قصور(بیورورپورٹ)قصور کے نواح میں درندہ صفت بااثر گروہ کے افراد نے ظلم اور جبر کی ایک نئی داستان رقم کر دی متاثرہ خاندان اور دیہاتی اپنے اوپر ڈھائے گئے ظلم کی داستان سنانے پریس کلب پہنچ گئے تفصیلات کے مطابق موضع وہیگل کے بااثر خاندان سے تعلق رکھنے والے بدقماش نوجوان اشرف نے بارہ سالہ معصوم بچی کو جنسی درندگی کا نشانہ بنانے کی کوشش کی تاہم بچی کی چیخ وپکار سن کر گاﺅں کے لوگ پہنچ گئے جنہیں دیکھ کر اشرف اور اس کے ساتھی موقع سے دھمکیاںدیتے ہوئے فرار ہوگئے گاﺅں والوں کے کہنے پر یتیم بچی کی بھابی انیشہ طارق نے تھانہ مصطفی آباد کو کاروائی کے لیے تحریری طور پر درخواست دی جب اس امر کا علم ملزمان اور ان کے دیگر حامیوںکو ہوا تو اشرف ،اکبر، انور، ارشد، سرفراز، امین اور دیگر افراد نے غریب خاندان کے گھر پر دھاوا بول دیا اور ناصرف گھر میں موجود برتن اور دوسرا سامان توڑ پھوڑ دیا بلکہ متعلقہ بچی کے رشتہ دار طارق علی اور نیاز احمد کو بھی بدترین تشددکرکے بری طرح زخمی کر دیا ملزمان فائرنگ کرتے ہوئے فرار ہوگئے دیہاتیوںنے اس امر کی اطلاع پولیس تھانہ مصطفی آباد کو دی مگر تاحال نہ تو ملزمان کو گرفتار کیا گیا ہے اور نہ ہی ان کے خلاف کسی مقدمہ کا اندراج کیا جارہا ہے اس صورتحال کے پیش نظر متاثرہ خاندان اور دوسرے دیہاتیوںنے زبردست مظاہرہ کیا اور پریس کلب میں آکر روزنامہ خبریں کو پوری تفصیلات سے آگاہ کیا دریں اثناءنواحی گاﺅں شیر پور میںبھی شراب کے نشے میں دھت شیطان صفت چار ملزمان نے معصوم بچے کو اجتماعی زیادتی کا نشانہ بنا ڈالا بتایا گیا ہے کہ علی شاہ نواز کا آٹھ سالہ بیٹا گلی میں کھیل رہا تھا کہ نشے میں دھت گاڑی میں گزرنے والے ملزمان آکاش شاہروز ساگر اور مون بچے کو اغواءکرکے اپنے ڈیرہ پر لے گئے اور باری باری اسے زیادتی کا نشانہ بناتے رہے جب خون میں لت پت بچہ بیہوش ہوگیا تو ملزمان اسے گلی میں پھینک کر فر ار ہوگئے پولیس نے اس واقعہ کا مقدمہ درج کرکے ملزمان کی تلاش شروع کر دی ہے۔
