کراچی (ویب ڈیسک) نوجوانوں نے فیس بک پر بھی گرین کراچی کے نام سے مہم شروع کر رکھی ہے جس کے بعد یونیورسٹی روڈ پر صفورا چورنگی کے مقام پر نوجوانوں نے اپنی مدد آپ کے تحت شجر کاری بھی کی۔ مہم میں نوجوان ماحول دوست نیم کے پودے لگارہے ہیں اور انہوں نے عزم کا اظہار کیا ہے کہ مہم کی ابتدائ میں 200 نیم کے پودے لگائے جائیں گے۔ مہم میں شریک نوجوان فرحان حسین کا کہنا ہے کہ شجرکاری کے لیے فنڈز جمع کیے ہیں جس کے بعد پہلے مرحلے میں یونیورسٹی روڈ پر ماحول دوست درخت لگائیں جائیں گے۔ان کا کہنا ہے کہ ہم نیم کے پودے لگارہے ہیں تاہم متعلقہ اداروں سے اپیل ہے کہ وہ پودوں کو پانی دے کر افزائش کریں جب کہ ابتدائی مرحلے میں 200 نیم کے پودے لگارہے ہیں۔یاد رہے کہ شہر میں شدید گرمی اور ہیٹ ویو کے بعد شجرکاری پر زور دیا جارہا ہے جب کہ کئی نوجوانوں کی جانب سے سوشل میڈیا پر باقاعدہ مہم بھی شروع کی گئی ہے۔
