لاس اینجلس (شوبز ڈیسک) ہالی وڈ کے معروف اداکار ورن ٹروئیر نشے کی حا لت کے باعث 49 برس کی عمرمیں انتقال کر گئے۔ امریکی میڈیا کے مطابق مزاحیہ فلم”آسٹن پاورسیریز” کے کردار منی می سے شہرت حاصل کرنے والے معروف ترین ہالی ووڈ اداکار ورن ٹروئیرانتقال کر گئے ہیں ۔ ٹروئیر کی موت پر پوری ہالی ووڈ انڈسٹری سوگ میں ہے۔ اداکار ورن ٹروئیر کی موت کی حتمی وجہ ابھی سامنے نہیں آئی ، لیکن سوشل میڈیا اکانٹس میں جاری ہونے والے پیغام میں ان کی موت کی وجہ شدید ڈپریشن کوقرار دیا جارہا ہے۔ورن ٹرویئر کافی عرصے سے بیمار تھے اور ہسپتال میں زیر علاج رہنے کے بعد انہیں گھر بھیجاگیا تھا۔ ٹروئیر کا قد صرف 2 فٹ 8 انچ تھا انہوں نے 58 فلموں اور ٹی وی شوز میں کام کیا تھا۔
