پرتگال (ویب ڈیسک)کھیلوں کا ساز و سامان بنانے والی امریکی کمپنی نائیکی نے پرتگال کے فٹبالر کرسٹیانو رونالڈو پر ‘ریپ’ کا الزام عائد ہونے پر ‘شدید تشویش’ کا اظہار کیا ہے۔نائیکی جس کا رونالڈ کے ساتھ ایک بلین ڈالر کا معاہدہ ہے کا کہنا ہے کہ ’وہ اس صورت حال کا قریبی جائزہ لیتی رہی گی۔‘دوسری جانب ای اے سپورٹس جس کا رونالڈو کے ساتھ معاہدہ ہے نے بھی اس طرح کا بیان دیا ہے۔33 سالہ کرسٹیانو رونالڈو ایک امریکی خاتون کی جانب سے لگائے گئے ریپ کے الزامات کو پہلے ہی مسترد کرتے ہوئے اسے ‘فیک نیوز’ یعنی جھوٹی خبر قرار دیے چکے ہیں۔ 34 سالہ امریکی خاتون اور سابق ٹیچر کیتھرین مےیورگا کی وکیل کا کہنا ہے کہ ان کی موکل # می ٹو کی مہم سے متاثر ہو کر اس بارے میں بات کرنے پر راضی ہوئی ہیں۔مےیورگا کی وکیل لیسلی سٹوول کا کہنا ہے ’کیتھرین کو # می ٹو کی مہم سے بہت حوصلہ ملا ہے جس میں خواتین ان کے ساتھ کیے جانے والے جنسی جرائم کے بارے میں کھل کر بات کرتی ہیں۔‘نائیکی اورای اے سپورٹس نے کیا کہا؟نائیکی نے ایک بیان میں کہا ’ہمیں رونالڈ پر عائد کیے جانے والے پریشان کن الزامات پر تشویش ہے اور ہم اس صورت حال کا قریبی جائزہ لیتے رہیں گے۔‘دوسری جانب ای سپورٹس نے خبر رساں ادارے اے پی کو بتایا کہ ہم نے وہ رپورٹ دیکھ چکے ہیں جس میں رونالڈو پر الزامات عائد کیے گئے ہیں۔ادھر اٹلی کے یووینٹس نامی کلب نے ایک ٹویٹ میں رونالڈو کا دفاع کیا ہے۔ایک ٹویٹ میں یووینٹس نے کہا: کرسٹیانو رونالڈو نے حالیہ مہینوں میں اپنی پیشہ ورانہ مہارت دکھائی ہے جس کی جووینٹس میں سب نے تعریف کی ہے۔‘
