ممبئی (اے پی پی) آسٹریلوی ویمن ٹیم کی کپتان اور سٹار بلے باز میگ لیننگ نے ٹی ٹونٹی انٹرنیشنل کرکٹ میں کیریئر کے 2 ہزار رنز مکمل کر لئے، وہ یہ اعزاز پانے والی آسٹریلیا کی پہلی اور دنیا کی چھٹی کھلاڑی بن گئیں۔، انہوں نے گزشتہ روز بھارت میں جاری سہ ملکی ویمن ٹی ٹونٹی سیریز میں انگلینڈ کے خلاف میچ میں 47 رنز کی دلکش اننگز کھیل کر 2 ہزار رنز کے ہندسے کو عبور کیا، لیننگ نے 73ویں میچ میں 2 ہزار رنز مکمل کئے جس میں ان کی ایک سنچری اور 10 نصف سنچریاں بھی شامل ہیں، ٹی ٹونٹی کرکٹ میں زیادہ رنز بنانے کا عالمی اعزاز انگلینڈ کی شارلوٹی ایڈورڈز کو حاصل ہے جنہوں نے 2605 رنز بنا رکھے ہیںِ، ویسٹ انڈیز کی سٹیفنی ٹیلر 2582 رنز بنا کر دوسرے، نیوزی لینڈ کی سوزی بیٹس 2452 رنز بنا کر تیسرے، انگلینڈ کی سیرا ٹیلر 2091 رنز بنا کر چوتھے اور ویسٹ انڈیز کی دیندرا ڈوٹن 2039 رنز بنا کر پانچویں نمبر پر موجود ہیں۔
