جتوئی (عبدالرحمان آسی سے) خون سفید ہو گیا جائیداد کا تنازعہ چھوٹے بھائی نے تشدد کر کے حقیقی بڑے بھائی کی ٹانگ توڑ دی اور تین روز کمرہ میں محبوس رکھا۔ سالہ اور دوسرا بھائی محبوس متاثرہ محمد غزالی کو ظالم بھائی سے بازیاب کرا کے تھانہ سیٹ پر لے آئے مگر چمک اکمال، پھر اندھیر نگری بیٹ میرہزار پولیس کارروائی سے انکاری ہو گئی۔ متاثرہ خاندان کا خبریں ہیلپ لائن پر فون خبریں ٹیم نے بروقت پہنچ کر ظالم بھائی کے خلاف کارروائی کرائی۔ متاثرہ خاندان کا خبریں کی کاوشوں کو خراج تحسین۔ تفصیلات کے مطابق گزشتہ روز موضع بھنڈیکوزائی کی نواحی بستی متھماں کے رہائشی محمد اصغر متھمان نے خبریں ہیلپ لائن کو فون کر کے بتایا کہ میرے بہنوئی محمد غزالی میتھاں کو اس کے چھوٹے بھائی محمد ارشد متھاں جوکہ ایک کریمنل اور بدمعاشی ہے اور تھانہ بیٹ میر ہزار خان کا کئی مقدمات میں اشتہاری ہے نے جائیداد کے تنازعہ پر اسے بے پناہ تشدد کا نشانہ بنایا جس کی وجہ سے اس کی ایک ٹانگ ٹوٹ چکی ہے اور گھر کا مالیتی سامان زیورات، نقدی اور مال مویشی بھی اپنے قبضے میں رکھے ہوئے۔ میں نے اور اس کے ایک بھائی نے ظالم غنڈے سے بازیاب کرا کر تھانہ بیٹ ہونے والے آیا مگر تھانہ بیٹ میر ہزار خان کی پولیس اس کریمنل سے ملی ہوئی ہے اور اس سے ماہانہ بھتہ لیتی ہے کیونکہ وہ تھانہ بیٹ میرہزار میں کئی مقدمات میں اشتہاری ہے۔ متاثرہ شخص محمد غزالی 5 گھنٹے سے تھانہ کے باہر پڑا ہوا ہے جب خبریں ٹیم تھانہ بیٹ میر ہزار پہنچی تو وہاں پر مضروب پڑا ہوا تھا اور خبریں ٹیم نے فوراً پولیس سے مضروب کا ڈاکٹ جاری کرو اور ایس ایچ او بیٹ میر ہزار غلام شبیر چنڈ کو کارروائی کیلئے کہا جس پر ایس ایچ اوز نے فوراً سب انسپکٹر محمد نصر اللہ کو حکم دیا کہ فوراً چھاپے مار کر ملزم گرفتار کر کے مقدمہ درج کریں اور ایس ایچ او میر ہزار نے کہا کہ مظلوم محمد غزالی کے ساتھ ہر ممکن قانونی امداد کریں گے۔ اس موقع پر مضروب کے رشتہ داروں نے خبریں کی بروقت کارروائی اور قانونی امداد کو سراہا۔ انہوں نے کہا کہ واقعی جہاں ظلم وہاں خبریں نے اپنا ماٹو سچ کر دکھایا ہے جبکہ روزنامہ خبریں کے چیف ایڈیٹر جناب ضیا شاہد کیلئے ڈھیروں دعائیں دیں کہ ادارہ خبریں دن دگنی رات چوگنی ترقی عطا فرمائے۔
