کسی بھی کھلاڑی کا مستقبل ختم نہیں کیا

لاہور(نیوزایجنسیاں)قومی ٹیم کے چیف سلیکٹر انضمام الحق کا کہنا ہے کہ انہوں نے کسی بھی کھلاڑی کا مستقبل ختم نہیں کیا۔ایک انٹرویو میں چیف سلیکٹرانضمام الحق کا کہنا تھا کہ مجھے تنقید کا نشانہ بنایا جا رہا ہے کہ میں نے پلیئرز پول کو بڑھایا لیکن جو 16 کھلاڑی بہترین لگے انہیں انگلینڈ بھیجا گیا۔انضمام الحق نے کہا کہ مجھے نئے کھلاڑیوں کو آگے لانے کا ٹاسک دیا گیا ہے اور تمام کھلاڑیوں کی کارکردگی کا جائزہ لیا جا رہا ہے۔ان کا کہنا تھا کہ سب جانتے ہیں کہ انگلینڈ میں کنڈیشنز آسان نہیں ہوتیں، مشکل ٹور کی وجہ سے ٹیم کو جلد بھیجا گیا۔نوجوان کھلاڑیوں کو بھی اہمیت دی گئی اورسکواڈمیں جگہ دی۔امید ہے ینگسٹرزبھی پرفارمنس دکھا کر مستقبل جگہ بنانے کی کوشش کریں گے۔چیف سلیکٹر قومی ٹیم نے کہا کہ میں نے کسی کھلاڑی کا مستقبل ختم نہیں کیا لیکن محمد آصف کی بات نہ ہی کی جائے تو بہتر ہے۔خیال رہے کہ قومی ٹیم کے دورہ انگلینڈ کے لیے بھیجی گئی ٹیم میں فواد عالم کی عدم شمولیت پر انضمام الحق کو شدید تنقید کا نشانہ بنایا جا رہا ہے۔جو کھلاڑی دورہ انگلینڈکے دوران قومی سکواڈمیں جگہ نہیں بناسکااسے مایوس ہونے کی ضرورت نہیں۔اگلی سیریزکے دوران اسے دوبارہ موقع مل سکتاہے۔