لاہور(نیوزایجنسیاں) آئرلینڈ اور انگلینڈ کے خلاف ٹیسٹ میچز کیلیے ممکنہ اسکواڈ کے حوالے سے سلیکٹرز اور کوچ کی مشاورت مکمل ہوگئی جس کا اعلان اتوار کو متوقع ہے۔ذرائع کے مطابق فخرزمان اور اظہر علی کے ساتھ ایک اضافی اوپنر امام الحق کو بھی شامل کئے جانے کا امکان روشن ہے،مڈل آرڈر میں بابر اعظم، اسد شفیق،حارث سہیل کو جگہ ملے گی، وکٹ کیپر بیٹسمین کے طور پر کپتان سرفراز احمد موجود ہوں گے،اسپن کے شعبے میں شاداب خان کے ساتھ محمد اصغر اور بلال آصف میں سے کسی ایک کو جگہ ملے گی،فہیم اشرف ٹیم میں بولنگ آل راو¿نڈر کا خلا پر کریں گے، پیس بیٹری میں محمد عامر،حسن علی،محمد عباس، راحت علی اور میر حمزہ شامل ہوں گے۔واضح رہے کہ قومی کرکٹ ٹیم آئر لینڈ سے ایک جب کہ انگلینڈ سے دو ٹیسٹ میچوں کی سیریز کھیلے گی۔دورہ آئرلینڈ اور انگلینڈ کیلئے قومی ٹیم کے ممکنہ کھلاڑیوں کا تربیتی کیمپ چوتھے روز بھی جاری رہا ، انگلش بلے بازوں کی مشکل وکٹیں حاصل کرنے کیلئے کرکٹرز نے با ﺅلنگ اٹیک بہتر بنانے کی کوشش میں خوب پسینہ بہا یا ۔سلیکشن کمیٹی نے سیریز کیلئے 16 رکنی حتمی اسکواڈ تشکیل دے دیا ہے تاہم ہیڈ کوچ مکی آرتھر سے مشاورت کے بعد آج کا اعلان کیا جائے گا۔
