کراچی (ویب ڈیسک)پاکستان پیپلزپارٹی کراچی کے علاقے لیاقت آباد ٹنکی گراونڈ میں پاور شو کرے گی، چیئرمین پیپلزپارٹی بلاول بھٹواور شریک چیئرمین آصف زرداری جلسے سے خطاب کریں گے،شہر بھر میں پیپلز پارٹی کے بینرز آویزاں ہیں جیالے بھی جلسے میں شرکت کےلئے تیاریوں میں مصروف ہیں۔120 فٹ لمبا اور 40 فٹ چوڑاسٹیج تیار کیا جارہا ہے تیس ہزار کرسیاں لگائی جارہی ہیں جلسے سے شام 6 بجے چیئرمین پیپلز پارٹی بلاول بھٹو زرداری خطاب کریں گے۔پیپلز پارٹی رہنماوں کی جانب سے بتایا گیا ہے کہ جلسے میں شرکت کےلئے پیپلز پارٹی کے 6 اضلاع سے لوگ ریلیوں کی شکل میں جلسہ گاہ پہنچیں گے۔جلسے گاہ میں جانے کا وقت شام 4 بجے مقرر کیا گیا ہے اور داخلے کےلئے تین دروازہ بنائے گئے ہیں۔دوسری جانب جلسے کےلئے سیکیورٹی انتظامات کو حتمی شکل دے دی گئی ہے تاہم سیکورٹی اہلکاروں سمیت ہزار سے زائد پیپلز پارٹی کے رضاکارسکیورٹی کے فرائض انجام دیں گے۔
