9مئی جناح ہائوس حملہ کیس، پی ٹی آئی رہنمائوں ‘ کارکنوں کی ضمانتوں میں توسیع

لاہور (این این آئی)انسداد دہشت گردی عدالت نے9مئی جناح ہائوس حملہ کیس میں پاکستان تحریک انصاف کے رہنمائوں اور کارکنوں کی عبوری ضمانتوں میں 9 اکتوبر تک توسیع کر دی۔اے ٹی سی کے جج منظر علی گل نے ملزمان کی عبوری ضمانت کی درخواستوں پر سماعت کی۔ اس موقع پر ایم پی اے علی امتیاز وڑائچ، اویس یونس سمیت دیگر پی ٹی آئی رہنما اور کارکنان حاضری کے لیے عدالت میں پیش ہوئے۔دورانِ سماعت پراسیکیوشن نے مقدمے کا ریکارڈ پیش کرنے کے لیے مہلت طلب کی، جس پر عدالت نے آئندہ سماعت پر مقدمے کا ریکارڈ طلب کرتے ہوئے ملزمان کی عبوری ضمانتوں میں 9اکتوبر تک توسیع کر دی۔