کراچی(ویب ڈیسک) ویسٹ انڈیز کے سابق کرکٹر اور انٹرنیشنل کمنٹیٹر ڈیرن گنگا نے کراچی میں گلیوں میں کرکٹ کھیل کر دنیا کو ایک منفرد پیغام دیا۔ڈیرن گنگا نے رواں سال پی ایس ایل میں کمنٹری کا ا?غاز کیا اور ا?سٹریلوی کرکٹر مائیکل سلیٹر اور انگلش کھلاڑی ایلن ولکنز کے ساتھ کمنٹری کے لیے دبئی سے پاکستان بھی تشریف لائے۔ڈیرن گنگا کی ایک ویڈیو سوشل میڈیا پر گردش کر رہی ہے جس میں وہ کراچی کے گنجان ا?باد علاقے کی ایک گلی میں بچوں کے ساتھ کرکٹ کھیل رہے ہیں۔تاہم اس بات کی تصدیق ابھی نہیں ہو سکی ہے کہ ا?یا یہ ویڈیو ان کے حالیہ دورہ کراچی کے دوران بنائی گئی یا یہ پرانی ویڈیو ہے۔ویڈیو میں ڈیرن گنگا کو جامنی رنگ کی قمیض اور جینز زیب تن کی ہوئی ہے اور کراچی کے ایک علاقے میں بچوں کے ساتھ کرکٹ کھیلنے میں مگن دیکھا جا سکتا ہے۔اس موقع پر ان کے گرد مقامی بچوں کی کثیر تعداد بھی موجود ہے جو کہ ان کی وہاں موجودگی اور کھیل سے محضوظ ہو رہے ہیں۔ڈیرن گنگا کو اس دوران بار بار موٹرسائیکلوں اور لوگوں کی چہل پہل کی وجہ کھیل بار بار روکنا بھی پڑا۔کراچی میں پی ایس ایل فائنل کے حوالے سے انہوں نے اپنی ایک ٹوئٹ میں لکھا تھا کہ انہیں کراچی کے نیشنل اسٹیڈیم میں کرکٹ کی واپسی پر خوشی ہے۔
