پنجاب بھر کے مئیر ز ، ڈپٹی مئیرز ن لیگ کی انتخابی مہم چلانے لگے

لاہور(عمران جاوید بٹ سے )الیکشن کمیشن اور نگران حکومت پنجاب کی عدم دلچسپی یا عدم توجہ لاہور سمیت پنجاب بھر کے میئرز اور ڈپٹی میئرز مسلم لیگ ”ن“ کے امیدواروں کی انتخابی مہم چلانے لگے ،صوبائی دارلحکومت کے بیشتر ڈپٹی میئرز مسلم لیگ ”ن“ لیگ کے قومی اسمبلی کے امیدواروں کے نگران اور انتخابی مہم کے انچارج مقرر کر دیئے جبکہ ڈپٹی میئرز کے آفس مختلف زونز میں متعلقہ چیئرمینوں کی ڈیوٹیاں بھی تفویض ہو نے لگی ، ڈپٹی میئرعلامہ اقبال زون مہر محمود احمد اپنے قریبی رشتہ دار امیدوار قومی اسمبلی این اے 126 مہر اشتیاق کی انتخابی مہم چلانے میں مصروف عمل ، ڈپٹی میئر سمن آباد زون میاں محمد طارق اعلانیہ طور پر سابق سپیکر قومی اسمبلی سردار ایاز صادق کی انتخابی مہم چلا رہے ہیں، ڈپٹی میئر راوی زون چودھری وسیم قادر بھی میاں حمزہ شہباز کی انتخابی مہم چلانے کے ساتھ ساتھ کارنر میٹنگز بھی کر رہے ہیں ، ڈپٹی میئر گلبرگ زون اعجاز احمد حفیظ این اے 125 میں انتخابی مہم چلا رہے ہیں ، ڈپٹی میئر حاجی اللہ رکھاخواجہ سعد رفیق اور شیخ روحیل اصغر کی انتخابی مہم پر نظر دکھائی دے رہے ہیں اسی طرح بلال چودھری کو مریم نواز کے حلقہ این اے 127 کی انتخابی مہم پر ٹاسک دیا گیا ہے اسی طرح نذیر خان سواتی بھی اندرون شہر میں میاں حمزہ شہباز کی انتخابی مہم چلا رہے ہیں ، ڈپٹی میئر مشتاق مغل این اے 123 سے امیدوار ملک ریاض اور صوبائی اسمبلی کے امیدوار غزالی سلیم بٹ کے علاوہ حمزہ شہباز کے علاقوں میں کارنر میٹنگز کا انعقاد کیا جارہا ہے ، ڈپٹی میئر راو¿ شہاب الدین حلقہ این اے 132 میں سابق وزیر اعلیٰ پنجاب کی انتخابی مہم چلا رہے ہیں ، زرائع نے انکشاف کیا ہے کہ ڈپٹی میئرز کے دفاترز اس وقت متعلقہ مسلم لیگ ”ن“ کی انتخابی مہم کا مرکزقرار دیئے جا رہے ہیں جبکہ زرائع نے بتایا ہے کہ ڈپٹی میئرز کا عملہ بھی انکے ہمراہ ہوتا ہے تاکہ ووٹ دینے والوں کو پیدا ہونیوالے مسائل کا فوری تدارک کیا جاسکے جس میں زونل آفیسر ریگولیشن ، انفراسٹرکچر، پلاننگ اینڈ ڈویلپمنٹ و افسران موجود ہوتے ہیں ، حکومتی 5 سالہ عدم کارکردگی کی بنیاد کے باعث لاہور میں ڈپٹی میئرز اور یونین کونسل کے چیئرمین کی توسط سے انتخابی مہم چلانے میں آسانیاں پیدا ہو نے کے ساتھ ساتھ حلقہ میں بآسانی جانے کےلئے سہارا مل رہا ہے ، ڈپٹی میئرز کی جانب سے انتخابی مہم چلانے پر سیاسی جماعتوں پی ٹی آئی ، پی پی پی ، متحدہ مجلس عمل اور دیگر چھوٹی بڑی جماعتوں کی جانب سے خاموشی اختیار کی جارہی ہے، پاکسان مسلم لیگ ”ن“نے صوبائی دارلحکومت کے 14 حلقوں این اے 123 سے لیکراین اے 136 تک تمام حلقوں میں ڈپٹی میئرز کی سرگرمیوں کےلئے ڈیوٹیاں ترتیب دی گئی ہیں جس کی مانیٹرنگ کےلئے پاکستان مسلم لیگ ”ن“نے ماڈل آفس میں انتخابی مہم سیل بنایا ہوا ہے جہاں تمام سیاسی حلقوں میں ڈپٹی میئرز کی رپورٹ فوٹیج اور تصاویری انداز میں ارسال کی جاتی ہے۔