واشنگٹن / کابل : امریکی صدر ڈونلڈ ٹرمپ نے افغان طالبان سے مذاکرات کا امکان مسترد کردیا ہے۔ایجنسی ادارے اے ایف پی کے مطابق امریکی صدر ڈونلڈ ٹرمپ نے افغان طالبان سے مذاکرات کے امکان کو مسترد کردیا ہے۔وائٹ ہاوئس میں سیکورٹی کونسل کے ارکان سے ملاقات کے موقع پر صدر ٹرمپ کا کہنا تھا کہ افغانستان میں حالیہ دنوں میں ہونے والے دہشت گرد حملوں کے بعد طالبان سے مذاکرات کا کوئی امکان نہیں ہے۔انہوں نے کہا کہ ہم طالبان سے بات چیت نہیں کرنا چاہتے ، وہ دائیں بائیں ہر جگہ بے گناہ لوگوں کو قتل کررہے ہیں۔ وہ اپنے ہی لوگوں کو ماررہے ہیں، ان میں عورتیں اور بچے بھی شامل ہیں۔ صدر ٹرمپ نے مزید کہا کہ ہوسکتا ہے مذاکرات کا وقت ا?جائے لیکن وہ وقت بہت دور ہے۔
