لاہور( این این آئی) وزیر اعظم عمران خان کی آج لاہور آمد کا امکان ہے ،وزیرا عظم کی سانحہ ساہیوال کے متاثرہ خاندان سے ملاقات بھی متوقع ہے ۔ ذرائع کے حوالے سے بتایاگیا ہے کہ وزیراعظم عمران خان کی آج ( اتوار) کے روز لاہور آمد کا امکان ہے ۔ وزیر اعظم کے دورہ لاہور کی صورت میں ساہیوال میں سی ٹی ڈی کے ہاتھوں مارے جانے والے متاثرہ خاندان سے ملاقات بھی متوقع ہے ۔ وزیر اعظم عمران خان پنجاب حکومت کی کارکردگی کا جائزہ بھی لیں گے اور اس حوالے سے وزیراعلیٰ پنجاب سردار عثمان بزدار انہیں بریفنگ دیںگے ۔ ذرائع کے مطابق وزیر اعظم صوبائی کابینہ کے اراکین سے ملاقات بھی کریں گے ۔
