اسلام آباد (ویب ڈ یسک)فرانس اور پولینڈ کے عوام نے پاکستان کے شمال میں واقع نانگا پربت پر پھنسے ہوئے فرانسیسی اور پولش کوہ پیماو¿ں کی بحفاظت واپسی کے لئے کئے گئے پاکستانی اقدامات کو سراہا ہے۔ پولینڈ میں پاکستان کے ڈپٹی ہیڈ مشن شفاعت احمد کلیم نے بتایاکہ کئی پولش شہریوں نے پاکستانی سفارتخانے سے رابطہ کرکے کوہ پیماو¿ں کی بحفاظت واپسی کے لئے کی جانے والی کوششوں کی تعریف کی۔انہوں نے پولش کوہ پیما کے حوالے سے افسوس کا اظہار کرتےہوئے ان کے خاندان کے ساتھ اظہار ہمدردی کیا۔ انہوں نے بتایا کہ کے ٹو کے بیس کیمپ پرموجود چار پولش کوہ پیماو¿ں کی مدد سے نانگا پربت کی چوٹی پر پھنس جانے والے پولینڈ اور فرانس کے کوہ پیماو¿ں کی تلاش کا کام کیا گیا اور اس دوران فرانسیسی کوہ پیما ایلزبتھ ریول کو بحفاظت اتار لیا گیا جبکہ پولینڈ کے کوہ پیما کا اب تک کوئی پتہ نہیں چل سکا۔ پولینڈ میں فرانسیسی سفارتخانے کے حکام نے اپنے بیان میں کہا ہے کہ پاکستان آرمی کی جتنی تعریف کی جائے کم ہے۔
