لاہور (مانیٹرنگ ڈیسک) سابق فرسٹ کلاس کرکٹر طاہرشاہ نے کہا ہے کہ نجم سیٹھی اور عمران خان کی آپس میں بنتی نہیں۔ نجم سیٹھی نے عمران خان کیخلاف آرٹیکل بھی لکھے ہیں۔ چینل ۵ کے پروگرام ”گگلی“ میں گفتگو کرتے ہوئے انہوں نے کہا کہ لیکن عمران خان کوئی جلد بازی سے کام نہیں لیں گے ان کے پاس اور بہت بڑے بڑے کام ہیں۔ انضمام وغیرہ عمران سے ملنے اپنی کرسی بچانے کے لئے گئے ہیں۔ کرکٹ کمنٹیٹر راجہ اسد علی نے کہا کہ کھلاڑی عمران خان سے اس لئے ملنے گئے عمران خان قومی کرکٹ ٹیم کے کپتان بھی رہ چکے ہیں۔ میرے خیال میں کرکٹ میں بہتری کی ضرورت ہے اگر نجم سیٹھی کو ہٹانا ہو تو ان کو باقاعدہ چارج شیٹ دی جائے۔ عمران خان کو کرکٹ بارے سب معلوم ہے بہرحال اگر نجم سیٹھی پر کوئی الزام نہیں تو ان کو نہیں ہٹانا چاہئے۔
