اسلام آباد(خصوصی رپورٹ)پاکستان انٹرنیشنل ایئرلائنز کارپوریشن کی جانب سے قومی خزانے کو 47 ارب 3کروڑ 66 لاکھ 17 ہزار روپے نقصان پہنچائے جانے کا انکشاف ہوا ہے۔ قومی ایئرلائن کو تباہی کے دہانے پر پہنچانے کے لئے افسروں اور ملازمین سب نے ہی بہتی گنگا میں ہاتھ دھوئے۔ آڈیٹر جنرل کی 2016-17ءکی رپورٹ میں کہا گیا ہے کہ طیاروں کے انجنوں کی مرمت کی مد میں غیر ضروری اخراجات کی وجہ سے ادارے کو 37 ارب 15کروڑ 6 لاکھ 98ہزار کا نقصان ہوا ہے۔ اسی طرح ایئرلائنز کے غیر موثر معاہدوں کے نتیجے میں ادارے نے 4ارب 7کروڑ 36 لاکھ 50 ہزار کا نقصان برداشت کیا۔ کیٹرنگ کے معاہدوں میں 2ارب 57کروڑ 89 لاکھ 7ہزار، سرکاری اداروں سے عدم وصولی کی مد میں 96 کروڑ 3 لاکھ 70ہزار روپے، بین الاقوامی سروس پر وائیڈر گلیلیو انٹرنیشنل کی وجہ سے ادارے کو 61کروڑ 20 لاکھ 40ہزار، غیرقانونی تقرری، تعیناتیوں اور تبادلوں سے ادارے کو 30 کروڑ کا نقصان برداشت کرنا پڑا، ادھر آڈیٹر جنرل پاکستان نے 36 وزارتوں کو دی جانے والی 3.12 کھرب روپے کی فنڈنگ میں بدانتظامی، بے ضابطگیوں اور کمزور مالیاتی کنٹرول پر اعتراضات اٹھا دیے۔ رپورٹ میں 33 ایسے کیسز کی نشاندہی کی گئی جن میں کمزور مالی انتظام کی وجہ سے 19 کھرب کی بے ضابگیاں ہوئی ہیں۔
کرپشنبے ضابطگیاں

اسلام آباد (بزنس رپورٹر) نادرا نے خواجہ سرا ﺅں کی مشکلات اور لاہور ہائی کورٹ کے حکم کی تعمیل کے پیش نظر خواجہ سراﺅں کو نامعلوم ولدیت کے ساتھ نادرا کے ڈیٹا میں شامل کرنے کیلئے ایک نئی پالیسی متعارف کروائی ہے جس کے تحت ایک ”گرو“ خواجہ سراﺅں کی درخواست کی تصدیق بطور سربراہ کرے گا۔اس متعلق ترجمان نادرا نے کہا کہ یہ نئی پالیسی خواجہ سراﺅں کو درپیش مشکلات کے پیش نظر وضع کی گئی ہے چونکہ اس سے قبل بہت سارے خواجہ سرا معقول دستاویزی ثبوت نہ ہونے کی بناءپر شناختی کارڈ کی سہولت سے محروم تھے۔ترجمان نادرا نے بتایا کہ اس سے قبل صر ف ان خواجہ سراﺅں کو شناختی کارڈ جاری کیا جاتا تھا جن کے والدین کے نام معلوم ہوتے تھے ایسے میں بہت سارے خواجہ سر ا لاوارث ہونے کی بناءپر قومی شناختی کار ڈیا شناختی کاغذات حاصل کرنے سے محروم ہوجاتے تھے ۔نادرا نے خواجہ سر ا ہوں کے متعلق یہ پالیسی اس حکم کی تعمیل کی روشنی میںوضع کی تھی جس کے تحت سپریم کورٹ نے 2009میں نادرا کو حکم دیا تھا کہ وہ خواجہ سراﺅں کو ان کی خواہش کے مطابق صنف کے ساتھ نادرا ڈیٹا بیس میں رجسٹرڈ کرنے سے متعلق پالیسی وضع کرے ۔نادرا اس سے پہلے اس کمیونٹی کیلئے ”مرد خواجہ سرا“، ”عورت خواجہ سرا“ کے ساتھ ساتھ تیسرا ” خنصہ مشکل“ جیسی صنف کا بھی آپشن متعارف کروا چکی ہے جس کے تحت خواجہ سرا اپنے لئے بغیر کسی سرٹیفیکٹ کے اپنی مرضی کی جنس کا تعین کر سکتے ہیں۔ترجمان نے مزید کہا کہ نادرا کے اس اقدام سے ایسے خواجہ سرا حضرات جو پہلے ہی بطور خواجہ سرا رجسٹرڈ ہیں اپنے آپ کو نادرا کے ڈیٹا بیس میں بطور ”گرو“ رجسٹر کرا سکیں گے۔گرو رجسٹریشن کے طریقہ کار کیلئے ”گرو“ کو اپنے ساتھ شناختی کارڈ کی کاپی کے ساتھ ساتھ فرسٹ کلاس مجسٹریٹ کی جانب سے مصدقہ تصدیق شدہ حلف نامہ فارم کا ہونا ضروری ہے۔ نادرا کے ڈیٹا بیس میں رجسٹر کیا گیا ”گرو“ ایسے خواجہ سراﺅں جن کی ولدیت نامعلوم ہے ان کی درخواست کی تصدیق بطور سربراہ کرے گا۔نادرا کی نامعلوم ولدیت کے ساتھ یتیموں کے لیئے مروجہ پالیسی کی طرح خواجہ سراﺅں کے شناختی کارڈ پرولدیت کا کوئی بھی نام نادرا کے ڈیٹابیس سے سسٹم خودکار طریقے سے منتخب کرے گا اور وہ نام ولدیت کے خانے میں درج کیا جائے گا۔ ان دستاویزات کی نادرا ریجنل ہیڈ آفس میں تصدیق کی جائے گی جس کے بعد یہ دستاویزات نادرا ڈیٹا بیس میں بطور ”گرو“ رجسٹریشن کیلئے نادرا ہیڈ کوارٹرز کو ارسال کر دی جائیں گی۔ انہوں نے کہا کہ جبکہ اس نئی پالیسی سے ان خواجہ سراﺅں کو بھی قومی دھارے میں لایا جائے گا جن کی ولدیت اس سے قبل نا معلوم تھی اوراسی وجہ سے انہیں نادرا میں رجسٹر ہونے کیلئے مشکلات کا سامنا تھا۔نادرا کا یہ اقدام بنیادی شہری حقوق کا آئینہ دار ہے۔

لاہور (خصوصی ) قائم مقام چیف جسٹس لاہور ہائیکورٹ جسٹس شاہد حمید ڈار نے حلف لینے کے بعد چیف جسٹس کاپروٹوکول لینے سے انکار کر دیا، حلف برداری تقریب کے بعد گفتگو کرتے ہوئے فاضل چیف جسٹس نے کہا کہ اللہ کی ذات پر یقین کامل ہے اور ضمیر مطمئن ہے ، چیف جسٹس کا پروٹو کول نہیں لینا چاہتا۔

لاہور(اپنے سٹاف رپورٹر سے) وزیراعلیٰ پنجاب محمد شہباز شریف نے کہا ہے کہ پنجاب حکومت نے لاہور سمیت صوبے کے دیگر شہروں میں شہریوں کی سہولت کیلئے مویشی منڈیاں قائم کی ہیں۔ مویشی منڈیوں میں خریداری کیلئے آنے والوں کو ہر طرح کی سہولتیں فراہم ہونی چاہئیں۔ وزیراعلیٰ نے غیر قانونی مویشی منڈیوں کے خلاف کارروائی کا حکم دیتے ہوئے کہا کہ غیرقانونی منڈیاں قائم کرنے والوں کو قانون کے مطابق کارروائی عمل میں لاتے ہوئے انہیں گرفتار کیا جائے۔ مویشی منڈیوں میں صفائی کے انتظامات تسلسل کے ساتھ جاری رکھے جائیں۔ صفائی کے انتظامات پر کوئی سمجھوتہ نہیں ہوگا۔ مویشی منڈیوں میں سپرے باقاعدگی سے جاری رکھا جائے اور کانگو وائرس اور ڈینگی وائرس سے نمٹنے کیلئے وضع کردہ پلان پر من و عن عمل کیا جائے۔ متعلقہ صوبائی وزیر اور سیکرٹری مویشی منڈیوں کے دورے جاری رکھیں۔ وزیراعلیٰ پنجاب محمد شہبازشریف نے ان خیالات کا اظہار ویڈیو لنک اجلاس سے خطاب کرتے ہوئے کیا۔ دو گھنٹے جاری رہنے والے طویل اجلاس میں عیدالاضحی کی آمد کے پیش نظر صفائی، مویشی منڈیوں میں انتظامات ، ٹریفک نظام کو رواں دواں رکھنے کیلئے اقدامات، جھولوں کے حفاظتی انتظامات کا تفصیلی جائزہ لیا گیا۔ صوبائی وزراءمنشاءاللہ بٹ، آصف سعید منہیس، رکن قومی اسمبلی افضل کھوکھر، لارڈ میئر لاہور، کمشنر لاہور ڈویژن اور متعلقہ حکام نے سول سیکرٹریٹ سے ویڈیو لنک کے ذریعے اجلاس میں شرکت کی، چیف سیکرٹری پنجاب اور متعلقہ حکام ماڈل ٹاﺅن سے اجلاس میں شریک ہوئے جبکہ فیصل آباد، ڈیرہ غازی خان، بہاولپور، ملتان، سرگودھا،ساہیوال، گوجرانوالہ اور راولپنڈی ڈویژن کے میئرز، کمشنرز اور ڈپٹی کمشنرز نے ویڈیو لنک کے ذریعے اجلاس میں شرکت کی۔ وزیراعلیٰ محمد شہبازشریف نے اجلاس سے خطاب کرتے ہوئے کہا کہ عیدالاضحی پر لاہور سمیت پنجاب بھر میں صفائی کے بہترین انتظامات ہونے چاہئیں۔ عیدالاضحی پر سڑکوں پر سری پائے بھوننے پر پابندی ہوگی۔کھلے مقامات پر سری پائے بھوننے کی پابندی پر سختی سے عملدرآمد کرایا جائے۔سری پائے بھوننے کا ایک واقعہ بھی سامنے آیا تو ذمہ دار متعلقہ ضلع کے ڈپٹی کمشنر اور ڈی پی او ہوں گے۔ انہوں نے کہا کہ پنجاب بھر میں عیدالاضحی پر آلائشوں کو بروقت ٹھکانے لگایا جائے۔ غفلت کسی صورت برداشت نہیں کروں گا۔تمام متعلقہ ادارے بہترین کوآرڈینیشن کے تحت فرائض سرانجام دیں۔ دریں اثناءمنتخب نمائندوں سے گفتگو کرتے ہوئے وزیراعلیٰ پنجاب نے کہاکہ مسلم لےگ(ن) کی حکومت عوام کو معیاری سہولتوں کی فراہمی کےلئے تمام وسائل بروئے کار لا رہی ہے اورہماری حکومت نے اےسے انقلابی اقدامات کےے ہےں ،جس سے امےر اورغرےب کے درمےان خلےج کم ہورہی ہے ۔امےر اورغرےب کےلئے الگ تعلےم اورالگ صحت کی سہولےات کے کلچر کو بدلنے کی جانب تےزی سے بڑھ رہے ہےں اور امےر اورغرےب کے پاکستان کے فرق کو ہر صورت مٹاکردم لےں گے۔وزیراعلی شہبازشریف نے کہا کہ پاکستان کو آگے لے جانے کا واحد راستہ وسائل کی منصفانہ تقسےم ہی ہے اور مسلم لےگ(ن) کی حکومت عوام کے دکھوں کو خوشےوں مےں بدلنے اور ملک کو فلاحی رےاست بنانے کےلئے دل وجان سے جدوجہد کررہی ہے ۔انہوںنے کہاکہ محروم معےشت طبقات کو بھی تعلےم اورعلاج کی وہی سہولتےں دےں گے جو امےر کو حاصل ہےں اورپاکستان مسلم لیگ(ن) کی پنجاب حکومت نے ایسا نظام وضع کیا ہے جس سے ہسپتالوں میں غرےب مرےضوں کو بھی وہی ادوےات مفت مل رہی ہےں جو اشرافےہ استعمال کرتی ہے ،یہ اس پاکستان کی جانب پیش قدمی ہے جس کا خواب علامہ اقبالؒ اور قائد اعظم محمد علی جناح ؒ نے دیکھا تھا-وزیراعلی نے کہاکہ تعلیم سمیت ہر شعبہ میں میرٹ کو رائج کیا گیاہے اور میرٹ کی پالیسی پر عملدرآمد کے مثبت نتائج برآمد ہوئے ہیں جبکہ اےنٹوں کے بھٹوں پر کام کرنے والے ہزاروں بچوں کے ہاتھوں مےں قلم اورکتاب دی گئی ہےں۔
شہبازشریف

راولپنڈی (ویب ڈیسک) پاک فوج کو 4 ایم آئی 35 ایم جنگی ہیلی کاپٹرز موصول ہوگئے ہیں۔ تفصیلات کے مطابق ماضی میں حریف رہنے والے پاکستان اور روس کے درمیان اب تیزی سے قربتیں بڑھ رہی ہیں۔ خاص کر دفاعی شعبے میں دونوں ملکوں کے درمیان تعاون مضبو ط سے مضبوط تر ہوتا جا رہا ہے۔ اسی سلسلے میں پاکستان اور روس کے درمیان 2 برس قبل ایک اہم اور تاریخی دفاعی معاہدہ طے پایا تھا۔ اس معاہدے کے تحت روس نے پاکستان کو ایم آئی 35 ایم جنگی ہیلی کاپٹرز کرنے کا فیصلہ کیا تھا۔ یہ معاہدہ سابق آرمی چیف جنرل راحیل شریف کی کوششوں سے طے پایا تھا۔ اب اس معاہدے کے تحت روس نے پاکستان کو ایم آئی 35 ایم جنگی ہیلی کاپٹرز کی پہلی کھیپ فراہم کر دی ہے۔ پہلی کھیپ میں پاکستان کو 4 ایم آئی 35 ایم جنگی ہیلی کاپٹرز فراہم کیے گئے ہیں۔ جبکہ اگلے سال میں پاکستان مزید 20 ایم آئی 35 ایم جنگی ہیلی کاپٹرز روس سے حاصل کرے گا۔

اسلام آباد (ویب ڈیسک) سپریم کورٹ سے پانامہ کیس کا فیصلہ آنے کے بعد نیب کو شریف خاندان کے خلاف ریفرنسز دائر کرنے کا حکم دیا گیا تھا ۔ لیکن نیب شریف خاندان پر خاصی مہربان نظر آتی ہے ۔ نیب نے شریف خاندان کا ایک بڑا خطرہ ٹال دیا۔ تفصیلات کے مطابق نیب نے شریف خاندان کے جے آئی ٹی کے سامنے قلمبند کروائے گئے بیانات پر ہی اکتفا کرنے کا فیصلہ کیا ہے۔ نیب ذارئع نے دعویٰ کیا کہ اب گرفتاریوں کی بجائے براہ راست ریفرنسز دائر کیے جائیں گے۔ نواز شریف اور شریف خاندان کے ممبران کے جے آئی ٹی کو دئے گئے بیانات کے بعد مزید کسی بیان کی ضرورت نہیں ہے۔ نیب نے جے آئی ٹی کے روبرو دئے گئے شریف خاندان کے بیانات کو اپنے ریکارڈ کا حصہ بنا لیا ہے۔ دوسری جانب نگران جج جسٹس اعجاز الاحسن کی جانب سے دئے جانے کے بعد بیانات ریکارڈ کروانے کے لیے جے آئی ٹی ممبران کو نوٹسز جاری کرنا شروع کر دئے ہیں۔ ابتدائی طور پر جے آئی ٹی کے سربراہ واجد ضیا اور ایس ای سی پی کے افسر کو نوٹس جاری کیا گیا، دونوں رواں ہفتے نیب کو اپنے بیانات ریکارڈ کروائیں گے جبکہ دوسرے مرحلے میں جے آئی ٹی کے دیگر چار ارکان نیب میں اپنے بیانات ریکارڈ کروائیں گے۔ بیانات کو شریف خاندان کے خلاف ریفرنسز کا حصہ بنایا جائے گا۔