ہوسٹن (ویب ڈیسک ) پاکستان مسلم لیگ (ن) کے رہنما جام معشوق علی امریکا کے شہر ہوسٹن میں انتقال کر گئے۔جام معشوق علی سابق وزیراعلیٰ سندھ جام صادق کے بیٹے ہیں اور ان کا تعلق سندھ کے ضلع سانگھڑ سے تھا۔میڈیا رپورٹس کے مطابق وہ امریکا کے ایک ہسپتال میں زیر علاج تھے۔مسلم لیگ (ن) کے رہنما کے انتقال کی اطلاع پر متعدد سیاستدانوں نے دکھ اور رنج کا اظہار کیا۔جام معشوق علی کو 2015 میں سابق وزیراعظم نواز شریف نے سیاسی امور کا مشیر مقرر کیا تھا جن کا عہدہ وفاقی وزیر کے برابر تھا۔2017 میں اس وقت کے وزیراعظم شاہد خاقان عباسی نے بھی انہیں مشیر برائے وزیراعظم تعینات کیا تھا۔میڈیا رپورٹس کے مطابق جام معشوق کو آبائی گاو¿ں جام نواز علی میں سپرد خاک کیا جائے گا۔
