لاہور(جنرل رپورٹر) لاہور تعلیمی بورڈ نے انٹرمیڈیٹ پارٹ ٹو کے سالانہ امتحانات کے پوزیشن ہولڈرز کے ناموں کا اعلان کر دیا۔ چیئرمین لاہور بورڈ پروفیسر بدر السلام اور کنٹرولر امتحانات توصیف الرحمن نے نتائج اور پوزیشن ہولڈرز کا اعلان کیا۔ مجموعی طور پر مختلف گروپس میں طلبہ و طالبات نے نمایاں پوزیشنیں حاصل کیں۔مجموعی پوزیشنز میں گورنمنٹ ڈگری کالج اسلام پورہ کی طالبہ مبشرہ وسیم اور گورنمنٹ کالج یونیورسٹی لاہور کے سید محمد محی الدین نے 1158، 1158 نمبر حاصل کرکے مشترکہ طور پر پہلی پوزیشن حاصل کی۔ گورنمنٹ کالج یونیورسٹی لاہور کے محمد احمد شوکت اور پنجاب کالج آف سائنس کے محمد زنیر امجد نے 1157، 1157 نمبر لے کر مشترکہ دوسری پوزیشن حاصل کی، جبکہ کیپس کالج جوہر ٹان کی طالبہ عائشہ بخش نے 1156 نمبر حاصل کرکے تیسری پوزیشن حاصل کی۔پری میڈیکل بوائز میں سید محمد محی الدین نے 1158 نمبر لے کر پہلی، محمد زنیر امجد اور محمد احمد شوکت نے 1157، 1157 نمبر لے کر مشترکہ دوسری جبکہ حافظ محمد عیسی گل نے 1155 نمبر کے ساتھ تیسری پوزیشن حاصل کی۔پری میڈیکل گرلز میں مبشرہ وسیم نے 1158 نمبر کے ساتھ پہلی، کائنات شہزادی نے 1153 نمبر کے ساتھ دوسری اور عائزہ عمران نے 1152 نمبر لے کر تیسری پوزیشن حاصل کی۔پری انجینئرنگ بوائز میں حسن علی خان نے 1154 نمبر کے ساتھ پہلی، محمد احمد نے 1152 نمبر کے ساتھ دوسری اور فیضان ایزاد نے 1150 نمبر کے ساتھ تیسری پوزیشن حاصل کی۔ پری انجینئرنگ گرلز میں عائشہ بخش نے 1156 نمبر لے کر پہلی، ارفعہ فاطمہ نے 1153 نمبر کے ساتھ دوسری اور علیمہ عباس نے 1151 نمبر کے ساتھ تیسری پوزیشن حاصل کی۔جنرل سائنس گرلز میں سمیعہ رضوی نے 1143 نمبر کے ساتھ پہلی، ممتازینہ رفیق اور نمرہ دین محمد نے 1138، 1138 نمبر لے کر مشترکہ دوسری جبکہ ابریشم کاشف نے 1136 نمبر کے ساتھ تیسری پوزیشن حاصل کی۔کامرس بوائز میں محمد طحہ بن عاطف نے 1094 نمبر کے ساتھ پہلی، علی اکبر نے 1076 نمبر کے ساتھ دوسری اور غلام محی الدین نے 1070 نمبر کے ساتھ تیسری پوزیشن حاصل کی۔جنرل سائنس بوائز میں فریم اکمل اور محمد ایان نے 1141، 1141 نمبر لے کر مشترکہ پہلی، سید مرتضی مہدی نے 1133 نمبر کے ساتھ دوسری جبکہ حافظ عدیل اور عبدالرحمان نے 1131، 1131 نمبر لے کر مشترکہ تیسری پوزیشن حاصل کی۔
