پشاور(ویب ڈیسک ) صوبہ خیبرپختونخوا کے دارالحکومت پشاور میں ایک خواجہ سرا کو نامعلوم افراد نے قتل کردیا۔پولیس کے مطابق خواجہ سرا ساجد عرف نازو کو باڑا گیٹ کے علاقے میں اس کی رہائش گاہ پر قتل کیا گیا۔پولیس کے مطابق نازو کی لاش پر تشدد کے نشانات بھی پائے گئے۔پولیس نے قتل کے شبہ میں 2 افراد کو گرفتار کرکے مقدمہ درج کرلیا۔ گرفتار افراد میں مقتول خواجہ سرا کا مالک مکان بھی شامل ہے۔خواجہ سراو¿ں کے حقوق کے لیے سرگرم تنظیم ٹرانس ایکشن پاکستان نے نازو کے قتل کی مذمت کرتے ہوئے کہا کہ 2015 کے بعد سے خیبر پختونخوا میں یہ خواجہ سراو¿ں کے قتل کا 62واں واقعہ ہے۔پشاور میں فائرنگ سے ایک خواجہ سرا ساتھی سمیت جاں بحق تنظیم کا مزید کہنا تھا کہ رواں برس اب تک خواجہ سراو¿ں پر تشدد کے 478 کیسز ریکارڈ ہوچکے ہیں۔رواں ماہ کے آغاز میں بھی پشاور کے نواحی علاقے سربند میں نامعلوم افراد نے 3 خواجہ سراوں کو خنجر کے وار سے زخمی کر دیا تھا۔اس سے قبل مارچ میں پشاور کے رِنگ روڈ پر نامعلوم موٹر سائیکل سواروں کی فائرنگ کے نتیجے میں رکشے میں سوار ایک خواجہ سرا اپنے ساتھی سمیت جاں بحق ہوگیا تھا۔
