہ اجلاس میں یہ بھی طے کیا گیا ہے کہ حملہ کس شہر میں کیاجانا ہے اور 3 خودکش بمباروں کی افغانستان کے علاقے غنی خیل میں ٹریننگ جاری ہے، صورت حال کے پیش نظر صوبہ بھر میں سکیورٹی ہائی الرٹ کر دی جائے جبکہ حافظ سعید کی سکیورٹی بھی بڑھانے کا فیصلہ کیا گیاہے۔