دبئی (آن لائن)لاہور قلندرز کے کپتان محمد حفیظ پاکستان سپر لیگ سے باہر ہوگئے جس کی تصدیق قلندرز انتظامیہ نے بھی کردی۔حفیظ کی صرف پی ایس ایل میں ہی شرکت پر سوالیہ نشان نہیں لگا بلکہ دو ماہ بعد شیڈول کرکٹ ورلڈ کپ میں بھی ان کی شرکت مشکوک ہو گئی ہے اور ان کی شرکت کا انحصار فٹننس پر ہو گا۔محمد حفیظ کراچی کنگز کے خلاف پی ایس ایل کے پانچویں اور لاہور قلندرز کے دوسرے میچ میں انگوٹھے پر گیند لگنے کی وجہ سے زخمی ہوگئے تھے۔لاہور قلندرز کی مینجمنٹ کے مطابق محمد حفیظ کو انگوٹھے میں فریکچر ہے جس کے لیے سرجری درکار ہے اور انہیں مکمل طور پر بحال ہونے کے لیے 6 سے 8 ہفتے لگیں گے۔لاہور قلندرز کے چیف آپریٹنگ آفیسر ثمین رانا کے مطابق محمد حفیظ کو اسکواڈ سے ریلیز کیا جارہا ہے اور ان کا متبادل ٹیم میں شامل کیا جائے گا۔ثمین رانا نے کہا کہ کپتان محمد حفیظ کے ٹیم سے آﺅٹ ہونے پر افسوس ہے، ہماری نیک خواہشات ان کے ساتھ ہیں۔محمد حفیظ کی غیر موجودگی میں اے بی ڈویلیئرز نے پشاور زلمی کے خلاف لاہور قلندرز کی قیادت کے فرائض انجام دیے تھے، دیگر میچز میں بھی ڈویلیئرز کا ہی کپتان برقرار رہنے کا امکان ہے۔ہفتے کو کراچی کنگز کے خلاف میچ کے دوران محمد حفیظ کی گیند پر کولن انگرام نے انہی کی جانب تیز شاٹ کھیلا اور کیچ پکڑنے کی ناکام کوشش میں وہ انگلی زخمی کرا بیٹھے۔حفیظ کو فوری طور پر میدان سے باہر لے جا کر معائنہ کیا گیا اور قلندرز کی میچ میں 22رنز سے فتح کے بعد انہیں فوری طور پر ایکسرے اور اسکین کے لیے ہسپتال منتقل کیا گیا۔حفیظ کی صرف پی ایس ایل میں ہی شرکت پر سوالیہ نشان نہیں لگا بلکہ دو ماہ بعد شیڈول کرکٹ ورلڈ کپ میں بھی ان کی شرکت مشکوک ہو گئی ہے اور ان کی شرکت کا انحصار فٹننس پر ہو گا۔محمد حفیظ نے اس سے قبل گزشتہ تینوں سیزن میں پشاور زلمی کی نمائندگی کی تھی اور اس سال وہ لاہور قلندرز کے کپتان مقرر کیے گئے تھے لیکن بدقسمتی سے اپنی ٹیم کے دوسرے ہی میچ میں وہ زخمی ہو کر ایونٹ سے باہر ہو گئے۔حفیظ کی غیرموجودگی میں پاکستان سپر لیگ کے بقیہ میچز میں اے بی ڈی ویلیئرز لاہور قلندرز کی قیادت کریں گے۔
