امید وار جماعت اسلامی کا حیرت انگیز اعلان

لاہور (وقائع نگار) جماعت اسلامی این اے 120 کے نامزد امیدوارضیاءالدین انصاری نے کہا ہے کہ حلقہ این اے 120کی عوام اپنے مسائل کے حل اور ملک کو اندھیروں سے نکالنے کیلئے ترازوں کے نشان پر مہریں لگائیں ، عوام مٹھی بھر اشرافیہ کے خلاف متحد ہوجائیں جنہوں نے ذاتی مفادات اور خاندانی سیاست کو پروان چڑھا رکھا ہے ۔ ان خیالات کا اظہار گذشتہ روز انہوںنے حلقہ این اے 120کے علاقہ اسلام پورہ اور راج گڑھ میں ڈور ٹو ڈور ، کا رنرمیٹنگز اور وکلاءبرادری کے وفد سے ملاقات کے موقع پر خطاب میں کیا ۔انہوں نے مزید کہا کہ حکمران جماعت کے نااہل وزیر اعظیم نواز شریف اس حلقے سے تین بار منتخب ہوئے لیکن اس حلقے کی عوام آج بھی بنیادی انسانی ضرورت پینے کے صاف پانی سے محروم ہے اور علاقے کے لوگ سیوریج کے تباہ حال نظام کی وجہ سے سیوریج ملا گندہ اور آلودہ پانی پینے کی سے مختلف بیماریوں میں مبتلا ہیں ۔انہوں نے کہا کہ حلقے کی عوام کو اس بار اپنے ووٹ کی طاقت کا استعمال سوچ سمجھ کر کرنا ہوگا کیونکہ این اے 120کے الیکشن آئندہ 2018ءکے انتخابات کا رخ متعین کریں گے ۔بعد ازاں امیر جماعت اسلامی لاہور ذکر اللہ مجاہد نے دفتر جماعت اسلامی لاہور میں این اے 120 کے انتخاب کے حوالے وکلاءبرادری کے وفد سے خطاب کرتے ہوئے کہا کہ حکمرانوںنے ملک و قوم کے بجائے صرف اپنی حالت سنوارنے پر توجہ مرکوز کر رکھی ہے جبکہ حلقے کی عوام سمیت شہر بھر کے لوگ انسانی بنیادی ضروریات سے محروم ہیں ۔انہوں نے کہا کہ نظریہ پاکستان اور ملکی آئین و قانون کے ساتھ بے وفائی کرنے والوں کو عوام اس بار مسترد کریں گے۔ 2013ءکے الیکشن میں جیتنے والوں نے عام لوگوں کے لیے اسپتال نہیں بنوائے جبکہ اپنا علاج ملک سے باہر کرواتے ہیں ۔ انہوںنے کہا کہ ہم وکلاءبرادری کے مشکور ہیں جنہوں نے جماعت اسلامی کی صالح قیادت پر اعتماد کرتے ہوئے ضیاءالدین انصاری کی نڈر قیادت کا ساتھ دینے کااعلان کیا۔