نارووال (مانیٹرنگ ڈیسک) وزیر خارجہ خواجہ آصف کی تاحیات نااہلی کے فیصلے کے بعد تحریک انصاف نے وفاقی وزیر داخلہ احسن
اقبال کیخلاف عدالت جانے کا اعلان کردیا۔ واضح رہے کہ اسلام آباد ہائیکورٹ کے لارجر بنچ نے عثمان ڈار کی درخواست پر فیصلہ سناتے ہوئے خواجہ آصف کو تاحیات نااہل قراردے دیا ہے۔ تفصیلات کے مطابق پی ٹی آئی کے رہنما ابرارالحق نے خواجہ آصف کی تاحیات نااہلی کا فیصلہ آنے کے بعد وفاقی وزیر داخلہ احسن اقبال کیخلاف عدالت سے رجوع کرنے کا اعلان کردیا، ان کا کہنا تھا کہ احسن اقبال کیخلاف آئندہ ہفتے عدالت جاوں گا اور بابراعوان میرے کیس کی پیروی کریں گے۔ واضح رہے کہ وفاقی وزیر داخلہ احسن اقبال بھی اقامہ ہولڈر ہیں اور ان کے پاس سعودی عرب کا اقامہ ہے۔
