افغان (ویب ڈیسک) جمیلہ (فرضی نام) نے شادی کے لیے اپنے منگیتر کا چھ سال انتظار کیا۔’وہ بار بار اپنی ماں اور بہنوں کے ساتھ میرا رشتہ مانگنے آیا اور اب جب میں جوان نہیں رہی اور چھ سال سے اس کی منگیتر ہوں تو وہ مجھ سے شادی نہیں کرنا چاہتا۔ ‘18 سالہ لڑکی جو بارہ سال کی عمر میں ایک شخص سے منسوب کر دی گئی تھی اور محسوس کر رہی ہے کہ اسے دھوکا دیا گیا۔جمیلہ کا کہنا تھا ’میں اب جینا نہیں چاہتی۔ اسی لیے میں نے چوہے مار زہر سے خودکشی کی کوشش کی۔‘انہیں دو ہفتے پہلے ان کی ماں ہیرات کے ہسپتال لائی تھیں جہاں ان کی جان بچائی گئی۔ان کی کہانی افغاسنتان کی بیشتر عورتوں کی کہانی جیسی ہے۔اعداد و شمار کے مطابق مغربی صوبے ہرات میں خواتین کی خودکشی کا رجحان باقی افغان آبادی سے کہیں زیادہ ہے۔ہرات میں طبی حکام کے مطابق صرف 2017 میں ہی 1800 افراد نے خودکشی کی کوشش کی جن میں 1400 خواتین تھیں۔ ان میں سے 35 اپنی جان لینے میں کامیاب رہیں۔یہ تعداد گذشتہ سال کے مقابلے میں دوگنی ہے جب 1000 کوششیں کی گئیں
